კელასური — მდინარე საქართველოში, აფხაზეთის ავტონომიურ რესპუბლიკაში. სათავე აქვს ბზიფის ქედის სამხრეთ კალთაზე. ხიმსის მყინვარზე, ზღვის დონიდან 2582 მ სიმაღლეზე. ერთვის შავ ზღვას სოფელ კელასურთან. სიგრძე 42 კმ, აუზის ფართობი 220 კმ². საზრდოობს წვიმის, თოვლის, მყინვარული და მიწისქვეშა წყლით. წყალდიდობა იცის გაზაფხულზე. ზაფხულსა და შემოდგომაზე — ინტენსიური წვიმებით გამოწვეული წყალმოვარდნა. წყალმცირეა ზამთარში. წყლის საშუალო მრავალწლიური ხარჯი შესართავთან 13,2 მ³/წმ. ზღვაში წლიურად შეაქვს 420 მლნ. მ³ წყალი. ქვემო დინებაში კელასურის მარცხენა ნაპირიდან წყლის ნაწილი გადის მიწისქვეშა კარსტული ნაპრალით და გამოდის მდინარე ბესლეთის სათავეში მძლავრ წყაროებად. 1978 წელს შესართავიდან 13 კმ-ზე კლდეზვავმა გადაგუბა მდინარე და წარმოშვა ტბა, რომლის ფართობია დაახლოებით 3 ჰა, უდიდესი სიღრმე 21 მ.
| კელასური | |
|---|---|
.JPG) | |
| ქვეყანა |
 საქართველო |
| ტერიტორიული ერთეულები | აფხაზეთის ავტონომიური რესპუბლიკა |
| სათავე |
ბზიფის ქედი 43°16′32″ ჩ. გ. 41°11′00″ ა. გ. |
| სათავის მდებარეობა | კელასური |
| სათავის სიმაღლე | 1380 მ |
| შესართავი |
შავი ზღვა 42°58′16″ ჩ. გ. 41°04′00″ ა. გ. |
| შესართავის სიმაღლე | 0 მ |
| სიგრძე | 42 კმ |
| აუზის ფართობი | 220 კმ² |
| წყლის ხარჯი (საშ.) | 13,2 მ³/წმ |
     — სათავე,  — შესართავი | |
კლისური არის მდინარე კელასურის ძველი სახელწოდება.
ლიტერატურა
- აფხაზავა ი., ენციკლოპედია „საქართველო“, ტ. 4, თბ., 2018. — გვ. 617.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
