From Wikipedia, the free encyclopedia
I Gambia dia firenena ao Afrika Andrefana izay manana morontsiraka amin' ny Ranomasimbe Atlantika. I Banjul no renivohiny. Mirefy 11 295 km² ny velaran-taniny. Nisy mponina 2 173 999 tao Gambia tamin' ny taona 2020 ka 192 mp./km2 ny hakitroky ny mponina. Atao hoe Gambiana ny vahoakan' io firenena io.
Saika ao anatin' ny tanin' i Senegaly, afa-tsy ny tapany mitodika any Atlantika, i Gambia. Mamakivaky azy ny ony Gambia. Anisan' ireo firenena kely ao Afrika izy. Nahazo ny fahalevan-tenany i Gambia tamin' ny taona 1965.
Ny vahoaka gambiana dia fitambarana vondrom-poko maromaro, ka ireto ny lehibe indrindra: ny Malinke (40 %),ny Folany, ny Vôlôfo, ny Sôninke ary ny Diolà. Manaraka ny fivavahana silamo mifagaro finoan-drazana afrikana ny 95 %n' ny Gambiana; vitsy ihany ny Kristiana.
Mpamboly ny ankamaroan' ny Gambiana nefa ianjadian' ny toetany maina io firenena io.
Ny fiteny anglisy no fiteny ôfisialin' i Gambia na dia miteny mandinga, vôlôfo, peola, sôninke, serera, kriô sy maro hafa ny mponina ao. Miteny frantsay ihany koa ny Gambiana.