Dees lies gief 'n alfabetisch euverziech vaan versjèllende peerdsrasse, mèt summier informatie euver eder ras apaart. Ponyrasse, die numeriek de gewoen peerdsrasse euvertrèffe, zien mètgenome.
| Inhawd: |
- Abacopeerd. Bekaans oetgestorve verwèlderd peerd oet de Bahama's en de Dominicaanse Rippubliek, aofstammend vaan Iberische peerd.
- Abessijn. Raank gebojde pony/klei peerd oet Ethiopië.
- Achel-Tekepeerd. Zier aajd ras oet Turkmenistan, aofgebeeld op 't waope vaan dat land.
- Aegidienberger. Nui ras (1981), groete pony, gefok in de stoeterij vaan Aegidienberg (Noordrien-Wesfale) oet d'n Ieslander en de Paso Peruano.
- Albanees. Wermbloodpeerd op ponygruutde oet Albanië.
- Altai. Russische bergpony.
- Altér Real. Typisch Iberisch hoegesjaolpeerd oet Portugal.
- American Quarter. Middelgroet peerd oet de VS, väöl bij westernrije gebruuk; mèt 4,6 mieljoen individus 't getalsmaoteg groetste ras op de wereld.
- American Saddlebred. Groeter en minder frequint es de veurege, ouch väöl bij shows gebruuk.
- American Standardbred. Middelgroet wermbloodras, oersprunkelek veur peerdsrenne gefok.
- American walking pony. Relatief nui ras, krusing tösse de Tennessee walking horse en de Welsh pony.
- Amerikaons Cremepeerd. Kaajdbloodpeerd ('t eineg ras oet de VS) mèt typerend cremekleurgen.
- Amerikaons Curlypeerd.
- Amerikaons miniatuurpeerd. Sjófhuugde maximaol 86,5 cm.
- Amerikaonse shetlander. Groeter en raanker es ziene Sjotse pendant, soms mèt de Hackney gekruus.
- Andalusiër. Typisch Iberisch peerd mèt edel trèkke oet Spaanje, väöl bij 't hoegesjaolrije gebruuk.
- Anglo-Arabeer. Peerd die aofstamme vaan Ingelse volbloodpeerd en Arabere. Bieste boe ouch d'n Arabische componint volbood is, weure Anglo-Arabisch volblood geneump.
- Anglo-Normandiër. Wermbloodpeerd oet Normandië (Fraankriek).
- Appaloosa. Amerikaons ras mèt Spaonse wortele, mèt 'n historie vaan verwèldering en gebruuk door Nez Percé-Indiaone.
- Appaloosa-sportpeerd. Oonderras mèt wermblood gekruus.
- Arabeer. In de regel is dit oonder peerdsfokkers de naom veur Arabische peerd die zjus neet gans zuver (volblood) zien en daorum neet bij haafbloodrasse kinne weure ingedeild.
- Arabisch haafblood. Wermbleujeteg peerd mèt minstens 25% - liever 50% - Arabisch blood; versjèllende rasse.
- Arabisch volblood. Peerd wat zien ganse aofstamming op diere oet 't Arabisch sjiereiland kin trökveure. Weurt gezeen es 't edelste ras wat besteit. Veural ren- en showpeerd.
- Arabo-Fries. Krusing tösse Arabisch volblood en Fries peerd. Liek uterlek op de gewoene Fries, dee jao al wermbleujeteg is.
- Arabo-Haflinger. Krusing tösse Arabeer en Haflinger.
- Ardenner. Kaajdbloodwèrkpeerd oet de Ardenne (inclusief Frans deil).
- Arenberg-Nordkirchener. Typische kinderpony oet 't Munsterland, intösse (zoe good wie) oetgestorve.
- Arravani. Tölt beheersende rijpony oet de Peloponnesos, Griekeland.
- Assateaguepony. Elegant ras mèt ponygruutde vaan 't Amerikaans eiland Assateague (Maryland/Virginia).
- Astrucón ('Asturiaon'). Ponyras oet Asturië, Spaanje.
- Australisch veedrieverspeerd. Relatief klei (ca. 1,50m) ras wat nog veural praktisch weurt gebruuk.
- Australisch wermblood.
- Australische pony. Kinderpeerd vaan roond de 1,20 meter, miestal sjummel.
- Auxois. Zwoer wèrkpeerd oet Fraankriek, ouch es vleispeerd geleef.
- Azteek. Joonk Mexicaons ras.
- Bardigiano. Zwoergebojd las- en trèkpeerd oet de noordeleke Appenijne, Italië. Zeldzaam.
- Basjkier. Klei las-, trèk, mèlk- en vleispeerd vaan de steppe.
- Basoetopeerd. Klei peerdsras oet Zuid-Afrika, oontstande bij de Sotho oet peerd vaan de Boere.
- Batakpony. Ponyras vaan Sumatra, veural veur kinder good gesjik.
- Beiers wermblood. Vrij groet en aajd rij- en sportpeerd oet Beiere.
- Belsj wermblood. Vrij joonk middelgroet wermbloodras, vaanaof begin twintegsten iew oet Nederlandse, Duitse en Franse peerd gefok.
- Berberpeerd. Aajd en vrij klein ras, te vergelieke mèt d'n Arabeer.
- Boedjonni. Wermbloodras oet Rusland, oontstande oet Donpeerd en Ingelse volblode.
- Bosniër. Bergpony oet Bosnië-Hercegovina, good es lasdier.
- Boulonnais. Neet al te groet kaajdbloodpeerd oet Picardië, Fraankriek; dèks sjummel.
- Brandenburger wermblood. Zeldzaom, middelgroet peerdsras, es zoedaoneg oontstande in de aw DDR.
- Braobander of Belsj trèkpeerd. Zwoer gebojd, fors kaajdbloodras, veural in 't Pajotteland gefok.
- Bretón. Wermbloodpeerd oet Bretagne, Fraankriek.
- Brumby. Verwèlderd Australisch peerd, klein en good aongepas aon lestege umsten in 't binneland.
- Camarguepeerd. Haaf verwèlderde, elegante peerd op ponyhuugde, miestal sjummele, op 't eiland Camargue in Fraankriek.
- Camarillo. Amerikaanse foklijn mèt dominant-witte peerd.
- Campeiro. Klei peerd oet Brazilië, oongeveer op de grens vaan ponygruutde, vaanajds oonder mie bij sjiepers in gebruuk.
- Campolina. Get groeter es de veurege en ouch oet Brazilië; neve de veurege touwpassing ouch rijpeerd.
- Canadees sportpeerd.
- Cleveland Bay. Ras oet Yorkshire, Ingeland, wat op e typ oet de middeliewe trökgeit.
- Clydesdale. Middelgroet tot enorm (>1,90 m.) kaajdbloodpeerd oet Sjotland; trèkpeerd, dèks brouwerspeerd.
- Colorado Ranger. Vrij klein rij- en koetspeerd mèt luipeerdstippe.
- Comtois. Klei kaajdbloodras, e trèkpeerd oet de Franche-Comté, Fraankriek.
- Connemarapony. Groete pony oet Connemara, Wes-Ierland; goje rijpony.
- Criollo. Klein, Iberisch peerdsras oet Argentinië, wat vaan de allerierste in Latiens Amerika ingeveurde peerd aofstamp.
- Dalespony. Ponyras oet Noord-Ingeland, vaan beteikenis es lasdier.
- Dartmoorpony. Vrij klei ponyras oet Zuidoos-Ingeland, mèt zienen oersprunk in d'n èlfden iew.
- Davertnickel. Verwèlderd peerd t'r huugde vaan 'ne groete pony in 't Munsterland, Duitsland; oetgestorve.
- Deens wermblood. Springpeerd, nao d'n oorlog in Denemarke gefok oet Zweedse en veural Duitse bieste.
- Delibos. Wermbleujeteg rijpeerd oet Azerbaidzjan.
- Dölepeerd. Klein aajd ras oet Noorwege.
- Donpeerd. Aajd peerdsras oet Rusland (de Donvallei), traditioneel geassocieerd mèt de Donkozakke.
- Duitse Classic. Kleinen, elegante pony oet Duitsland, aofstammend vaan de Shetlander.
- Dülmener. Awwerwèts aondoenden Duitse pony.
- Faeröerpony. Vrij kleine pony vaan de Faeröer, verwant aon d'n Ieslander en 't fjordepeerd.
- Falabella. Kleinste peerdsras op de wereld, oet Argentinië, um ziene raanke bouw neet tot de pony's gerekend.
- Fellpony. Aajd ponyras oet 't Ingels Lake District.
- Fin. Klein tot middelgroet allroundpeerd oet Finland.
- Fjordepeerd. Klei peerd of groete pony oet 't kösgebeed vaan Noorwege, vaanajds las- en trèkpeerd, noe veural veur amateurruters.
- Frederiksborger. Elegant barokpeerd oet Denemarke, zier euverwegend voeze mèt karakteristieke aofteikening.
- Freiberger. Rijpeerd oet de Zwitserse Jura, bekind door zienen inzat in 't Zwitsers leger.
- Fries. Aajd wermbleujeteg wèrkpeerdras, ouch väöl in shows en films gebruuk; gemeinelek zwart, aander kleure zien oongewuns.
- Furioso-Northstar. Hongaars wermbloodras, rijpeerd, oersprunkelek veur de cavalerie gefok.
- Galicenopony. Middelgroet tot groet ponyras oet Mexico mèt wortele in Galicië (Spaanje).
- Gelderlander. Wermbleujeteg koetspeerd, in 't verleie ouch wel es wèrkpeerd gebruuk. Mèt de Groninger de basis veur 't Nederlands wermblood.
- Giarapeerd. Ponyras vaan Sardinië, Italië, gebruuk es laspony en ouch wel es rijpony.
- Gidran. Klein tot middelgroet trèk- en rijpeerd oet Hongarije.
- Gotlandpony. Middelgroet elegant ponyras oet Gotland, Zwede.
- Groninger. Zwoer meh wermbleujeteg peerd oet Groninge, Nederland, bekaans compleet opgegaange in 't Nederlands wermblood en daorum noe sjeers.
- Guoxia. Minipony (oongeveer 'ne meter groet) oet Zuidwes-China, pas in de jaore 1980 oontdèk.
- Hack. Bepaold typ renpeerd, bekaans volbleujeteg (zoegeneumden heitblood).
- Hackney. Ingels koetspeerd.
- Haflinger. Groet ponyras oet Zuid-Tirol, Italië, ingezat in alle gebeie meh allewijl in 't bezunder es rijdier veur amateurs.
- Hannoveraon. Algemein verbreid wermbloodras oet Nedersakse, Duitsland, bekind sinds de vieftienden iew en väöl in de spring- en dressuursport gebruuk.
- Heckpeerd. Wie 't konikpeerd 'n reconstructie vaan d'n tarpan, gefok oet mere vaan koniks en aander ponyrasse en Przewalskihingste.
- Hessisch wermblood. Wermbloodras oet Hesse, vaanaof de negentienden iew gefok meh sinds 2009 opgegeve; de peerd zien toen compleet in 't fokverband vaan de Hannoveraone opgenome.
- Highlandpony. Groet ponyras oet Sjotland.
- Hispano-Arabeer. Edel ras gemaak oet Arabere en Iberische peerd.
- Hokkaidopony. Middelgroet ponyras vaan Hokkaido, Japan.
- Holsteiner. Aajd peerderas oet Sleeswiek-Holstein, Duitsland, in de loup vaan de iewe zoe veredeld tot 't noe veural e sportpeerd is.
- Hrvatski Posavac. Kaajdbloodras, trèkpeerd oet Kroatië.
- Hutsul. Ponyras oet de oosteleke Karpate (Oekraïne en Roemenië), in verband gebrach mèt 't volk vaan de Huzule (Oekraïens praotende naozaote vaan Tatare en Kozakke).
- Iers sportpeerd. Middelgroet sportpeerd oet Ierland, oontstande oet krusing vaan Ingelse volblode mèt de volgende.
- Iers trèkpeerd. Rij- en trèkpeerd vaan variërende huugde, dinkelek oontstande oet Connemera's, Spaonse peerd en Aajd-Ingelse wermblode.
- Ieslander. Vrij groet ponyras (dèks neet zoe geneump), typisch rijpeerd, tölter en tèlgenger.
- Ingelse volblood. Sinds (in eder geval) begin achtienden iew gefok sportpeerd (veural rensport), oet (drei) Oosterse hingste en inheimse mere.
- Iomoed. Klei ras oet Turkmenistan.
- Italiaons kaajdblood. Klei, zeldzaom kaajdbloodpeerd oet Noord-Italië, in 't bezunder de Veneto.
- Kabardijn. Vrij klein meh elegant ras oet de noordeleke Kaukasus, geheld en bezunder good gesjik veur langenaofstandsrije (reize te peerd).
- Karabagh. Ouch e vrij klei Kaukasisch ras, miestens voeze.
- Karabair. Relatief klei rijpeerd oet Oezbekistan.
- Kartuizer. Oonderras vaan 't Andalusisch peerd, veural veur 't hoegesjaolrije.
- Kaspisch peerd. Ras mèt de huugde vaan maximaol 'ne middelgroete pony meh de bouw vaan e gewoen peerd.
- Kathiawari. Edel ras vaan 't eiland Kathiawar, India, mèt de huugde vaan 'ne groete pony en de bouw vaan 'nen Arabeer.
- Kazach. Klein, archaïsch steppepeerd oet Kazachstan, wie zien verwante veur rije, mèlk en vleis gebruuk.
- Kentucky Mountain Saddle Horse. Klei gengepeerd (e typisch rijpeerd dus) oet de Apalache.
- Kinskypeerd. Verdwijnend middelgroet wermbloodras oet Tsjechië, dèks in isabelkleur.
- Kladruber. Middelgroet barokpeerd oet Tsjechië, vergeliekbaar mèt de lippizaner; allein sjummele en zwarte peerd.
- Knabstrupper. Vrij klein Deens dressuur- en hoegesjaolpeerd, väölal mèt luipeerdvlekke.
- Koesjoem. Relatief nui Kazachstaons springpeerd.
- Konik. Pools ponyras mèt tarpanblood. Dèks verwèlderd in natuurgebeed losgelaote, beveurbeeld in de uterweerde vaan de Maos en in Ingedaal.
- Landais. Middelgroet tot groet ponyras oet de aw Landes-provincie in Gascogne, Fraankriek, gebruuk es sportpeerd.
- Lehmkuhlener. Middelgroet ponyras oet Sleeswiek-Holstein, Duitsland.
- Lets kaajdblood. Bekaans verdwene, middelgroet trèk- en wèrkpeerd oet Letland en aander Baltische len.
- Lets wermblood. Nao d'n oorlog oontstande door krusing vaan inheimse kaajdblode mèt Frieze, Hannoveraone, Holsteiners en Oldenburgers.
- Leutstettener. Zeldzaom middelgroet peerd oersprunkelek oet Sárvár, Hongarije.
- Lewitzer. Vrij groete pony oet Mecklenburg-Vorpommern, Duitsland.
- Lippizaner. Edel peerdsras, in groete mierderheid sjummels, oersprunkelek oet Lipica (Slovenië), veural bekind vaan de Spaonse Rijsjaol in Wene.
- Litouws kaajdblood. Relatief klein kaajdbloodpeerd oet Litouwe, gebruuk es trèk-, wèrk- en vleispeerd.
- Lokai. Steppepeerd oet Tadzjikistan.
- Lusitano. Barokpeerd oet Portugal, veural veur dressuur- en hoegesjaolrije gebruuk.
- Mangalarga Marchador. Oersprunkelek sjieperspeerd oet Minas Gerais, Braziel, soms op ponyhuugde, allewijl ouch rij- en showpeerd.
- Mangalarga Paulista. Peerd oet São Paulo, oontstande oet krusinge vaan 't veureg ras mèt versjèllende Britse en Amerikaonse rasse.
- Maremmano. Middelgroet sjieperspeerd oet Maremma, Toscane, Italië, ummer broen.
- Marwari. Zeldzaom, klein tot middelgroet rijpeerd oet de striek Marwar in India, bekind um de gekrölde oere.
- Mecklemburger. Sjaars Duits wermbloodrijpeerd.
- Menorkijn. Middelgroet zwart peerd vaan 't eiland Menorca, Spaanje, veural es folkloristisch showpeerd.
- Mérens. Klei peerd, veural rijpeerd, oet Zuid-Fraankriek, mesjiens al zier aajd.
- Messarapeerd. Rij- en transportpeerd op ponyhuugde vaan Kreta, Griekeland.
- Minishetlander. Fokriechting vaan de Shetlander die maximaol 87 cm haolt, oersprunkelek oet Ingeland, eventueel es rijpeerd veur klein kinder te gebruke.
- Misaki. Verwèlderd ponyras vaan 't eiland Kyushu, Japan.
- Missouri Foxtrotter. Klein tot middelgroet peerdsras, oersprunkelek oet de staote Missouri en Arkansas, bekind um zie groet aontal geng.
- Miyakopony. Groet ponyras vaan 't eiland Miyako, Japan.
- Mongools peerd. Peerd oet Mongolië op ponyhuugde, rij- en lasdier, good gesjik veur extreem umsten.
- Morab. Krusing tösse de Morgan en d'n Arabeer, in de VS gefok veur elegenate meh toch sterke trèk- en showpeerd te make.
- Morgan. Klein Amerikaans rijpeerd.
- Murgese. Rijpeerd oet Apulië, Italië mèt zoewel werm- es kaajdbloodkinmerke.
- Mustang. Verwèlderd peerd mèt Spaons blood op de prairies in de VS. Dèks obbenuits getemp es dat nujeg is.
- Nangchenpeerd. Klei ras oet Tibet, China, pas in 1994 bij Westerlinge bekind geraak.
- Narragansett Pacer. Renpeerd oet Rhode Island, VS, ind negentienden iew oetgestorve.
- Namibpeerd. Sjaars, verwèlderd peerdsras wat oonder meujeleke umsten in de Namibweuste, Namibië leef.
- Napolitaon. Verdwene zwart gevechs- en hoegesjaolpeerd oet Napels, Italië, nao 1800 opgelos in Franse populaties.
- Nederlands wermblood (KWPN). Vrij nui ras, nao d'n Twiede Wereldoorlog oet de Gelderlander en de Groninger gefok. Zier geleef es spring- en dressuurpeerd.
- New Forestpony. Groet rijponyras oet Zuid-Ingeland.
- Nomapony. Ponyras vaan 't eiland Skikoku; kleinste ponyras oet Japan.
- Nonius. Klein of middelgroet wermbloodpeerd, ajdste wermbloodras vaan Hongarije.
- Nooitgedachtpony. Zeldzaom ras oet Zuid-Afrika, aofstammeling vaan de Basutopony.
- Noordzweeds kaajdblood. Klein tot middelgroet zwoer gebojd koets- en wèrkpeerd, gebruuk in de bosbouw um buim te sleipe.
- Nordlandspeerd of Lyngenpeerd. Vrij groete pony oet noordelek Noorwege.
- Norfolk Trotter. Oetgestorve Ingels koetspeerd.
- Noriker. Middelgroet, kaajdbleujeteg rij- en trèkpeerd oet Oosteriek.
- Oekraïner. Middelgroet wermbloodpeerd oet de Oekraïne.
- Ölandpeerd. Klein (tot 105 cm) oetgestorve ponyras vaan 't eiland Öland, Zwede.
- Oldenburger. Vrij groet wermbloodpeerd oet Oosfriesland, Duitsland; sport- en koetspeerd.
- Oosfries of Alt-Oldenburger. Aon 't veureg ras verwante wermbloodrasse, miestal veur ei ras aongezeen.
- Oosterieks wermblood. Middelgroet of groet sportpeerd, wat op 'n awwer inheims ras trökgeit.
- Orlovdraver. Peerd oet Zuidwes-Rusland, gefok veur d'n drafsport.
- Panjepeerd. Wèrkpeerd op ponyhuugde oet Oos-Europa.
- Paso Fino. Klein gengepeerd, soms op ponyhuugde, oet Colombia en 't Caribisch gebeed; nao häöm is 'ne bezundere gaank geneump.
- Paso Peruano. Klei peerdsras oet Peru, allewijl gere gebruuk es vrijetiedspeerd.
- Peneiapony. Middelgroete pony, veural las- en wèrkpeerd, oet Eleia, Griekeland.
- Percheron. Klein tot hendeg groet kaajdbloodpeerd oet La Perche in westelek Normandië, Fraankriek, miestal sjummel; wèrkpeerd, trèkpeerd en vleispeerd.
- Pfalzardenner. Kaajdbloodwèrkpeerd oet de Palts, Duitsland, gefok oet versjèllende Belzje, Franse en Duitse rasse.
- Pindospony. Middelgroete bergpony oet de Pindos in Griekeland.
- Pinto of Paint Horse. Vrij klei peerd mèt kinmerkend vlekkepetroen, oet de VS.
- Poitevin. Kaajdbloodras oet de Poitou, Fraankriek, gemeinelek vaal, veur de fok vaan moelezele.
- Polo Argentino. Klei peerdsras oet Argentinië, werelwied veur 't speule vaan polo gebruuk.
- Pony of the Americas. Middelgroet of groet Amerikaons ponyras mèt luipeerdsvlekke.
- Pottok. Middelgroet of groet, aajd ponyras oet Baskeland.
- Przewalskipeerd. Lèste othentiek wèld peerd, sterk bedreig. Apaarte oondersoort (Equus ferus przewalskii).
- Pura Raza Española. Iberisch raspeerd, sinds 1912 streng gefok oet d'n Andalusiër; rijpeerd; dèks sjummele.
- Quarab. Amerikaons peerd gefok oet d'n American Quarter, d'n Arabeer en de pinto.
- Quarterpony. Variant vaan d'n American Quarter op ponyhuugde.
- Quba. Klein peerd oet Azerbaidzjan.
- Racking Horse. Klein tot middelgroet gaangepeerd oet de VS, pas sinds de jaore 1970 es ras gefok.
- Rijnlands kaajdblood. Middelgroet wèrk- en trèkpeerd oet 't Rijnland, Duitsland.
- Rijnlands wermblood. Veredeling vaan 't veureg ras.
- Riwochepeerd. In 1995 oontdèk ponyras oet Tibet, China; vaal en dèks mèt primitief petroene.
- Rocky Mountainspeerd. Joonk, klein tot middelgroet gaangepeerdsras, miestal broen, gebruuk veur vrijetiedsrije; neet oet de Rocky Mountains meh oet de Appalache.
- Rottaler. Middelgroet wermbloodpeerd oet 't Rottal in Noord-Beiere, Duitsland.
- Russische kaajdblood. Relatief klei kaajdbloodwèrk- en slachpeerd wat op d'n Ardenner liekent meh oet Rusland kump.
- Russischen draver. Middelgroet, sinds midde twintegsten iew in Rusland veur d'n drafsport gefok peerd.
- Sable Islandpony. Zeldzaom, relatief groet ponyras vaan Sable Island, Canada.
- Saksisch-Turings kaajdblood. Zeldzaom, meh aajd wèrkpeerdsras oet Oos-Duitsland.
- Saksisch-Turings zwoer wermblood. Middelgroet (wage-)trèkpeerd oet 'tzelfde gebeed.
- Salerner. Middelgroet, edel cavaleriepeerd oet Salerno, Italië.
- Sardijn. Wermbloodras vaan Sardinië, Italië mèt sterke uterleke trèkke vaan 'nen Arabeer; miestal broen of voes.
- Scandinavische kaajdblooddraver. Liechgebojd, klei kaajdbloodras oet Noorwege, inderdaod gebruuk veur d'n drafsport.
- Selle français. Wermbloodpeerd oet Noord-Fraankriek, neet zelde springpeerd.
- Senner. Middelgroet wermbleujeteg rijpeerd oet de Senne, Noordrijn-Wesfale, Duitsland.
- Shagya-Arabeer. Middelgroet peerdsras mèt hiel väöl Arabisch blood, gefok in veurmaoleg Oosteriek-Hongarije.
- Shetlander. Klei ponyras (sjófhuugde um eine meter) vaan de Shetland-eilen, Sjotland. Laspeerd, rijpeerd veur kinder of haafverwèlderde grazer in natuurgebeed.
- Shirepeerd. Hendeg groet en zwoer gebojd kaajdbloodras (gemiddeld 178 cm, soms tot mier es 2 meter; tot good 1200 kg) oet Ingeland; wèrk- en trèkpeerd, in 't bezunder brouwerspeerd.
- Skyrospony. Kleinste pony vaan Griekeland, vaan 't eiland Skyros; veural lasdier.
- Sleeswieks kaajdblood. Klein tot middelgroet wèrk, trèk- en rijpeerd oet Sleeswiek-Holstein, Duitsland.
- Slowaaks wermblood. Groet sportpeerd oet Slowakije, miestal broen of appelesjummel.
- Soembapony en Soembawapony. Twie praktisch identieke middelgroete ponyrasse vaan de Indonesische eilen Soemba en Soembawa.
- Somalische pony.
- Sorraia. Verwèlderd peerdsras oet Portugal, pas sinds 1920 boete de directe umgeving bekind; oetgesproke primitief uterlek: ponyhuugde en wèldkleur mèt zebrastriepe.
- Suffolk Pinch. Middelgroet kaajdbleujeteg wèrk en trèkpeerd oet Suffolk, Ingeland.
- Tarpan. Oersprunkelek wèld peerd (Equus ferus ferus), oetgestorve sinds 1909; dinkelek bij benaodering 't oerpeerd boe alle taam rasse vaan aofstamme.
- Tennessee Walking Horse. Middelgroet rij- en showpeerd oet Tennessee, VS.
- Tersker. Elegant ras oet Rusland mèt oosters uterlek; toernoojpeerd; miestal sjummel.
- Timorpony. Vrij klei ponyras vaan 't eiland Timor, Indonesië.
- Tinker. Trèk- en rijpeerd vaan ponyhuugde tot vrij groet, oersprunkelek ketellapperspeerd oet Groet-Brittannië en Ierland, noe populair op 't continent.
- Tokarapony. Relatief kleine pony vaan 't eiland Kyushu, Japan.
- Tori. Middelgroet tot groet peerd oet Esland, tösse kaajdblood en wermblood in (e mier wermbleujeteg typ weurt es sportpeerd gebruuk).
- Trait du Nord. Middelgroet kaajdbleujeteg wèrkpeerd oet Noord-Fraankriek, gefok oet Nederlandse en Belzje rasse.
- Trakehner. Edel Duits wermbloodpeerd, good veur peerdssport, oersprunkelek oet Trakehnen (veurmaoleg Oos-Pruses).
- Trotteur Français. Drafpeerd, veredelden Anglo-Normandiër.
- Vjatka. Trèk- en rijpeerd op ponyhuugde oet Midde-Rusland, good tege kaw gesjik.
- Vlaamperd. Vrij klei wermbloodras oet Zuid-Afrika, gefok oet Friese peerd.
- Vladimir-trèkpeerd. Middelgroet tot groet Russisch kaajdbloodras.
- Waler. Zeldzaom middelgroet reispeerd oet New South Wales, Australië.
- Walkaloosa. Amerikaans gaangepeerd gefok oet d'n Appaloosa.
- Welsh pony. Populair ponyras oet Wales, gefok in secties vaan middelgroet tot zier groet (eigelek bove de ponygrens); rij- en trèkpeerd.
- Wesfaals peerd. Vrij groet wermbloodras oet Noordrijn-Wesfale, Duitsland, zoewel veur peerdssport es veur vrijetiedsrije.
- Wielkopolski. Belaankriek middelgroet wermbloodras oet Pole.
- Württembergs wermblood. Vrij groet (veural) sportpeerd oet Baden-Württemberg, Duitsland.
- Yonagunipony. Relatief klein en hendeg zeldzaom ponyras vaan 't eilendsje Yonaguni, Japan.
- Žemaitukas. Middelgroet ponyras oet Litouwe, vaanajds wèrkpeerd.
- Ziews trèkpeerd of Nederlands trèkpeerd. Kaajdbloodras wat liekent op de Braobander (gemeinelek get kleinder), bezunder bekind vaan 't rinksteke.
- Zwartewoudspeerd. Relatief klei kaajdbloodpeerd, vaanajds gebruuk in de bosbouw.
- Zweeds wermblood. Vrij groet peerdsras (vaanajds cavaleriepeerd), miestal broen of voes, gefok oet versjèllende Europese wermbloodrasse.
- Zweibrücker wermblood. Vrij groet wermbloodras oet Rijnland-Palts, Duitsland.
- Zwitsers wermblood. Ouch e vrij groet sportpeerd, nao d'n oorlog oet d'n awwere Einsiedler gefok.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
