From Wikipedia, the free encyclopedia
E Plutoid ass en transneptunesche Zwergplanéit.
No der Entscheedung vun der Internationaler Astronomischer Unioun (IAU) vum 11. Juni 2008[1] sinn d'Plutoiden eng Ënnerklass vun den Zwergplanéiten. Si mussen also eng Ëmlafbunn ëm d'Sonn hunn a genuch Mass besëtzen, fir duerch déi eege Gravitatioun eng hydrostatesch Gläichgewiichtsform (bal kugelfërmeg Gestalt) unzehuelen. Geneesou däerfe si hiren Orbit net vun aneren Objete berengegt hunn, sou wéi et bei Planéiten de Fall ass, an et däerf sech bei hinnen net ëm e Satellit handelen. Am Ënnerscheed zu den Zwergplanéite kënnt als zousätzleche Krittär fir d'Plutoiden nach dobäi, datt déi grouss Hallefachs vun hirer Bunn ëm d'Sonn déi vum Neptun iwwertreffe muss.
Dat heescht, datt den Zwergplanéit Ceres net als Plutoid bezeechent gëtt, well hien an der Haaptasteroidenceinture tëscht dem Mars an dem Jupiter ass a sech dofir net bausse vun der Neptunbunn ophält.
D'Zwergplanéiten, déi zum Zäitpunkt vun der Definitioun de Plutoidestatus kruten, waren de Pluto an deen eppes méi groussen Eris. Et ass allerdéngs unzehuelen, datt nach weider Plutoiden am Beräich hanner der Neptunëmlafbunn entdeckt ginn.
An engem vun der International Astronomical Union's Committee on Small Body Nomenclature (CSBN) an der IAU Working Group for Planetary System Nomenclature (WGPSN) geféiertem Benennungsprozess sollen dobäi an Zukunft all Himmelskierper vum Sonnesystem als Plutoide betruecht ginn, wou déi grouss Hallefachs méi grouss ass, wéi déi vum Neptun an dem seng absolut Hellegkeet méi grouss ass wéi +1 Mag ass. D'Astufung als Zwergplanéit resp. d'Réckstufung zum Asteroid gëtt am Kader vu weiderféierenden Observatioune verifizéiert. Doduerch goufen de Makemake[2] an den Haumea och der Kategorie vun de Plutoiden zougeschriwwen.
Kandidaten:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.