From Wikipedia, the free encyclopedia
De Kepler-62e ass en Exoplanéit, deen ëm de Stär Kepler-62 kreest. Hie gouf mat Hëllef vun der Transitmethod duerch de Kepler-Weltraumteleskop entdeckt. De Kepler-62e ass warscheinlech en äerdänleche Planéit. Hie kreest op enger habitablen Zon vu sengem Stär. Et wier also méiglech, datt um Planéit Liewen existéiert.[2],[3][4][5]
| Exoplanéit Kepler-62e | |
|---|---|
 | |
| Eegenschafte vum Orbit (Epoch J2000.0) | |
| Stärebild | Lyra (Lyr) |
| Rektaszensioun | 18h 52m 51.06s |
| Deklinatioun | + 45° 20’ 59.9”[1] |
| Distanz | zirka 370 Lj. |
| Stär | Kepler-62 |
| Entdecker | Kepler-Weltraumteleskop an d'Mataarbechter |
| Datum vun der Entdeckung | 2013 |
Duerch den Alter vum Planéit (7±4 Milliarde Joer), sengem stellare Floss (1,2±0,2-facht vun der Äerd) a sengem Radius (1,61±0,05-facht vun der Äerd) ass et méiglech, datt de Planéit e Kär aus Silikat an Eisen huet a vun enger grousser Mass vu Waasser bedeckt ass. No enger Modellstudie, déi vun der Zäitschrëft The Astrophysical Journal akzeptéiert gouf, ass de ganze Planéit vun engem groussen Ozean bedeckt.[6] E wier deemno e sougenannten Ozeanplanet.[7]
De Planéit kreest an 122 Deeg ëm säin Zentralstär Kepler-62. Hien ass ongeféier 60 Prozent méi grouss wéi eis Äerd.[8]
Am Ganze goufe fënnef Planéiten entdeckt, déi ëm de Stär Kepler-62 kreesen. Ënner hinnen ass och de Kepler-62f, deen och an der habitabler Zon vum Stär ass.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
