Aequatoria[1][2] (Hispanice Ecuador), publice Res Publica Aequatoriae (Hispanice República del Ecuador), est civitas sui iuris Americae Australis, a septentrione Columbiae et austroriente Peruviae sita, et ab Oceano Pacifico finitima est. Praeter terram continentalem, Aequatoria insulas Testudinarias (Hispanice Islas Galápagos) possidet, 972km a litore distantes, quod est proximum illis insulis. 256.370 [3]km² latum territorium Aequatoriale Linea secatur. Caput est Quitum, sed Guaiaquilum est maxima urbs et oeconomice prima.
AequatoriaRes apud Vicidata repertae:
Terra continens: America Australis
Territoria finitima: Peruvia, Columbia
Locus:
Caput: Quitum
Territoria finitima: Peruvia, Columbia
Locus:
Caput: Quitum
Gestio
res publica, Respublica praesidentialis
Princeps: Daniel Noboa
Praefectus: Daniel Noboa
Consilium: National Assembly
Iudicium: National Court of justice
http://www.turismo.gob.ec/, https://educacion.gob.ec/, http://www.culturaypatrimonio.gob.ec/, http://www.cancilleria.gob.ec/ Situs interretialis
Princeps: Daniel Noboa
Praefectus: Daniel Noboa
Consilium: National Assembly
Iudicium: National Court of justice
http://www.turismo.gob.ec/, https://educacion.gob.ec/, http://www.culturaypatrimonio.gob.ec/, http://www.cancilleria.gob.ec/ Situs interretialis
Populus
Numerus: 16 938 986
Sermo publicus: lingua Hispanica, Quichua, Shuar
Zona horaria: UTC-5, UTC−6, Pacific/Galapagos, America/Guayaquil
Moneta: dollarium Civitatum Foederatarum
Sermo publicus: lingua Hispanica, Quichua, Shuar
Zona horaria: UTC-5, UTC−6, Pacific/Galapagos, America/Guayaquil
Moneta: dollarium Civitatum Foederatarum
Commemoratio
Paean: Salve, Oh Patria
Res Publica Aequatoriae una trium civitatum a Magnae Columbiae collapsione anno 1830 emergentium est (alii Columbia et Venetiola).
Inter annos 1904 et 1942, Aequatoria terras in bellis cum vicinis civitatibus amisit.
Anno 1941, pugna territorialis inter Aequatoriam et Peruviam eos ad "Tabulas Fluminis Ianuarii" duxit ratas factas die 29 Ianuarii 1942, quae fiduciarios limites statuerunt. Bellicus status usque ad 26 Octobris 1998 permansit, cum praesides Jamil Mahuad (Aequatoriae) et Albertus Fujimori (Peruviae) pactum Atam Brasiliam nominatum signaverunt, per quod Peruvia sui territorii chiliometrum quadratum concessit in loco nominato Tiwintza, ubi quattuordecim Aequatoriani milites sepulti erant. Ambae civitates commercialia foedera et pacta navigationis signaverunt per quae Aequatoria liberum per Amazonum flumen navigationis ius habet.
Die 16 Aprilis 2016 (tempore Aequatriae nocte), terrae motus magnitudine 7.8 tulit, a quo plus 300 homines mortui sunt, inter alia, in capite Quitum.
Aequatoria est Unitaria Praesindentialistica Res Publica. Secundum Constitutionem anni 1979, praeses et praeses vicarius per suffragium populare directum secretumque quadriennio eliguntur. reelectio secundo mandato prohibetur. Potestas legifera a Congressu Nationale, unicamerale, cum 77 sodalibus (12 nationalibus vicariis et 65 provincialibus per suffragium directum mandatis quadriennialibus et biennialibus, proprie, electis) exercetur. Praeses suos administros et provinciales gubernatores legit.
_(cropped).jpg)
Aequatoria in quattuor regiones geographice dividitur: Montuosam (Hispanice Sierra), Litoralem (Hispanice Costa), Amazonicam (Hispanice Amazónica) et Insularem (Hispanice Insular).
Politice administrativeque Aequatoria in viginti duas provincias, quae etiam in 219 cantones dividuntur, dividitur. Cantones vicissim in parochias dividuntur, quae in urbanas parochias et rurales ordinantur.
Infra provinciarum in suis respectivis geographicis regionibus relatio quarum nomina latinizata sunt (originalia nomina Hispanica inter signa inclusionis sunt):
| Provincia | Incolae (census 2001) | Area (km²) | Spissitudo incolarum (incolae/km²) | Caput | Cantones | Parochiae Urbanae | Parochiae Rurales |
|---|---|---|---|---|---|---|---|
| Regio Montuosa | 5 460 738 | 63 515.9 | 85,97 | ||||
| Azuaium(Azuay) | 599 546 | 7994.7 | 74.99 | Concha (Cuenca) | 15 | 44 | 71 |
| Bolivaria (Bolívar) | 169 370 | 3926.0 | 43.14 | Guaranda | 7 | 10 | 22 |
| Cannarum (Cañar) | 206 981 | 3141.6 | 65.88 | Azoguiae (Azogues) | 7 | 10 | 30 |
| Carcium (Carchi) | 152 939 | 3749.7 | 40.79 | Tulcanum (Tulcán) | 6 | 9 | 28 |
| Cotopaxium (Cotopaxi) | 349 540 | 5984.5 | 58,41 | Latacunga | 7 | 14 | 38 |
| Cimborazum (Chimborazo) | 403 632 | 6470.4 | 62.38 | Riobamba | 10 | 19 | 46 |
| Imbabura | 344 044 | 4614.6 | 74.56 | Ibarra | 6 | 17 | 36 |
| Loia | 404 835 | 10 994.9 | 36.82 | Loia | 16 | 29 | 78 |
| Picincia (Pichincha) | 2 388 817 | 13 270.1 | 180.01 | Quitum | 9 | 48 | 62 |
| Tungurachua (Tungurahua) | 441 034 | 3369.4 | 130.89 | Ambatum (Ambato) | 9 | 26 | 44 |
| Regio Litoralis | 6 056 223 | 68 323.7 | 88.64 | ||||
| Aurea (El Oro) | 525 763 | 5817.4 | 90.38 | Machala | 14 | 32 | 55 |
| Smaragdi (Esmeraldas) | 385 223 | 15 895.7 | 24.23 | Smaragdi (Esmeraldas) | 7 | 16 | 66 |
| Guaiae (Guayas) | 3 309 034 | 20 566.0 | 160.90 | Guaiaquilum | 28 | 56 | 46 |
| Flumina (Los Ríos) | 650 178 | 7150.9 | 90.92 | Babahoium (Babahoyo) | 12 | 35 | 15 |
| Manabium (Manabí) | 1 186 025 | 18 893.7 | 62.77 | Portus Vetus (Portoviejo) | 22 | 49 | 58 |
| Regio Amazonica | 548 419 | 115 744.9 | 4.74 | ||||
| Morona-Sanctus Iacobus (Morona-Santiago) | 115 412 | 23 796.8 | 4.85 | Macae (Macas) | 12 | 16 | 46 |
| Napus (Napo) | 79 139 | 12 483.4 | 6.34 | Tena | 5 | 5 | 23 |
| Pastaza | 61 779 | 29 325.0 | 2.11 | Puium (Puyo) | 4 | 4 | 19 |
| Samura-Cincipum (Zamora-Chinchipe) | 76 601 | 10 456.3 | 7.33 | Samura (Zamora) | 9 | 12 | 27 |
| Sucumbii (Sucumbíos) | 128 995 | 18 008.3 | 7.16 | Nova Loia (Nueva Loja) | 7 | 7 | 31 |
| Orellana | 86 493 | 21 675.1 | 3.99 | Franciscus Orellanensis (Francisco de Orellana) | 4 | 4 | 16 |
| Regio Insularis | 18 640 | 8010.0 | 2.33 | ||||
| Insulae Testudinariae (Galápagos) | 18 640 | 8010.0 | 2.33 | Portus Baquerizi Moreno (Puerto Baquerizo Moreno) | 3 | 3 | 5 |
| Zonae indelimitatae | 72 588 | 775.2 | 93.64 | ||||
| Tota Aequatoria | 12 156 608 | 256 369.7 | 47.42 | Quitum | 219 | 465 | 834 |
Aequatoria ponderis petrolifera deposita habet, circa 40 centesimas exportationum et circa 1/3 gubernationalis lucri variis annis abhinc constituentia. Ergo in pretio huius commoditatis fluctuationes oeconomiam civitatis significative affectant. 1990 decennio exeunte, civitas pessimam crisem passa est, ubi naturales clades cum petroleosi dolii pretii casibus competentes civitatem ad oeconomicam collapsionem duxerunt.
Oeconomia amelioravit ubi Gustavus Noboa, Ianuario anni 2000 praesidentiam assumens, substantialiter oeconomiam corrigere et cum internationalibus pecuniariis institutis relationes ameliorare potuit. Gustavus Noboa ad civitatis nomisma, sucreum, pro Civitatum Foederatarum Americae dollario Martio anni 2000 substituendum evexit.
Februario anni 2003, novus electus praeses Lucius Gutierrex (Lucio Gutiérrez) sumptuum damnum et magnum debitum externum invenit. Petrolei reditibus uti et ab Aerario Monetario Internationale majus auxilium quaerere promisit. Die 15 Ianuarii 2007, muneris captio praesentis praesidis Raphaelis Correa, plebis scitum convocatum est de constitutionalibus mutationibus quae Aequatorianam oeconomiam affectare et debiti externi solutionem revisere possent.
Aequatoria minimarum civitatum in America Meridionali una et, cum Chilia, sola Brasiliae haud finitima est. Prospectus Andibus, civitatis centrum de Septemtrione ad Meridiem transeuntibus cum culmine 6.267 m alto, Chimborazo (practice in media civitate), dominatur. Andium Oriente, circa 1/4 territorii in planitie Amazonica integratum est, et Occidente una latissimarum litoralium planitierum in Austroamericano Pacifici litore patet.
Caput, Quitum, in Andibus est et non est maxima urbs in civitate, sed Guajaquilum, maris portus in sinu Guaiaquilense, Austroccidente. Caelum secundum altitudinem variat, tropicale in litore et in Amazonia et frigidius se facit quotiescumque auget altitudo versus Andes. Aequatoria etiam archipelagum Testudinarium, circa 1000km a continente situm, possidet.
In Aequatoria quattuor zonae praecipue eminent:
- Litus: Partem "Cioci (Choco) biogeographici" facit. Occidente civitatis est, plana fertilisque zona cum parca altitudine. In hac zona maxima urbs Aequatoriana est: Guaiaquilum.
- Montes: Ad Aequatorianam partem Antisensem respondet, de Septemtrionem in Meridiem civitatem in partes duas dividit. Cum altissimis altitudinibus, cum aliquibus culminibus amplius 6.000 m superantibus, etiam varios vulcanos adhuc activos velut Tungurahuam cujus ultima eruptio anno 1999 accidit possidet. Super montes Antisenses aliquae principalium urbium (velut caput Quitum, Concha,Riobamba etc...) statuuntur.
- Oriens: Lineae Aequatorialis Oriente Silva Amazonica pars est, cuius clima umidum calidumque est.
- Insulae Testudinariae.
Aequatoriani ethnice diversi sunt. Maximus ethnicus globus (65% incolarum) a Mixticiis, mixtis prognatis Hispanicorum colonorum et Americanorum indigenarum, formatur. Indigenae Americani secundi in numero et 25% incolarum constituunt. Albi, praesertim Creoli, immixti antiquorum Hispanicorum colonorum prognati, non minus quam alii immigrantes Europaei et Latinae Americae solum 7% incolae sunt. Parva Afraequatorian minoritas, Mulatos et Zambos includens, in Smaragdis et Imbabura provinciis 3% incolarum formans amplie statuitur.
Confoederatio Nationalitatum Indigenarum Aequatoriae (CONAIE) 27 nationalitatum clare identificatarum exsistentiam recognoscit quae etiam Civitate recognitae sunt, ergo quae eis eorum politicae oeconomicaeque ordinationis systemata recognoscit et eis aliquod autogubernationis in eorum territoriis concedit. Recognitae nationalitates cum latinizato nomine sunt(inter signa exclusionis nomen Hispanicum:
- Quichua de la sierra. Dividuntur in varias communitates; Caiambiam (Cayambi), Cannariam (Cañari), Cibuleam (Chibuleo), Otavalam (Otavalo), Quitam (Quitu), Panzaleam (Panzaleo), Guarangam (Guaranga), Puruham (Puruhá), Saraguram (Saraguro), Salasacam (Salasaca), Caranquiam (Caranqui) et communitatem Natabuelam (Natabuelo); linguá Quechua loquuntur.
- Acuari (Achuar) Pastazam et Moronam Sanctum Jacobum provincias incolunt; quorum lingua Achuarica est.
- Aëcofani (A'í-Cofán) in Sucumbiis; Aëngaece (aíngae) loquuntur.
- Huaoranii (Huaorani) in provinciis Pastazae et Orellanae, inter Napum flumen (Napo) et flumen Curaraium (Curaray); Huaotererice (huao terero) loquuntur.
- Xibări[4] (Shuar vel Híbaros vel Hívaros) in Pastaza, Morona-Sancto Jacobo et Samura-Chinchipo; Xibarice loquuntur.
- Sioni (Siona) et Secoii (Secoya) in provincia Sucumbiorum; linguá Quechua (Quechua) loquuntur.
- Zapări (Zápara) in Pastaza.
- Quechuas del Amazonas, in provinciis Napi, Pastazae et Sucumbiorum; linguá Quechua loquuntur.
- Afraequatoriani (Afroecuatorianos) in valle Chotae et in provincia Smaragdorum; Hispanice loquuntur.
- Ciacicaiapi (Chachi-Cayapa) in Smaragdis; Ciapalaice (cha'palaa) et Avapitice (awapit) loquuntur.
- Epĕri (Épera), etiam in zona Smaragdorum.
- Huancavilci (Huancavilca) in Guaiarum provincia, in cantone Sanctae Hellenae.
- Manti (Manta) in provincia Manabii, in cantonibus Hipihapae, et Montis Christi. Hispanice loquuntur.
- Tsacĭli vel Colorati (Tsáchila vel colorados) circum Sanctum Dominicum Coloratorum.
Considerabiles Aequatorianorum expatriatorum communitates in Hispania et in Italia, sicut per Europam, Civitates Foederatas, Canadam et Iaponiam sunt. 7 000 000 hominum ex Aequatoria de anni 1999 oeconomica crise? emigravisse aestimantur, totique Aequatoriani expatriati circa 2.5 miliones sunt.
Regio silvarum tropicarum orientem montanum versus vix incolitur et solum circa 3 centesimas incolarum continet.
Publicum educativum systema gratis est et praesentia compulsoria est natis quinque ad quattuordecim annos. Publicarum scholarum provisio minor rebus necessariis est, et classium magnitudo crebro nimia est, et paucarum fortunarum familiae saepe educationem solvent. Nihilominus, Ministerium Educationis solum 76 centesimae puerorum sex annos scholarizationis terminare refert. Ruralibus in areis, solum 10 centesimae puerorum lycaeum eunt. Ministerialia statistica medium numerum annorum completorum 6.7 dant. Aequatoria sexaginta et unam universitates, multae quarum nunc graduati gradus offerunt, quamquam solum 87 centesimae facultatum in publicis universitatibus graduati gradus possidet. Trecenta superiora instituta duos aut tres annos postsecundariae vocationalis aut technicae exercitationis offerunt.
Fere 70 centesimae Aequatorianorum sunt Christifideles Ecclesiae Catholici Romanae. Indigenae fides et Christianismus ruri aliquando syncretizantur. Crescens Protestantium fiderum numerus etiam est. Multa festa et annuales? pompae religiosis celebrationibus fundantur. Parva Musulmana minoritas est, pauca milia fidelium assecuta. Iudaica communitas circiter mille fideles habet, quorum plerique Germanicam aut Italam originem habent; etiam adsunt Sepharditae Iudaei.
| Regiones |
America Septentrionalis · Media America · Insulae Caribicae · America Australis |
|---|---|
| Civitates |
Aequatoria · Antiqua et Barbuda · Argentina · Bahamenses insulae · Barbata · Beliza · Bolivia · Brasilia · Canada · Chilia · Civitates Foederatae Americae · Columbia · Costarica · Cuba · Dominica · Dominicana res publica · Granata · Guatimalia · Guiana · Haitia · Honduria · Iamaica · Mexicum · Nicaragua · Panama · Paraquaria · Peruvia · Salvatoria · Sancta Lucia · Sanctus Christophorus et Nevis · Sanctus Vincentius et Granatinae · Surinamia · Trinitas et Tabacum · Uraquaria · Venetiola |
| Territoria |
Anguilla · Aruba · Boni Aëris insula · Caimanenses insulae · Curacensis insula · Falklandia · Groenlandia · Guadalupa · Guiana Francica · Martinica · Montserrat · Portus Dives · Saba · Sanctus Bartholomaeus · Sanctus Martinus · Statia · Turcenses et Caicenses insulae · Virginis Insulae Americanae · Virginis Insulae Britannicae |
Regiones, civitates et territoria Americae
Aequatoria : politica
Praesides Aequatoriae 1979–
 | |
|
Iacobus Roldós Aguilera 1979 • Osvaldus Hurtado 1981 • Leo Febres Cordero 1984 • Rodericus Borja Cevallos 1988 • Sixtus Durán Ballén 1992 • Abdalá Bucaram 1996 • Rosalia Arteaga 1997 • Fabianus Alarcón 1997 • Jamil Mahuad 1998 • Gustavus Noboa 2000 • Lucius Gutiérrez 2003 • Alfredus Palacio 2005 • Raphael Correa 2007 • Lenín Moreno 2007 • Gulielmus Lasso 2021 • Daniel Noboa 2023 | |
Cancellarii Aequatorienses (1977–)
 | |
|
Iosephus Ayala Lasso 1977 • Alfredus Pareja Diezcanseco 1979 • Alphonsus Barrera Valverde 1980 • Aloisius Valencia Rodríguez 1981 • Edgarus Terán Terán 1984 • Raphael García Velasco 1987 • Didacus Cordovez Zegers 1988 • Didacus Paredes Peña 1992 • Galo Leoro Franco 1994 • Iosephus Ayala Lasso 1997 • Beniaminus Ortiz Brennan 1999 • Heinz Moeller Freile 2000 • Nina Pacari Vega 2003 • Patricius Zuquilanda 2003 • Antonius Parra Gil 2005 • Franciscus Carrión 2005 • Maria Ferdinanda Espinosa 2007 • Maria Isabella Salvador 2007 • Fander Falconí 2008 • Lautaro Pozo Malo 2010 • Ricardus Patiño 2010 • Gulielmus Long 2016 • Maria Ferdinanda Espinosa 2017 • Iosephus Valencia 2018 • Aloysius Gallegos 2020 • Manuel Mejía Dalmau 2021 • Mauricio Montalvo 2021 • Juan Carlos Holguín 2022 • Gustavus Manrique 2023 • Gabriela Sommerfeld 2023 Capsae cognatae: Praesides Aequatoriae | |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
