Қазақстанның автомобиль нөмірлері немесе Қазақстанның нөмір белгілері — Қазақстан Республикасының территориясындағы жеңіл және жүк көліктерін, автобустарды, мотоциклдерді, тіркемелер мен арнайы техниканы мемлекеттік тіркеуден өткізгенде берілетін нөмір белгілері.
Алғаш рет Қазақстан аумағында автомобиль нөмірлері кеңес дәуірінде беріле бастады. Тәуелсіздіктен кейін тұңғыш өз нөмірлері 1993 ж. бастап шықты. Қазір қолданыста жүрген соңғы үлгідегі нөмірлер 2012 жылдан бері беріліп келеді.
Бұл жүйедегі нөмір форматының ерекшелігі – өзге посткеңестік мемлекеттердің тіркеу нөмірлерінің арасындағы ешқандай мемлекеттік рәмізі болмаған бірегей болуы.
Аймақ кодтары латын әріптерімен белгіленді. Бастапқыда кодтар 18 облыс және 1 қалаға (Алматы) берілді. Кейін 90-жылдардың аяғында елорда ауысқан кезде Астана қаласына бөлек жаңа Z коды берілді. Сонымен қатар елдің әкімшілік-аумақтық құрылымындағы өзгерістер нәтижесінде Жезқазған, Көкшетау, Семей, Талдықорған, Торғай облыстарының таратылуына байланысты бұл облыстарға беріліп келген аймақтық коды (сәйкесінше K, O, U, V, W) бар нөмірлерді шығару тоқтатылды.
Осы форматтағы нөмірлерде төмендегідей категорияларға арналған нөмір типтері қолданылды: жеке тұлғалар, мекемелер, полиция, тіркемелер, арнайы техника, мотонөмірлер, бейрезиденттер, дипломатиялық нөмірлер, жоғары билік органдары, жоғары лауазымды тұлғалар
Бұл типтегі нөмірлер бір немесе екі қатарлы (тип 1 және тип 2) нұсқада шығарылды. Нөмір форматы - жалаусыз. Алдымен бір латын әрпімен белгіленген аймақ коды, сосын үш цифр, одан кейін үш латын әрпімен белгіленген серия.
Бір жылдан астам уақыт талқылаудан соң, 2012 жылы 11 желтоқсанда жаңа форматтағы нөмірлер автокөлік иелеріне беріле бастады.[1] Олардың ерекшелігі - халықаралық стандарттарға сай болу үшін енгізілген мелекетті айшықтайтын туы мен ел кодының болуы және де аймақтардың сандық кодпен белгіленуі.
| Аймақ | 1993 ж. жүйе | 2012 ж. жүйе |
|---|---|---|
| Астана | Z | 01 |
| Алматы | A | 02 |
| Ақмола облысы | C | 03 |
| Ақтөбе облысы | D | 04 |
| Алматы облысы | B | 05 |
| Атырау облысы | E | 06 |
| Батыс Қазақстан облысы | L | 07 |
| Жамбыл облысы | H | 08 |
| Қарағанды облысы | M | 09 |
| Қостанай облысы | P | 10 |
| Қызылорда облысы | N | 11 |
| Маңғыстау облысы | R | 12 |
| Түркістан облысы | X | 13 |
| Павлодар облысы | S | 14 |
| Солтүстік Қазақстан облысы | T | 15 |
| Шығыс Қазақстан облысы | F | 16 |
| Шымкент | X | 17 |
| Абай облысы (Семей облысы) | U (F) | 18 (16) |
| Жетісу облысы (Талдықорған облысы) | V (B) | 19 (05) |
| Ұлытау облысы (Жезқазған облысы) | K (M) | 20 (09) |
| Көкшетау облысы | O (C, T) | 03, 15 |
| Торғай облысы | W (P, C) | 10 |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
