From Wikipedia, the free encyclopedia
I Pôlônia na Pôlônina dia firenena ao Eorôpa Atsinanana, ao atsinanan’ i Alemaina sady manana morontsiraka ao amin’ ny Ranomasina Baltika. Ny renivohiny dia i Varsovia ary ny isan' ny mponina ao aminy dia eo amin' ny 38,5 tapitrisa eo ho eo. Atao hoe Polska izy amin' ny fiteny pôlôney. Firenena ao amin' ny Vondrona Eorôpeanina i Pôlônia nanomboka tamin' ny 2004 ary ao amin' ny Erana Schengen izy.
((pl)) | |||||
((pl)) | |||||
Repoblikan' i Pôlônia ((mg)) | |||||
| |||||
Teny filamatra : Tsy misy | |||||
![]() | |||||
Teny ofisialy | poloney | ||||
Renivohitra | Varsovia 52° 13' N, 21° 02' E | ||||
Tanàna ngeza indrindra | Varsovia | ||||
Fitondrana sy governemanta - Filoha - Praiministra |
Repoblika Andrzej Duda Donald Tusk | ||||
Velarantany - Tontaliny - Rano (%) |
faha 70 312 696[1][2] km² 2,6% | ||||
Isam-ponina - Tontaliny (2014) - hakitroka |
faha 34 38 485 779[3][4] mpo. 123 mpo./km² {{{1}}} | ||||
Anaran'ny mponina | Pôlôney | ||||
IDH (2007) | mijanonjanona 0,870 (ambony) faha 37 | ||||
Sandam-bola | Złoty (PLN ) | ||||
Faritr'ora | UTC +1 | ||||
Hiram-pirenena | Mazurek Dąbrowskiego | ||||
Valan-tsehatra internet | |||||
Antso an-tariby |
+48 |
Maro amin’ ny mponina ao Pôlônia no nifindra monina nankany amin’ ny firenana hafa: manodidina ny 12 tapitrisa ny Pôlôney nniala ny tanindrazany nandritra ny tantara, indrindra ny nankany Etazonia, nefa koa nisy ny nankany Rosia sy Frantsa. Manakaiky ny 95 %n' ny Pôloney no Katôlika.
Matanjaka ny seha-pamokarana momba ny fambolena any Pôlônia. Nandroso koa ny taozava-baventy taorian’ ny Ady Lehibe Faharoa. Nanomboka tamin’ ny taona 1990 dia nanao fanavaozana i Pôlônia ka nomena ny sehatra tsy miankina sady natao ny haha môderina ny toekareny ary nanakaiky ireo firenena ao amin’ ny Vondrona Eorôpeana izy.
Nanomboka tamin’ ny dinastian’ ny Piast tamin’ ny faramparan’ ny taonjato faha-10 ny tantaran’ i Pôlônia. Tamin’ ny fotoana nanapahan’ ny dinastian’ ny Jagellons tamin’ ny taonjato faha-14 hatramin' ny faha-17 dia anisan’ ireo fanjakana natanjaka indrindra tao Eorôpa i Pôlônia. Nitontongana izany tanjaka izany taty aoriana noho ny ady nifanandrenany tamin’ i Soeda sy tamin’ i Rosia. Nanombinana ny tanim-pireneny ary rava ny toekareny. Nisaratsaraka mihitsy aza i Pôlônia: rava ny maha firenena azy nanomboka tamin’ ny taona 1795. Nandritra ny taonjato faha-19 dia tsy hita tamin’ ny sarin-tanin’ i Eorôpa i Pôlônia. Ny taniny taloha dia nifampizaràn’ i Rosia sy i Aotrisy ary i Prosia. Nandroso ny fanindrahindran-tanindrazana pôlôney ka niafara tamin’ ny fanambaràna ny fitsanganan’ ny Repoblika Mahaleo Tenan’ i Pôlônia tamin’ ny taona 1918. Ny tanim-pirenen’ i Pôlônia dia tafaverina tsikelikely amin' izay. Ny 1 Septambra 1930 nanafihan’ i Alemaina an’ i Pôlônia dia nanamarika ny fiantombohan’ ny Ady Lehibe Faharoa. Nanangana toby famatrarana maro manerana an’ i Pôlônia ny tafika alemàna sady nandringana ny Jiosy tao Varsovia tamin’ ny taona 1943. Tamin’ ny taona 1945 dia tafapetraka tao Pôlônia ny fitondram-panakana kômonista ary naka tahaka ny an' ny Firaisana Sôvietika ny fampandrosoana an’ ilay firenena. Tamin’ ireo taona 1980 dia nanao fihetsiketsehana nanoherana ny fiharatsian’ ny toe-piainany ny mpiasa amin’ ny orinasa. Nivondrona tanatin’ ny sindikà notarihin’ i Lech Walesa izy ireo. Tamin’ ny taona 1981 dia niezaka nisakana izany hetsika izany ny jeneraly Jaruzelski ka nanambara ny fepetran’ ny tany miady. Ny fahatongavan’ i Mikhail Gorbatchev teo amin’ ny fitondrana ny Firaisana Sôvietika no nampisy fifampiraharahana ka lasa firenena demôkratika i Pôlônia tamin’ ny taona 1990. Nanao fanavaozana ara-toekarena sy ara-pôlitika, izay nahafahany niditra ao amin’ ny Vondrona Eorôpeana tamin’ ny taona 2004, i Pôlônia.
Miisa 38 485 779 ny isan' ny olona miaina any Pôlônia tamin'ny 1 Janoary 2014[5].
Firenena ao Eorôpa
Albania - Alemaina - Andôra - Aotrisy - Belzika - Bielôrosia - Bolgaria - Bôsnia-Herzegôvina - Danemarka - Espaina - Estônia - Fanjakana Mitambatra - Finlandy - Frantsa - Grisia (na Gresy) - Hôngria (na Hongaria) - Irlanda - Islandy - Italia - Jeôrjia - Kipra (na Sipra) - Krôasia (na - Krôatia) - Letônia - Liktenstaina - Litoania - Loksemborga - Masedônia Avaratra (na Makedônia Avaratra)- Malta - Môldavia - Môntenegrô - Nederlandy - Nôrvezy - Okraina - Pôlônia - Pôrtogaly - Tsekia - Romania - Rosia - San-Marîno - Serbia - Slôvakia - Slôvenia - Soeda - Soisa - Tsekia - Vatikàna.
Kôntinenta eto an-tany
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.