ჭურთა

ჭურთა — მდინარე საქართველოში, ახალგორის მუნიციპალიტეტში, ქსნის მარჯვენა შენაკადი. სათავე აქვს ხარულის ქედის აღმოსავლეთ კალთაზე, ზღვის დონიდან 2373 მ სიმაღლეზე. სიგრძე 18 კმ, აუზის ფართობი 106 კმ². საზრდოობს თოვლის, წვიმისა და მიწისქვეშა წყლით. დამახასიათებელია გაზაფხულის წყალდიდობა და არამდგარი წყალმცირობა. საშუალო წყლის ხარჯი შესართავთან 2,23 მ³/წმ. საერთო ვარდნა — 1365 მ, დახრილობა — 75,83 მ/კმ.

ჭურთა
ქვეყანა	საქართველო
ტერიტორიული ერთეულები	ახალგორის მუნიციპალიტეტი (მცხეთა-მთიანეთის მხარე)
სათავე	ხარულის ქედი 42°22′58″ ჩ. გ. 44°25′33″ ა. გ.
სათავის სიმაღლე	2373 მ
შესართავი	ქსანი 42°15′53″ ჩ. გ. 44°29′13″ ა. გ.
სიგრძე	18 კმ
აუზის ფართობი	106 კმ²
მდინარის სისტემა	ქსანი → მტკვარი → კასპიის ზღვა
წყლის ხარჯი (საშ.)	2,23 მ³/წმ
— სათავე, — შესართავი

ჭურთის ნაპირებზე განლაგებულია სოფლები: ლარგვისი (ნაწილობრივ), დორეთკარი, დოგუზაანი, კუცხოვეთი, კარა, ველისა, ძანგათი, საბარკლეთი. ჭურთისა და ქსნის შესართავთან განლაგებულია ლარგვისის სამონასტრო კომპლექსი: ეკლესია, ციხე-გალავანი ერთი დიდი და რამდენიმე მცირე კოშკით, ასევე სხვადასხვა სამონასტრო ნაგებობები.

ლიტერატურა

• აფხაზავა, ი., ქართული საბჭოთა ენციკლოპედია, ტ. 11, თბ., 1987. — გვ. 408.