E Mediegrupp oder Mediekonglomerat ass eng Entreprise, där verschidde Massemedie gehéieren, wéi zum Beispill Fernsee- a Radiosenderen, Zeitungs- an Zäitschrëfteverlagen, Filmproduktiounsentreprisen oder online Medien. Grouss Gruppe ginn och heiansdo Medienimperium genannt.
E Konglomerat ass eng grouss Entreprise, där eng Rei méi kleng Entreprise gehéiert, deenen hir Geschäfter generell näischt direkt mateneen ze dinn hunn.
Beispiller vu grousse Mediegruppe sinn:
Däitschland: Bertelsmann, deem och RTL Group gehéiert, eng aner Mediegrupp mat Sëtz zu Lëtzebuerg
USA: Comcast, The Walt Disney Company an News Corp.
Italien: Mediaset
Frankräich: Vivendi
Brasilien: Grupo Globo
Mexiko: Televisa
Philippinnen: ABS-CBN Corporation
Kritiker vu grousse Mediegruppen beschëllege se, d'Medien ze dominéieren an ze zenséieren, besonnesch bei Informatiounen, déi géint den Interessi vun de Mediegruppe ginn.[1][2] Hinne gëtt och virgeworf, deelweis den Entertainment mat den Neiegkeeten ze vermëschen a sou Sensatiounsjournalismus ze favoriséieren.[2] En anere Virworf ass, datt se d'Kultur géife standardiséieren, wéi am Fall vun der Globaliséierung oder der Amerikaniséierung.[3]
En anere Kritikpunkt ass, datt d'Gruppéierung vu Medien zu manner onofhängege Meenunge géif féieren, an domat zu manner Diversitéit an den Neiegkeeten an zu manner Konkurrenz. Dat kann zu enger Reduktioun vun de Meenungen a vun de Standpunkte féieren - dat ass awer och net ëmmer de Fall.[1]
- University of Wisconsin-Madison: Media giants don’t always lead to less-diverse content (9. August 2004)
- globalissues.org: Media Conglomerates, Mergers, Concentration of Ownership (2. Januar 2009)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
