Remove ads
De Grand Café war eng Wiertschaft op der haiteger Nummer 11[1] vun der Plëss d'Arem an der Uewerstad vun der Stad Lëtzebuerg. Ënner dem fréieren Numm ass dunn do am Mäerz 2017 eng Brasserie nei op gemaach ginn.
.jpg) | |
| Land | Lëtzebuerg |
|---|---|
| Koordinaten | 49°36'39,420"N, 6°7'45,444"O |
 | |
An der Zäit vun der Belle Époque war de Grand Café eng stad- a landbekannt Plaz wou d'Leit sech getraff hunn. Och duerno goung een an de Grand Café fir ze gesinn a gesinn ze ginn.
D'Pläng vum Gebai an d'Skizze vun der bannenzeger Ariichtung goufe vum Charles Mullendorff (1861-1895) gezeechent.
D'Haus huet am 18. Joerhonnert dem Konschtschmadd Pierre Petit gehéiert, deen do ënner anerem de Votivaltor vun der Kathedral oder d'gosse Gelänner vum Refuge Sankt Maximin geschaf huet. Géint Enn vum 19. Joerhonnert ass d'Gebai vun der Famill Léon Schmit-Hildgen an eng Wiertschaft ëmgebaut ginn, déi den 22. Dezember 1894 Ouverture geféiert huet.
De Grand Café war bannendra mat Blummen dekoréiert, Spigelen houngen un de Maueren, Gasluuchten hu vum héije Plaffong erof geliicht. 1956 gouf d'Gebai eng éischt Kéier ëmgebaut. Uganks vun den 1980er Jore gouf et nach eng Kéier ëmgebaut, deemools ass och déi original Keramik-Fassad ewechgeholl ginn. Zanter du bis 2014 war de Restaurant L'Académie dran.
D'Gebai gouf tëscht 2015 an 2017 vum Architektebüro Tetra Kayser Associés renovéiert an ass am Mäerz 2017 erëm opgaangen.
Remove ads
- René Clesse, 300 Jahre Plëssdarem (PDF) an ons stad Nr. 37/1991
- Christian Aschman, Joanna Grodecki, Robert L. Philippart Lëtzebuerg moderne: Liebeserklärung an die Hauptstadt Säit 51, Édition Maison Moderne, 2013, ISBN 978-99959-33-07-4
- Batty Weber, Abreißkalenderblatt vum 1. Juli 1921
| Commons: Grand Café – Biller, Videoen oder Audiodateien |
- Céline Coubray, Le Grand Café en Phénix du centre-ville op der Websäit www.archiduc.lu (fir d'lescht gekuckt den 30. Januar 2015)
- Lecorsais, D., 2017, Wiedersehen mit dem "Grand Café" op wort.lu den 19. Mäerz 2017
- ursprénglech war et d'Hausnummer 5
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads