Grupp vun Atlantikinselen From Wikipedia, the free encyclopedia
D'Azoren (Portugisesch Ilhas dos Açores ("Huerinselen")) ass eng Grupp vun néng méi groussen an enger Rëtsch vu klenge portugiseschen Atlantikinselen. Se leien 1.369 km westlech vum europäesche Festland. Bis an Nordamerika (Neifundland a Labrador a Kanada) sinn et 1.930 km. D'Inselen hunn zesummen eng Fläch vu ronn 2.330 Quadratkilometer (eppes Klengs manner wéi Lëtzebuerg). São Miguel ass d'Haaptinsel.
Azoren (pt: Ilhas dos Açores) | |
---|---|
Geographie | |
Land | Portugal |
Läit an/am | Nordatlantik |
Koordinaten | 38°37'26,40000"N, 28°1'51,60000"W |
Fläch | 2.322 km² |
Héchste Punkt | Montanha do Pico () |
Verwaltung | |
Verwaltungseenheet | Portugal |
Haaptuert | Ponta Delgada (Exekutiv), Angra do Heroísmo (Judikativ), Horta (Legislativ) |
Demographie | |
Awunner | 236.440 |
Awunnerdatum | 2021 |
Aner Informatiounen | |
Zäitzon | UTC−1, UTC±0 |
Wärung | Euro |
Internat. Telefonsprefix | +351 (292) |
D'Azore sinn administrativ eng autonom Regioun vu Portugal, d'Região Autónoma dos Açores, an domat en Deel vun der Europäescher Unioun. Ronn 250.000 Leit wunnen do. Geologesch gehéiere se zum Mëttelatlantesche Réck, op der Plackegrenz tëscht der Europäescher an der Afrikanescher Kontinentalplack. Déi westlechst Insele Flores a Corvo gehéieren zu der Nordamerikanescher Plack.
Déi 9 gréisst Insele ginn an dräi Gruppe gedeelt:
De Vulkan Ponta do Pico op der Insel Pico ass mat 2.351 m den héchste Bierg vu Portugal.
Alleguer d'Insele hu vulkanesch Originnen.
Wéinst hirer isoléierter Lag gëtt et op den Azoren eng 70 endeemesch Planzenaarten. Wéinst dem fiichte Klima gëtt et eng üppeg Vegetatioun.
Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren. |
D'Região Autónoma dos Açores, ass an 19 Gemengen (pt: municípios) opgedeelt:
D'Azoren hunn en ozeanesch-subtropescht Klima, mat limitéierte saisonalen Temperaturvariatiounen. Zu Angra do Heroísmo sinn déi maximal Temperaturen allgemeng tëscht 16 °C am Wanter a 25 °C am Summer. D'Temperatur klëmmt seelen iwwer 25 °C, an den Hëtztrekord läit bei 29 °C am Juli 2003. De Volume vum duerchschnëttleche järlechen Nidderschlag klëmmt vun Ost no West a variéiert tëscht 700 bis 1.600 mm an engem Joer. Um Montanha do Pico - mat 2.351 m den héchste Bierg a Portugal - kann e bis zu 6.300 mm erreechen.
Den Archipel huet säin Numm dem Antizyklon vun den Azore ginn, engem Gebitt mat héijem Atmosphärendrock[1].
Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren. |
Commons: Azoren – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.