Marius Petipa
From Wikipedia, the free encyclopedia
Marius Ioannis filius Petipa (Russice Ма́риус Ива́нович Петипа́, Marius Ivanovič Petipa, natus Victor Marius Alphonse Petipa Massiliae Franciae die 11 Martii 1818; mortuus Gurzuf in oppido Crimeano Gubernii Taurici Imperii Russici die 14 Iulii[1] 1910[2]) fuit saltator ballationis, paedagogus, et choreographus Francicus, unus e magistris ballationis et choreographis in historia ballationis maximi momenti.
Cursu diuturno primus magister ballationis (Francice premier maître de ballet) Theatrorum Imperialium Petropolitanorum innotuit, ubi munus magistri ballationis et principalis Ballationis Imperialis[3] choreographus ab anno 1871 ad annum 1903 sustinebat. Plus quam quinquaginta ballationes creavit.