Archipelagus Malaicus
From Wikipedia, the free encyclopedia
Archipelagus Malaicus[1] (Caebuanice Kapupud-ang Malay; Malaice Kepulauan Melayu; Tagalogice Kapuluang Malay; Indonesice Nusantara) est archipelagus qui inter Indosinam continentalem et Australiam patet. Etiam in toto vel partim varie appellatus est Indi Orientales, Mundus Malaicus, Nusantara, Archipelagus Indo-Australianus, Archipelagus Condimentorum, et alia nomina propria. Quod nomen ex Europaea rassae Malaicae notione saeculo undevicensimo deductum est, vicissim ex geographica linguarum Austronesiarum distributione.[2]
![Thumb image](http://upload.wikimedia.org/wikipedia/commons/thumb/8/86/Sea_Safari_VII%2C_Komodo%2C_2016_%2804%29.jpg/640px-Sea_Safari_VII%2C_Komodo%2C_2016_%2804%29.jpg)
![Thumb image](http://upload.wikimedia.org/wikipedia/commons/thumb/0/06/Austronesian_family.png/640px-Austronesian_family.png)
![Thumb image](http://upload.wikimedia.org/wikipedia/commons/thumb/7/75/Malayo-Polynesian-en.svg/640px-Malayo-Polynesian-en.svg.png)
Archipelagus, inter oceanos Indicum et Pacificum situs, plus quam 25ā000 insularum et parvarum insularum continens, est maximus orbis terrarum archipelagus per aream et quartus a maximo per numerum insularum. Bruneium, Indonesiam, Malaesiam (Malaesiam Orientalem), Papuam Novam Guineam, Philippinas, Singapuram, et Timoriam Orientalem comprehendit.[3][4] Nomen plerumque est synonymum locutionis Asiae Meridianae Maritimae.[5]