Gualterius Whitman

Gualterius Whitman sive vulgo Walter "Walt" Whitman (natus Insulae Longae Novi Eboraci 31 Maii 1819, mortuus Camden in oppido Novae Caesareae 26 Martii 1892) fuit poeta, scriptor, diurnarius, humanista Americanus. Partes egit in transitione a transcendentalismo ad realismum literarium, ambas sententias in suis operibus contribuens. Whitman est unus ex potentissimis poetis in canone Americano, pater versus liberi saepe appellatus.^[1]

Gualterius Whitman

Res apud Vicidata repertae:

Gualterius Whitman: imago

Gualterius Whitman: subscriptio

Nativitas: 31 Maii 1819; West Hills, Insula Longa
Obitus: 26 Martii 1892; Camdenia
Patria: Civitates Foederatae Americae
Nomen nativum: Walter Whitman

Familia

Genitores: Walter Whitman, Sr.;
Coniunx: no value

Memoria

Sepultura: Harleigh Cemetery

Gualterius Whitman, 28 annos natus.

Gualterius Whitman, 35 annos natus, ex frontispicio libri Leaves of Grass, Fulton St., Brooklynii Novi Eboraci. Caelatura chalybis Samuelis Hollyer ex daguerreotypo amisso Gabrielis Harrison.

Gualterius Whitman a Mathaeo Brady photographatus

Whitman, Huntington in vico Insulae Longae natus, fuit diurnalista, docens, clericus reipublicae, et nosocomus voluntarius per Bellum Civile Americanum. Iuvenis anno 1842, produxit Franklin Evans, mythistoriam temperantiae. Leaves of Grass, suum magnum opus, primum editum est anno 1855, pecunia sua solutum. Quod fuit conatus ad hominem quotidianum attingendum per epicum Americanum. Textum augebat et emendabat usque ad mortem, anno 1892. Senex post ictum, ad Camden Novae Caesareae migravit, ubi valetudo longius deficiebat. Cum anno 72 aetatis suae moriret, funus publicum spectaculum factum est.^[2][3]

Sua opera controversissima aetate sua fuerunt, praecipue Leaves of Grass ('Folia graminis'), congeries poematum, quae propter eius sexualitatem apertam obscena descripta est. Whitman ab investigatoribus hodiernis plerumque aut homosexualis aut bisexualis describitur. Interpres operum in Francogallicum fuit Andreas Gide.

Opera

• Franklin Evans (1842)
• Leaves of Grass (1855)
• Drum-Taps (1865)
• Memoranda During the War
• Specimen Days
• Democratic Vistas (1871)

Notae

1. Reynolds 1995:314.
2. Loving 1999:480.
3. Reynolds 1995:589.

Bibliographia

• Callow, Philip. 1992, From Noon to Starry Night: A Life of Walt Whitman. Sicagi: Ivan R. Dee. ISBN 0929587952.
• Kaplan, Justin. 1979. Walt Whitman: A Life. Novi Eboraci: Simon and Schuster. ISBN 0671225421.
• Loving, Jerome. 1999. Walt Whitman: The Song of Himself. University of California Press. ISBN 0520226879.
• Miller, James E., Jr. 1962. Walt Whitman. Novi Eboraci: Twayne Publishers, Inc.
• Reynolds, David S. 1995. Walt Whitman's America: A Cultural Biography. Novi Eboraci: Vintage Books. ISBN 0679767096.
• Stacy, Jason. 2008. Walt Whitman's Multitudes: Labor Reform and Persona in Whitman's Journalism and the First Leaves of Grass, 1840–1855. Novi Eboraci: Peter Lang Publishing. ISBN 9781433103834.

Nexus externi

• Biographia, commentarii, poemata, et duces lectionis, www.poets.org (Academia Poetarum Americanorum)
• "Brooklyn Daily Eagle Online," eagle.brooklynpubliclibrary.org (Bibliotheca Publica Brooklynensis)
• Congeries Gualterii Whitman, Kislak Center for Special Collections, Rare Books and Manuscripts, hdl.library.upenn.edu (Universitas Pennsylvaniaae)
• Gualterius Whitman apud Open Directory Project
• Opera auctore "Gualterius Whitman" apud gutenberg.org reperta
• "Walt Whitman: Online Resources at the Library of Congress," www.loc.gov
• "The Walt Whitman Archive," www.whitmanarchive.org (omnes editiones libri Leaves of Grass curat, cum manuscriptis, iudicium, et biographia)

Situs interretiales

• "Walt Whitman Birthplace State Historic Site," www.waltwhitman.org
• "Walt Whitman Camden Home Historic Site," www.state.nj.us