Ratio Erasmiana

Ratio Erasmiana^[1][2][3] est ratio commutationis scholasticorum ab Unione Europaea anno 1987 condita. Erasmus Plus (usitate imminutum Erasmus+) est nova ratio, Ianuario 2014 condita, quae omnes Unionis Europaeae rationes hodiernas educationem universitatium, exercitationem, iuventutem, artesque athleticas tractantes coniungit.

Desiderius Erasmus Roterodamus.

Ratio Erasmiana, cum aliis rationibus liberis, in Rationem Socratis, a Commissione Europaea anno 1994 constituta, inserta est. Ratio autem Socratis die 31 Decembris 1999 desiit, et a Ratione Socratis II die 24 Ianuarii 2000 reposita est, quae vicissim die 1 Ianuarii 2007 a Lifelong Learning Programme 2007–2013 reposita est. Et anno 2004 Praemium principum Asturiarum cooperationnis internationalis accepit.

Ex Desiderio Erasmo Roterodamo, philosopho Batavo, adversario dogmatismi, appellatur.

Notae

1. Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
2. Acronymum, ex European Region Action Scheme for the Mobility of University Students ('Activa Regionis Europaeae Ratio pro Mobilitate Scholasticorum Universitariorum').
3. "What's in a name? History of the Erasmus Programme" 

Bibliographia

• Domański, Tomasz, et Paweł Bryła, eds. 2014. The impact of the Erasmus programme on mobility and employability. Lodziae: Wydawnictwo Uniwersytetu Łódzkiego. ISBN 9788379694310.
• Feyen, Benjamin, et Ewa Krzaklewska, eds. 2013. The ERASMUS Phenomenon: Symbol of a New European Generation? Peter Lang Publishing. ISBN 9783631627198. ISBN 363162719X.

Nexus interni

• Scholastici internationales
• Stipendium scholasticum

Nexus externi

• Situs Erasmianus Commissionis Europaeae.