ტოპეს-დე-კოლანტესი

ტოპეს-დე-კოლანტესი (ესპ. Gran Parque Natural Topes de Collantes) — დიდი დაცული ტერიტორია კუბის ცენტრალურ ნაწილში, სიერა-დელ-ესკამბრაის ქედზე. მდებარეობს ქალაქ ტრინიდადიდან 20 კილომეტრში. ტერიტორიის სიმაღლეა ზღვის დონიდან 800 მ. ფართობი 110 კმ². მღვიმური მდინარეები, ტბები, ჩანჩქერები, კანიონები და ბუნების სხვ. ღირსშესანიშნაობები ქმნიან თვალწარმტაც ლანდშაფტებს. განვითარებულია სხვადასხვაგვარი მიკროკლიმატი, ზომიერი ტენიანობა.

ტოპეს-დე-კოლანტესი Gran Parque Natural Topes de Collantes
IUCN კატეგორია V (დაცული ლანდშაფტი)
მდებარეობა	სანქტი-სპირიტუსი
ქვეყანა	კუბა
კოორდინატები	21°53′00″ ჩ. გ. 80°00′00″ დ. გ.
ფართობი	110 კმ²

იზრდება ორქიდეის 40-ზე მეტი ადგილობრივი სახეობა, 100 სახეობის გვიმრისნაირი, გვხვდება აგრეთვე ფიჭვი, ევკალიპტი, მაგნოლია, ჟასმინი და ფლორის სხვა სახეობები. მრავალფეროვანია ცხოველთა სამყარო.

რესურსები ინტერნეტში

• ტოპეს-დე-კოლანტესი (ესპანური)