ლომისისმთა

ლომისისმთა — მთა საქართველოში, მცხეთა-მთიანეთის მხარეში, დუშეთისა და ახალგორის მუნიციპალიტეტების ადმინისტრაციულ საზღვარზე. მდებარეობს მდინარეების ქსნისა და არაგვის წყალგამყოფ ალევის ქედის ჩრდილოეთ ნაწილში. სიმაღლე ზღვის დონიდან 2452 მ. აგებულია ზედაიურული ფლიშით. შემოსილია სუბალპური მდელოებით, ჩრდილო-აღმოსავლეთ კალთაზე ფოთლოვანი ტყეა. ლომისისმთის თხემზე არის მთიულეთის ისტორიული სალოცავი ლომისა.

სხვა მნიშვნელობებისთვის იხილეთ ლომისი (მრავალმნიშვნელოვანი).

ლომისისმთა
ლომისისმთა და სოფელი ზემო მლეთა
კოორდინატები: 42°24′42″ ჩ. გ. 44°29′02″ ა. გ.
ქვეყანა	საქართველო
ტერიტორიული ერთეული	დუშეთის მუნიციპალიტეტი ახალგორის მუნიციპალიტეტი
სიმაღლე	2452 მ
ქედი	ალევის ქედი
სურათები ვიკისაწყობში

ლიტერატურა

• მარუაშვილი ლ., ქართული საბჭოთა ენციკლოპედია, ტ. 6, თბ., 1983. — გვ. 286.