Aotrisy

Ny Aotrisy na Repoblikan' i Aotrisy, dia firenena any Eorôpa Afovoany, tsy manana morontsiraka, voafaritr' i Soisa sy i Liktenstaina any andrefana, i Italia sy i Slôvenia any atsimo, i Hôngria sy i Slôvakia any atsinanana ary i Alemaina sy ny Repoblika Tseky any avaratra. Firenenana mpikambana ao amin' ny Vondrona Eorôpeanina mampiasa ny sandam-bola Euro i Aotrisy. I Vienna no renivohiny ary ny fiteny ôfisialiny dia fiteny alemana.

Republik Österreich ((de))

((de))

Repoblikan' i Aotrisy ((mg))


(Antsipirihany)	(Antsipirihany)

Teny filamatra : Tsy misy

Teny ofisialy fiteny alemana (tenim-pirenena) ; fiteny magyar sy fiteny slovena (tenim-paritra)

Renivohitra

Vienne
48°12′N 16°21′E

Tanàna ngeza indrindra Vienne

Fitondrana sy governemanta
- Filoha
- Chancelier Repoblika federaly
Alexander Van der Bellen
Karl Nehammer

Velarantany
- Tontaliny
- Rano (%) faha 112
83 879 km²
0,84 %

Isam-ponina
- Tontaliny (2021)
- hakitroka

faha 88
8 932 664 mpo.
106 mpo./km²

Anaran'ny mponina Aotrisianina

IDH (2019) Mihakatra 0,922 (ambony) faha 15

Sandam-bola Euro (EUR)

Faritr'ora UTC +1

Hiram-pirenena Land der Berge, Land am Strome

Valan-tsehatra internet

Antso
an-tariby +43

Firenena tsy manana moron-tsiraka i Aotrisy. Be tendrombohitra ny vohon-taniny: ny tangoron-tendrombohitra Alpa otrisiana izay mandrakotra ny 80 %n' ny taniny.

Miompana amin' ny taozava-baventy sy ny fizahàn-tany ny toekaren' i Aotrisy.

Manana tantara lava i Aotrisy. Ny faritra maro any Aotrisy ankehitriny dia tafiditra tao amin' ny Empira Rômana. Nanomboka tamin' ny taonjato faha-13 i Aotrisy dia teo ambany fifehezan' ny Empira Masina Rômana Jermanika. Lasa empira matanjaka i Aotrisy taty aoriana izay nahatratra ny fara tampon' ny tanjany tamin' ny taona 1848 hatramin' ny 1916. Nanomboka tamin' ny taona 1867 izy dia lasa nantsoina hoe Empira Aostrô-Hôngariana. Tamin' ny 26 Jona 1914 dia nisy namono i François-Ferdinand zana-drahalahin' ny emperora izay tokony handova ny fitondrana, ka izany no nampipoaka ny Ady Lehibe Voalohany. Rava ny Empira Aostrô-Hôngariana tamin' ny fiafaran' izany ady izany ka teraka ny Repoblika Aotrisiana, izay naharitra teo anelanelan' ny taona 1918 sy 1938. Nakamban' i Hitler tamin' i Alemaina i Aotrisy taty aoriana. Taorian' ny Ady Lehibe Faharoa anefa dia ny tafiky ny firenena niady amin' ny nazisma no nibodo ny tanin' i Aotrisy. Lasa fanjakana nanana ny fiandrianany indray i Aotrisy tamin' ny taona 1955, tafatsangana indray ny Repoblika Aotrisiana ary niala amin' izay ny firenena rehetra nibodo azy. Niditra ho mpikambana ao amin' ny Vondrona Eorôpeana i Aotrisy tamin’ ny taona 1995.