lëtzebuergesch Gemeng am Kanton Miersch From Wikipedia, the free encyclopedia
D'Gemeng Colmer-Bierg ass eng vun den 100 lëtzebuergesche Gemengen. Se läit am Kanton Miersch. De Chef-lieu vun der Gemeng ass d'Uertschaft Colmer.
| Gemeng Colmer-Bierg | |
|---|---|
 | |
 d'Märei vu Colmer-Bierg | |
| An anere Sproochen |
fr: Colmar-Berg de: Colmar-Berg |
| Land | Lëtzebuerg |
| Kanton | Kanton Miersch |
| Chef-lieu | Colmer |
| Buergermeeschter | Mandy Arendt (PPLU) |
| Awunner | 2.429 |
| 1. Januar 2024 | |
| Fläch | 1.231 ha |
| Héicht | 201 m |
| Koordinaten |
49° 48’ 42’’ N 06° 05’ 32’’ O |
| LAU-Code | LU0401 |
| Websäit | https://colmar-berg.lu/ |
 | |
 | |
D'Gemeng Colmer-Bierg setzt sech aus den Uertschafte Bierg, Colmer a Welsdref zesummen.
Duerch Gesetz vum 25. Mäerz 1991 gouf den Numm vun der Gemeng vu Berg op Colmar-Berg geännert[1].
Am 16. Joerhonnert gouf et zu Bierg en etlech grouss Proprietéite mat Schlässer. De gréissten Deel dovu war an den Hänn vun der Famill Von der Horst, déi ëm 1615 der Koppel Von Heisgen-Woordt alles verkaaft huet. Deenen hiert Kandskand de Johann Gerhard von Heisgen huet nach en etlech Terrainen derbäikaaft. Him ass d'Parkierch, déi 1744 gebaut gouf, ze verdanken. Deemools huet Bierg zur Par Biissen gehéiert, bis et 1803 eng eege Par gouf.
De Johann von Heisgen a seng Fra d'Marie-Anne de Moreau haten zwee Meedercher, d'Maria Klara Gisberta (*1719) an d'Maria Gisberta Johanna (*1722).
D'Maria Klara hat sech mat engem franséische Kapitän, dem Antoine Leclerc de Vrainville aus dem Herzogtum Bar a Loutrengen bestuet. Si hat d'Herrschaft Bierg geierft, an d'Gisberta déi sech mat dem Jean-Baptiste Thierry de Saint-Baussant bestuet huet, hat Folkendeng kritt hat.
Den de Vrainville huet op groussem Fouss gelieft, a lues a lues d'Verméige verpolvert an nach e Pak Schold derbäigemaach. Besonnesch vill Schold hat hie bei der Maria Gisberta vu Blochausen, der Besëtzerin vun der Colmer Schmelz. 1764 koum sou déi ganz Proprietéit an d'Hänn vun der Famill vu Blochausen.
|
Beschreiwung am Originaltext: D'argent à l'aigle de sable accompagnée en chef, aux flancs et en pointe de cinq trèfles de sinople posés 2-2-1; au chef d'azur chargé d'une couronne grand-ducale d'or. |
Armoiries adoptées par le conseil communal dans sa séance du 15 décembre 1988. Projet : M. Lenertz en 1983
Quell:STATEC
 Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren. |
En Ofleeër vum amerikanesche Pneuefabrikant Goodyear Tire & Rubber Company, d'Goodyear-Dunlop Colmar-Berg, gehéiert mat 3.570 Aarbechter zu de gréisste Patronen zu Lëtzebuerg.[4] Zanter 1957 huet d'Goodyear zu Colmer-Bierg en Technical Center, dee virun allem Pneue fir den europäesche Maart entwéckelt. Donieft ginn zu Colmer-Bierg an der Pneuefabréck och nach Camionspneuen a Sécherheetspneue produzéiert.
Zu den Infrastrukture vu Colmer-Bierg zielen:
Colmer-Bierg ass un de Stroosseverkéier ugeschloss iwwer d'Autobunn A7, d'Schnellstrooss B7, d'Nationalstroossen N7 an N22, an d'Chemin reprisen CR345 an CR123.
Duerch d'Colmer Gare fiert d'CFL-Linn 1 Lëtzebuerg-Ëlwen.
Et gëtt nach eng Eisebunnslinn vun Ettelbréck iwwer Colmer bis op Biissen, déi fréier zu der Atertlinn gehéiert huet. Dës Linn gëtt nëmmen nach geleeëntlech fir Giddertransport benotzt.
Colmer gëtt och vun enger Rëtsch RGTR-Buslinnen ugefuer.
Ënnert der Uelzechtbréck (N7) kräize sech d'Vëlospist PC15, déi Bäreldeng mat Ettelbréck verbënnt, souwéi d'PC12, déi sech Richtung Westen (zu Näerden) mat der PC17 kräizt.
Colmer-Bierg huet 18 Veräiner, dorënner 6 Sportsveräiner:
Zanter 2004 ass Colmer-Bierg d'Partnerstad vu Weilburg an Däitschland. Colmer-Bierg ass d'Residenz vum Lëtzebuerger Herrscherhaus, dat vu Weilburg kënnt.
D'Gemeng ass Member vu follgenden interkommunale Syndikater:
| Commons: Colmer-Bierg – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
