Eurovision Song Contest 1967

Den 12. Eurovision Song Contest (offiziell de Grand Prix de la Chanson) war den 8. Abrëll 1967 an Éisträich. Organiséiert gouf d'Eurovisioun dat Joer am Grousse Festsall vun der Wiener Hofburg zu Wien. Presantatrice war d'Erika Vaal.

12. Eurovision Song Contest
Datum	8. Abrëll 1967
Stad	Wien (Éisträich)
Gebai	Großer Festsaal der Wiener Hofburg
Gewënner	Sandie Shaw (Groussbritannien)
Zuel vu Länner	17
Nei Participatiounen	Keng
Moderatioun	Erika Vaal
Interval Act	Wiener Sängerknaben
Ofstëmmungsreegel	A jiddwer Land souzen zéng Jurymemberen. Jiddwer Member huet mat engem Punkt fir een Titel ofgestëmmt.

De Festsall, 2007

Dänemark hat sech vum Grand Prix zeréck gezunn (bis 1978), dofir ass d'Zuel vun de Länner op 17 erofgaangen.

E puer Sänger ware schonn emol virdrun eng Kéier dobäi, de Claudio Villa fir Italien 1962, d'Kirsti Sparboe fir Norwegen 1965, an de Raphael fir Spuenien 1966.

D'Reegel fir d'Ofstëmmung ass nees geännert ginn: An all Land souzen 10 Jurysmemberen, déi jeeweils eng Stëmm ze verginn haten. D'Hallschent vun der Jury huet missen ënner 30 Joer al sinn. D'Jury konnt am Ganze sou maximal 10 Punkte verginn fir dat bescht Lidd. D'Resultater goufen telefonesch an ëffentlech op Wien iwwermëttelt.

Déi éischt Plaz krut d'Vertriederin vu Groussbritannien, d'Sandie Shaw mat 25 Punkte Virsprong virum Sean Dunphy (Irland). Déi drëtt Plaz krut d'Noëlle Cordier, déi fir Frankräich ugetruede war. Et war déi éischt Kéier wou Groussbritannie gewonnen hat, nodeem et bis dohi fënnefmol Zweete gi war.

D'Gewënnerlidd Puppet on a string ass a ganz Europa e groussen Erfolleg ginn, awer och dem Vicky Leandros säi Lidd L'amour est bleu hat grousse Succès.

Klassement

Plaz	Land	Interpret	Titel	Punkten
1.	Groussbritannien	Sandie Shaw	Puppet on a String	47
2.	Irland	Sean Dunphy	If I Could Choose	22
3.	Frankräich	Noëlle Cordier	Il doit faire beau là-bas	20
4.	Lëtzebuerg	Vicky Leandros	L'amour est bleu	17
5.	Monaco	Minouche Barelli	Boum Badaboum	10
6.	Spuenien	Raphael	Hablemos del amor	9
7.	Belsch	Louis Neefs	Ik heb zorgen	8
8.	Schweden	Östen Warnerbring	Som en dröm	7
8.	Däitschland	Inge Brück	Anouschka	7
8.	Jugoslawien	Lado Leskovar	Vse rože sveta	7
11.	Italien	Claudio Villa	Non andare più lontano	4
12.	Portugal	Eduardo Nascimento	O vento mudou	3
12.	Finnland	Fredi	Varjoon – suojaan	3
14.	Holland	Thérèse Steinmetz	Ringe-dinge-ding	2
14.	Éisträich	Peter Horten	Warum es 100.000 Sterne gibt	2
14.	Norwegen	Kirsti Sparboe	Dukkemann	2
17.	Schwäiz	Géraldine	Quel cœur vas-tu briser?	0

Um Spaweck

• Eurovision.tv
• Eurovision.de
• diggiloo.net

Lëtzebuerg (Lëtzebuerg)		London (Groussbritannien)
ESC 1966	Eurovision Song Contest	ESC 1968