Asiria

I Asiria na Asoria dia faritra ao amin' ny tapany avaratr' i Mesôpôtamia tamin' ny Andro Taloha. Atao hoe Asiriana ny vahoaka nonina tamin' io faritra io. Avy amin' ny anaran' ny tanànan' i Asora izay anaran' ny andriamanitra mpiaro azy koa, ny anaran'io faritra io.

Sarintany maneho ny Empira Asiriana sy ny fiitarany lehibe indrindra tamin' ny taonjato faha-7 tal. J.K;

Sarintany maneho ny faritr' i Asiria (miloko mena) sy ny Empira Asiriana (miloko mavo)

Avy tamin' izany faritra izany no nipoiran' ny fanjakana matanjaka tamin' ny taonarivo faha-2 izay nanjary empira taty aoriana. Tamin' ny taonjato faha-8 sy faha-7 tal. J.K. dia nifehy ny faritra izay nivelatra saika manerana ny firenena maro ankehitriny, toa an' i Iràka, i Siria, i Libàna (na Libanona), i Torkia ary i Iràna, i Asiria.

I Asiria dia fantatra koa indraindray amin' ny anarana hoe Sobarto (Subartu) sy Azohinoma (Azuhinum) talohan' ny nanorenana ny tananan' i Asora (Ashur), taorian' izay dia natao hoe koa Asoraio (Aššūrāyu) izy.

Jereo koa

• Mesôpôtamia

• Somera
• Kaldea
• Akady
• Babilôna
• Persia
• Teglata-Falasara III