ჩავიჩა (ლათ. Oncorhynchus tschawytscha) — გამსვლელი თევზი ორაგულისებრთა ოჯახისა. წყნაროკეანური ორაგულებიდან უდიდესია. გავრცელებულია წყნარი ოკეანის ჩრდილოეთ ნაწილში: ჩრდილოეთ ამერიკის ნაპირებთან — ალასკიდან კალიფორნიამდე; აზიის ნაპირებთან: მდინარე ანადირიდან ამურის ლიმანამდე. სქესობრივ სიმწიფეს აღწევს 3-7 წლისა. კამჩატკაზე ტოფობს ივლის-აგვისტოში, ჩრდილოეთ ამერიკის მდინარეებში შემოდგომა-ზამთარში. მდინარეებში შედის გაზაფხულზე. სიცოცხლის პირველ წლებში ცხოვრობს მდინარეებში. გამრავლებისა და აკლიმატიზაციის ობიექტია. უპირატესობას ანიჭებს დიდ მდინარეებს. ზღვაში იკვებება წვრილი თევზით. მეტად ძვირფასი სარეწაო თევზია.
სწრაფი ფაქტები ჩავიჩა, მეცნიერული კლასიფიკაცია ...
დახურვა