ქვემო ჯუბა (სომალ. Jubbada Hoose, არაბ. جوبا السفلى) — რეგიონი სომალის სამხრეთში, ისტორიული რეგიონის — ჯუბალენდის ნაწილი. ადმინისტრაციული ცენტრი — ქალაქი კისმაიო.[1] რეგიონი შეიქმნა 1980-იან წლებში. დასავლეთში ის ესაზღვრება კენიას, ჩრდილოეთით გედოს რეგიონს, აღმოსავლეთით შუა ჯუბას, ხოლო სამხრეთით ინდოეთის ოკეანეს.
რეგიონი | |
---|---|
ქვემო ჯუბა სომალ. Jubbada Hoose არაბ. جوبا السفلى | |
![]() | |
ქვეყანა |
![]() |
ადმ. ცენტრი | კისმაიო |
კოორდინატები | 0°26′00″ ჩ. გ. 41°36′00″ ა. გ. |
დაარსდა | 1980 |
ფართობი | 42 876 კმ² |
მოსახლეობა | 489 307 კაცი (2014) |
სიმჭიდროვე | 11,41 კაცი/კმ² |
სასაათო სარტყელი | UTC+3 |
სატელეფონო კოდი | +252 |
![]() | |
სომალის სამოქალაქო ომის დროს რეგიონს აკონტროლებდა ორგანიზაცია JVA (ჯუბის ხეობის ალიანსი (Juba Valley Alliance)), მაგრამ 2006 წელს ხელისუფლება ხელში ჩაიგდო ისლამური სასამართლოების კავშირმა.
2006 წელს მოხდა მდინარე ჯუბას ადიდება[2].
2007 წლის დასაწყისიდან ამ რეგიონში მდებარეობდნენ ისლამური სასამართლოების კავშირის უკანასკნელი საყრდენი რაიონები[3], რომლებსაც აშშ-ის სამხედრო-საჰაერო ძალები ბომბავდნენ[4]. 2008 წელს რეგიონს იყოფდნენ ისლამისტები და სომალის გარდამავალი ფედერალური მთავრობისადმი ლოიალური ძალები.
2010-2011 წლებში რეგიონს აკონტროლებდა ჰარაკატ აშ-შაბააბი. 2011 წლის შემოდგომიდან ლინდა ნჩის ოპერაციის დროს ჰარაკატ აშ-შაბააბი განდევნეს რეგიონის ტერიტორიიდან, ხოლო 2012 წლის შემოდგომაზე გაანთავისუფლეს ქალაქი კისმაიო.
2014 წელს ქვემო ჯუბა ფორმალურად შედის ჯუბალენდის ავტონომიური წარმონაქმნის შემადგენლობაში, რომელმაც ხელი მოაწერა შეთანხმებას სომალის ფედერალურ მთავრობასთან და დღეისათვის მიმდინარეობს ბრძოლები მასსა და ჰარაკატ აშ-შაბააბის ძალებს შორის.
ქვემო ჯუბა იყოფა 5 რაიონად:[5]
- აფრადოვი
- ბადაადე
- ჯამაამე
- კისმაიო
- ჰაგარი
რეგიონში ასევე შედის ბაჯუნის კუნძულები.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.