Massa Lunae

Massa Lunae (M_☾, ubi ☾ est vexillum astronomicum pro Luna), est unitas astronomica massae aequalis circiter 7.35×10²² kg. Solet saepe eligi ad massam satellitum naturalium planetarum mensurandam.

Luna est magnitudine et massa quintus maximus satelles naturalis systematis solaris et designari potest satelles massa planetaria vel planeta-satelles sub definitione geophysica vocabuli.^[1] Incertitudo afficiens aestimationem constantis gravitatis universalis praecisionem massae Lunae et aliorum corporum caelestium autem afficit. Hodierna optima aestimatio massae Lunae exprimi potest 73.5 yottagrammattum, vel 73.5 Yg:^[2][3][4]

${\displaystyle M_{\mathrm {L} }=7.3477\times 10^{22}\,{\text{kg}}}$

Una massa Lunae est circiter:

• 0.0123 massarum Telluris (M_⊕), sive octogesima pars
• 0.0000387 massarum Iovis (M_♃)
• 0.000000037 massarum Solis (M_⊙)

Nexus interni

• Massa Iovis
• Massa Solis
• Massa Telluris
• Luna