დინამო სოხუმი — ქართული საფეხბურთო კლუბი ქალაქ სოხუმიდან. ჩამოყალიბდა 1925 წელს. 1992 წლიდან თამაშობს თბილისში. ასპარეზობს საქართველოს ეროვნული ჩემპიონატის რეგიონული ლიგის პირველობაზე.[1]
სწრაფი ფაქტები სრული სახელი, დაარსდა ...
დახურვა
სოხუმის „დინამო“ 1925 წლის 14 იანვარს, ქალაქ სოხუმში ჩამოყალიბდა. 1936 წლიდან მონაწილეობდა საქართველოს სსრ საფეხბურთო ჩემპიონატისა და თასის გათამაშებაში. საქართველოს სსრ ორგზის ჩემპიონი (1947, 1948)[2] და საქართველოს სსრ თასის ორგზის (1944, 1948) მფლობელი.
კლუბის ღირსებას სხვადასხვა დროს იცავდნენ ქართული და საბჭოთა ფეხბურთის ისეთი სახელოვანი წარმომადგენლები, როგორებიც იყვნენ: ავთანდილ ღოღობერიძე, ნიკიტა სიმონიანი, იური გრამატიკოპულო, ვალტერ სანაია, იური ვარდიმიადი, ნიაზ ძიაპშიპა, რევაზ ძოძუაშვილი, ალექსი ილიადი, ოთარ გაბელია,[3] ახრიკ ცვეიბა, გოჩა გოგრიჭიანი,[4] თემურ ქეცბაია, სოსო მალანია,[5][6] გოჩა ჟორჟოლიანი[7] და სხვ.
გუნდის მთავარი მწვრთნელის რანგში კლუბში სხვადასხვა დროს მოღვაწეობდნენ: იური გრამატიკოპულო,[8] გიგა ნორაკიძე, ნიაზ ძიაპშიპა, ნუგზარ ბოჯგუა, გოჩა ჟორჟოლიანი,[7] უჩა ქანთარია, მამუკა კიკნაძე, რევაზ ძოძუაშვილი და სხვ.
1944 წლის შემოდგომაზე საქართველოს სსრ თასის გათამაშება გაიმართა, რომელშიც 12 გუნდმა მიიღო მონაწილეობა. სოხუმის „დინამოს“ გარდა,[კომ. 1] აფხაზეთიდან გათამაშებაში ოჩამჩირის საფეხბურთო ნაკრებიც მონაწილეობდა. სოხუმელმა ფეხბურთელებმა მთელი ტურნირი დამაჯერებლად ჩაატარეს. მათ ჯერ მახარაძის ნაკრები დაამარცხეს ანგარიშით — 9–0, ხოლო შემდეგ თბილისის „შრომითი რეზერვების“ გუნდს მოუგეს — 6–1 და ფინალში ქუთაისის „დინამოს“ დაუპირისპირდნენ. გადამწყვეტი შეხვედრა თბილისის „დინამოს“ სტადიონზე შედგა და დიხამინჯიას და ვარდიმიადის გოლებს წყალობით კვლავ სოხუმელთა გამარჯვებით, ანგარიშით — 2–1 დასრულდა. სოხუმის დინამოელები პირველად გახდნენ საქართველოს სსრ თასის მფლობელები. ეს იყო პირველი მნიშვნელოვანი მიღწევა კლუბის არსებობის ისტორიაში.[9]
შემადგენლობა 1947
გუნდის[10] მოთამაშეები | გენადი ბონდარენკო, გიორგი გრამატიკოპულო, ალექსანდრე დოროხოვი, ივანე ვარდიმიადი, იური ვარდიმიადი, ნიკოლოზ ვარდიმიადი, ანდრო ზაზროევი, გიორგი იოლჩიდი, გ. ნადარეიშვილი, ანესტი ოლფანიდი, ანესტი ტრიანდაფილიდი. |
1947 წლის საქართველოს სსრ თასის გათამაშებაში სოხუმის „დინამომ“ მეორედ შეძლო ტურნირის ფინალში გასვლა. მათ თანამიმდევრობით დაამარცხეს ბათუმის „ბურევესტნიკი“ (7–0), მახარაძის (+–-), ოჩამჩირისა (4–2) და ზესტაფონის (4–2) საფეხბურთო ნაკრებები და ფინალში ბათუმის „დინამოს“ პირისპირ წარდგნენ. ბათუმელებმა, თავის მხრივ, ქუთაისის „დინამოსა“ და გუდაუთის ნაკრების გამოუცხადებლობის შემდეგ, მეოთხედფინალურ ეტაპზე ზუგდიდის ნაკრები დაამარცხეს — 5–1, ხოლო ნახევარფინალში, თბილისის 35-ე სკოლის ფეხბურთელთა გუნდი — 3–0. სოხუმისა და ბათუმის დინამოელთა ფინალური შეხვედრა ამჯერად ბათუმელთა გამარჯვებით — 2–0 დამთავრდა. ბათუმის დინამოელებმა კლუბის არსებობის ისტორიაში პირველად მოიპოვეს საქართველოს სსრ თასის მფლობელთა საპატიო ტიტული.
შემადგენლობა 1948
გუნდის[11] მოთამაშეები | ნისბი აჟიბა, ნ. არგუნი, გენადი ბონდარენკო, ა. გაბუნია, შ. გობეჯიშვილი, ა. გოგიჩაიშვილი, შ. დონდუა, ს. ესაკია, იური ვარდიმიადი, ნიკოლოზ ვარდიმიადი, ვ. ვეკუა, ანდრო ზაზროევი, ვლადიმერ თარბა, გიორგი იოლჩიდი, შ. ლომინაძე, გ. სიგუა, პ. სიჭინავა, გ, ჩხარტიშვილი. |
1948 წლის საქართველოს სსრ საფეხბურთო ჩემპიონატის გათამაშებაში 44-მა გუნდმა მიიღო მონაწილეობა. ჩემპიონის ტიტულის მთავარ პრეტენდენტებად სოხუმისა და ქუთაისის დინამოელები განიხილებოდნენ. განვლილ ჩემპიონატზე სოხუმელებმა შეძლეს ქუთაისელთა დამარცხება, თუმცა, ამჯერად ქუთაისელმა ფეხბურთელებმა მოახერხეს რევანშის აღება და სოხუმელ თანაკლუბელებს მიმდინარე ტურნირზე ერთადერთი მარცხი აგემეს (5–2), ხოლო თავის მხრივ ორ ფრეს დასჯერდნენ ბათუმისა (1–1) და ფოთის (2–2) დინამოელებთან შეხვედრებში. შედეგად, გათამაშების ბოლო ტურისთვის არსებული მაჩვენებლებით ორივე გუნდს, ქულათა თანაბარი რაოდენობა აღმოაჩნდა და ჩემპიონის გამოსავლენად დამატებითი მატჩი დაინიშნა. გადამწყვეტ შეხვედრაში სოხუმელმა ფეხბურთელებმა გაიმარჯვეს (4–2) და ზედიზედ მეორედ მოიპოვეს ქვეყნის ჩემპიონის წოდება.
1965 წლის 22 მაისს საკავშირო თასის 1/16 ფინალში სოხუმს საბჭოთა კავშირის ჩემპიონი თბილისის „დინამო“ ესტუმრა. შეხვედრამ დიდი ინტერესი გამოიწვია. გულშემატკივართა ნაწილი, რომელთაც სტადიონზე მოხვედრა ვერ შეძლეს, სოხუმელთა და თბილისელთა შეხვედრას გარშემო სახლების სახურავებიდან ადევნებდა თვალს.
1977 წლის საფეხბურთო სეზონში სოხუმის დინამოელებმა მეორე ლიგის მეორე ზონაში იასპარეზეს საქართველოს გუნდების ლანჩხუთის „გურიას“, ზუგდიდის და ბათუმის „დინამოს“, სამტრედიის „ლოკომოტივის“, გორის „დილას“ და თბილისის „სპარტაკის“ პარალელურად, სოხუმის „დინამოს“ მეტოქეები იყვნენ ნალჩიკის „სპარტაკი“, მახაჩყალის „დინამო“, ლენინაკანის „შირაკი“, სამტრედიის „ლოკომოტივი“ და სხვა. 22 გუნდს შორის სოხუმის დინამოელებმა მე-14 ადგილი დაიკავეს, გუნდმა 42 შეხვედრაში 14 მოიგო, 11 დამთავრდა ფრედ, ხოლო 17 მატჩში განიცადა დამარცხება. ბურთების შეფარდება 47–62.
შემადგენლობა 1977
გუნდის[12] მოთამაშეები | ივანე ანასტასიადი, გიორგი ბანცაძე, გურამ ბარამია, გურგენ ბენიძე,[13] ოლეგ ბერულავა, ანატოლი ბიდეევი, ნოდარ ბოხაშვილი, ოთარ გადელია, გოდერძი გოგიშვილი, მერაბ გოგოხია,[14] კოტე გოლეთიანი, ანატოლი დრაჩი, მურთაზ ვეკუა, ნოდარ კაკულია, მალია კაჭარავა, ზურაბ კვეკვესკირი, თენგიზ კიკაჩეიშვილი, გივი კოსტავა, მერაბ ლაკერბაია, ზურაბ ლატარია, ზურაბ ლაშხია, მერაბ მოსიავა, ნიკოლოზ ოსტროვსკი, თემურ ჟანაა, ჯამბულ ჟვანია, ბორის ციკოლია, ვალერი ხარტაკოპულო, რევაზ ხასია, ნუგზარ ხოშტარია. |
შემადგენლობა 1978
გუნდის[16] მოთამაშეები | გურამ ბარამია, გურგენ ბენიძე,[13] ნოდარ ბოხაშვილი, მერაბ გოგოხია,[14] ალექსანდრე გუბარი, ანატოლი დრაჩი, ტიგრან ვარდანიანი, მურთაზ ვეკუა, იური კაბაკოვი, გივი კოსტავა, ზურაბ ლატარია, იური ლოგუა, ამბაკო მატუა, მერაბ მოსიავა, ბესლან ნანბა,[17] ნიკოლოზ ოსტროვსკი, თემურ ჟანაა, თემურ ჟიბა, ალკაზ ქანთარია,[18] ვალერი ხარტაკოპულო, ნუგზარ ხოშტარია. |
შემადგენლობა 1979
გუნდის[19] მოთამაშეები | გურგენ ბენიძე,[13] ოლეგ ბერულავა, მერაბ გოგოხია,[14] ალექსანდრე გუბარი, შოთა თომაშვილი, იური კაბაკოვი, ზურაბ კვეკვესკირი, იური ლოგუა, ვალერიან მელაძე, ბესლან ნანბა,[17] თემურ ჟანაა, თემურ ჟიბა, ვლადიმერ ტესლენკო, მისაკ ტუისუზიანი, მალხაზ ქავთარაძე,[20] ალკაზ ქანთარია,[18] მურმან ქობალია.[21] |
შემადგენლობა 1981
მეკარეები | გურგენ ბენიძე,[13] ჯემალ როსტობაია.[23] |
მცველები | ოლეგ ბერულავა,[23] ელგუჯა ბჟანია,[23] ალექსანდრე გუბარი,[23] ზურაბ კვეკვესკირი,[23] თემურ ჟიბა,[23] ემზარ მამფორია,[23] დემურ ცხაკაია. |
ნახევარმცველები | იური ლოგუა,[23] იური კაბაკოვი, მალხაზ ქავთარაძე,[23][20] ნუგზარ ხოშტარია.[23] |
შემადგენლობა 1982
მეკარეები | გურგენ ბენიძე,[13] ჯემალ როსტობაია. |
მცველები | ელგუჯა ბჟანია, ალექსანდრე გუბარი, ანატოლი კვეკვესკირი,[27] ზურაბ კვეკვესკირი, ემზარ მამფორია, გოჩა ხუბულური. |
ნახევარმცველები | მალხაზ ქავთარაძე,[20] იური ლოგუა, სოსო მალანია, გოჩა სართანია,[28] გია შონია,[29] ნუგზარ ხოშტარია. |
თავდამსხმელები | ალკაზ ქანთარია,[18] მურმან ქობალია,[21] ზაურ მელია, ბესლან ნანბა,[17] მერაბ შამათავა.[24] |
შემადგენლობა 1983
გუნდის[30] მოთამაშეები | რაფაელ ამპარი, გურგენ ბენიძე,[13] ელგუჯა ბჟანია, ალექსანდრე გუბარი, აშოტ კურგინიანი, სოსო მალანია,[5] ემზარ მამფორია, მალხაზ მარგოშია, ზაურ მელია, ბესლან ნანბა,[17] გოჩა ჟორჟოლიანი,[7] გოჩა სართანია,[28] მალხაზ ქავთარაძე,[20] მურმან ქობალია,[21] მერაბ შამათავა,[24] იგორ შეპტიცკი,[31] გიორგი ჩალიგავა,[32] ახრიკ ცვეიბა, ოთარ ძალამიძე,[33] რომან ხაგბა,[34] ნუგზარ ხოშტარია, გოჩა ხუბულური. |
შემადგენლობა 1984
გუნდის[35] მოთამაშეები | დაურ ახვლედიანი, გურგენ ბენიძე,[13] თემურ ბიგვავა, მერაბ გოგოხია,[14] მალია კაჭარავა, სოსო მალანია,[5] ემზარ მამფორია, მალხაზ მარგოშია, ბესლან ნანბა,[17] თემურ ჟიბა, გოჩა ჟორჟოლიანი,[7] გოჩა სართანია,[28] კლემენტი სიჭინავა,[36] ზურაბ ფარულავა, მალხაზ ქავთარაძე,[20] მურმან ქობალია,[21] გიორგი ჩალიგავა,[32] ახრიკ ცვეიბა, ოთარ ძალამიძე,[33] ჯუმბერ ჭითანავა,[37] რომან ხაგბა,[34] ნუგზარ ხოშტარია. |
შემადგენლობა 1985
გუნდის[38] მოთამაშეები | დაურ ახვლედიანი, გურგენ ბენიძე,[13] ზ. ბენიძე, თემურ ბიგვავა, მერაბ გოგოხია,[14] ჯემალ გუბაზი,[39] საიდ თარბა, თენგიზ ლოგუა, სოსო მალანია, ემზარ მამფორია, ზაურ მელია, დიმიტრი პაპავა, როინ ტიბუა, მალხაზ ქავთარაძე,[20] ალკაზ ქანთარია,[18] რევაზ ქაშიბაძე, იგორ შეპტიცკი,[31] ა. ჩალიგავა, გიორგი ჩალიგავა,[32] ოთარ ძალამიძე,[33] ჯუმბერ ჭითანავა,[37] რომან ხაგბა,[34] მურთაზ ხურცილავა.[40] |
შემადგენლობა 1986
მწვრთნელები | ირაკლი ქოიავა (მთ. მწვრთნელი),[41] ბესლან ნანბა (გუნდის უფროსი).[41][17] |
1986 წლის საკავშირო ჩემპიონატის მეორე ლიგის მეცხრე ზონაში მოასპარეზე სოხუმის „დინამოს“ ფეხბურთელებმა პირველად შეძლეს მეორე ადგილის მოპოვება.[50]
შემადგენლობა 1987
გუნდის[51] მოთამაშეები | სერგეი არუთუნიანი, დაურ ახვლედიანი, გურგენ ბენიძე,[13] კახა გეთია,[42] ირაკლი გელენავა, მერაბ გოგოხია,[14] ჯემალ გუბაზი,[39] გიორგი დოჩია,[23][52] საიდ თარბა, გელა ინალიშვილი, ჯუმა კვარაცხელია,[47] იური ლოგუა, კლემენტი სიჭინავა,[36] ალკაზ ქანთარია,[18] გიორგი ჩალიგავა,[32] გიორგი ჩიხრაძე,[45] ოთარ ძალამიძე,[33] ჯუმბერ ჭითანავა,[37] რომან ხაგბა,[34] მურთაზ ხურცილავა.[40] |
სსრ კავშირის თასი 1987–88
საკავშირო თასის 47-ე გათამაშების[კომ. 2][53] ფარგლებში ჩატარებული ექვსი მატჩიდან სოხუმელებმა სამი შეხვედრა მოიგეს, სამი დათმეს — მათ შორის ორივე მერვედფინალური მატჩი თასის მომავალ მფლობელთან ხარკოვის „მეტალისტთან“ (0–3, 1–2) და შესაბამისად, ამავე ეტაპზე დაასრულეს გათამაშება.[54]
მეტი ინფორმაცია №, თარიღი ...
დახურვა
შემადგენლობა 1988
გუნდის[56] მოთამაშეები | სერგეი არუთინიანი, დაურ ახვლედიანი, გურგენ ბენიძე,[13] რობერტ ბოსტანჯიანი,[57] ირაკლი გელენავა, მერაბ გოგოხია,[14] ჯემალ გუბაზი,[39] თენგიზ გუჩუა, გიორგი დოჩია,[52] ვალერი იაკოვლევი, გელა ინალიშვილი, ჯუმა კვარაცხელია,[47] ლეონიდ კოვალკოვი, სოსო მალანია,[5] ემზარ მამფორია, გოჩა ჟორჟოლიანი[7] იგორ შეპტიცკი,[31] გიორგი ჩალიგავა,[32] გიორგი ჩიხრაძე,[45] ოთარ ძალამიძე,[33] ჯუმბერ ჭითანავა,[37] რომან ხაგბა,[34] მურთაზ ხურცილავა.[40] |
შემადგენლობა 1989
გუნდის[58] მოთამაშეები | სერგეი არუთინიანი, დაურ ახვლედიანი, გურგენ ბენიძე,[13] გენადი ბონდარუკი, რობერტ ბოსტანჯიანი,[57] გოჩა გოგრიჭიანი,[23] ჯემალ გუბაზი,[39] გიორგი დოჩია,[52] როდერ თარბა, საიდ თარბა, გელა ინალიშვილი, სოსო მალანია,[5] ვახტანგ პაპასკირი, გოჩა ჟორჟოლიანი[7] ზურაბ ფარულავა, თენგიზ სიჭინავა, გიორგი ჩალიგავა,[32] ანდრეი ჩეკუნოვი, გიორგი ჩიხრაძე,[45] რომან ხაგბა.[34] |
1989 წლის სეზონში სოხუმელებმა წარმატებით იასპარეზეს საკავშირო ჩემპიონატის II ლიგის IX ზონაში და პირველი ადგილი დაიკავეს. ამის შემდეგ ასევე, წარმატებით ჩაატარეს ფლეი-ოფის მატჩები ფერგანის „ნეფტიანიკთან“ და პავლოდარის „ტრაქტორთან“. გადამწყვეტი გამოდგა 1989 წლის 9 ნოემბერს სოხუმში ჩატარებული შეხვედრა ფერგანის „ნეფტიანიკის“ წინააღმდეგ. შეხვედრის მე-15 წუთზე სოხუმელები რომან ხაგბამ[34] თერთმეტმეტრიანით დააწინაურა. ტაიმის მიწურულს კი გიორგი ჩალიგავამ მეორედ აიღო სტუმართა კარი — 2–0. სოხუმის დინამოელებმა საბოლოოდ, ჯგუფში პირველი ადგილი დაიკავეს და საკავშირო ჩემპიონატის I ლიგის საგზური მოიპოვეს. რესპუბლიკურ სტადიონზე ჩატარებულ შეხვედრას, რომელიც სულ 10 000 მაყურებელზე იყო გათვლილი — 20 000 მაყურებელი ადევნებდა თვალს.
1990 წლის დასაწყისში ეროვნული მოძრაობის დაჟინებული მოთხოვნით, საბჭოთა კავშირის საფეხბურთო ჩემპიონატის უმაღლესი ლიგის, პირველი ლიგისა და მეორე ლიგის გათამაშების მონაწილე ქართულ გუნდებს პროტესტის ნიშნად უარი უნდა განეცხადებინათ საკავშირო ჩემპიონატში მონაწილეობაზე, დაეტოვებინათ აღნიშნული პირველობა და საქართველოს ეროვნულ ჩემპიონატზე გაეგრძელებინათ ასპარეზობა. საკითხის კატეგორიულად დასმამ საქართველოს საფეხბურთო საზოგადოების ორად გაყოფა გამოიწვია. ქართული ფეხბურთის მესვეურთა ერთ ნაწილს მიაჩნდა, რომ ერთი მხრივ, ყველა ქართული კლუბის ერთიანად ჩამოცილება საკავშირო პირველობიდან და მეორე მხრივ, მეტ-ნაკლებად სრულფასოვანი ეროვნული საფეხბურთო ჩემპიონატის ჩატარებისთვის აუცილებელი სათანადო პირობების მომზადების გარეშე, მათი საქართველოს ეროვნულ ჩემპიონატზე ნაჩქარევად გადართვა ბუნებრივად გამოიწვევდა, როგორც საკუთრივ კლუბების, ასევე, მთლიანად ქართული ფეხბურთის დონის გარდაუვალ და მკვეთრ დაცემას. ქართული ფეხბურთის განვითარებისთვის საზიანო, არასასურველი პროცესების განვითარებისა და მოსალოდნელი უარყოფითი შედეგების თავიდან აცილების მიზნით, მათი თვალსაზრისით, ქართული კლუბებიდან რამდენიმე მათგანს მაინც უნდა შენარჩუნებოდა საკავშირო ჩემპიონატზე გამოსვლის უფლება. უმრავლესობა კი ეროვნული ჩემპიონატის ჩატარებას ემხრობოდა.
სხვა ქართული კლუბების მსგავსად, კრიტიკული სიტუაციის წინაშე აღმოჩნდა სოხუმის „დინამოც“, რომელსაც 1990 წელს პირველად უნდა მიეღო მონაწილეობა საბჭოთა კავშირის ჩემპიონატის პირველი ლიგის გათამაშებაში, რისთვისაც კლუბი ბოლო წლებში ძალების სრული დაძაბვით იბრძოდა. ხანგრძლივი შრომისა და ძალისხმევის ფასად მიღწეული შედეგის დათმობა სპორტული თვალსაზრისით კლუბისთვის მეტად მძიმე აღმოჩნდა. საბოლოო გადაწყვეტილების მიღების პროცესში კვლავ აზრთა სხვადასხვაობა წარმოიშვა. ერთ ნაწილს საბჭოთა კავშირის ჩემპიონატის გათამაშებაზე მონაწილეობა მიაჩნდა მართებულად, მეორე ნაწილს — საქართველოს ეროვნულ ჩემპიონატზე. ნაწილი კი მიიჩნევდა, რომ კლუბს — როგორც ეროვნულ, ისე საკავშირო პირველობაზეც შეეძლო ერთდროულად მონაწილეობის მიღება. აღსანიშნავია, რომ სსრ კავშირის ფეხბურთის ფედერაციის პრეზიდენტი ვიაჩესლავ კოლოსკოვი[59] პრინციპულად აყენებდა ქართული კლუბების საკავშირო ჩემპიონატზე მონაწილეობის გაგრძელების საკითხს. თუმცა, საქართველოდან უარყოფითი პასუხის მიღების შემდეგ ქართულ კლუბებს სსრ კავშირის ფეხბურთის ფედერაციის მხრიდან შეუჩერდათ საკავშირო ჩემპიონატზე გამოსვლის უფლება. აღნიშნულ მოვლენათა მსვლელობის პარალელურად აფხაზეთის ასსრ მინისტრთა საბჭოს თავმჯდომარის პირველი მოადგილე ვლადიმერ მიქანბა სოხუმის „დინამოს“ პირველი ლიგის გათამაშებაში დაშვების თაობაზე მოსკოვში კონსულტაციებს გადიოდა.
1990 წლის 17 მარტს სოხუმში გაიმართა აფხაზეთის ფეხბურთის ფედერაციის, სოხუმის „დინამოს“ საფეხბურთო კლუბის საბჭოს, კლუბის დამფუძნებელი ორგანიზაციებისა და შექმნილი ვითარებიდან გამომდინარე განსახილველი საკითხებით დაინტერესებული საზოგადოების ნაწილის გაფართოებული სხდომა. ამ ერთგვარ საფეხბურთო კონფერენციაზე აფხაზეთის ყველა რაიონისა და ქალაქის სპეციალისტთა უმრავლესობამ მიიღო მონაწილეობა. მოწვეული 118 დელეგატიდან შეხვედრას ესწრებოდა — 99.
სხდომაზე თავიდანვე უკმაყოფილება გამოიწვია იმ გარემოებამ, რომ მოწვეული არ იყო სოხუმის „დინამოს“ ფეხბურთელთა გუნდი. აღნიშნული ფაქტის თაობაზე პირდაპირ განაცხადეს და თავიანთი პრინციპული მოსაზრება დააფიქსირეს „დინამოს“ კლუბის საბჭოს წევრმა გურამ გაბისკირიამ, საქართველოს ალკკ-ს აფხაზეთის საოლქო კომიტეტის მეორე მდივანმა ელგუჯა ქავთარაძემ და სხვებმა. სხდომა გახსნა აფხაზეთის ასსრ მინისტრთა საბჭოს პირველმა მოადგილემ ვლადიმერ მიქანბამ.[60] პრეზიდიუმის წევრებად 13 დელეგატი იქნა არჩეული, მათ შორის საქართველოს ფეხბურთის ფედერაციის პრეზიდენტი ნოდარ ახალკაცი და გენერალური მდივანი დავით კვინიკაძე.[61]
დღის წესრიგში იდგა მთავარი საკითხი — თუ რომელ ჩემპიონატზე უნდა მიეღო მონაწილეობა სოხუმის „დინამოს“. გამოითქვა სხვადასხვა აზრი. შეხვედრა საკმაოდ დაძაბულ გარემოში წარიმართა. საკითხის განხილვა ფარული კენჭისყრით გადაწყდა. სხდომის 13 მონაწილემ კენჭისყრის დაწყებამდე დატოვა დარბაზი. მათმა უმრავლესობამ დელეგატის მანდატი ჩააბარა. კენჭისყრაზე უარი თქვა გალის რაიონის ყველა წარმომადგენელმა, სოხუმის „დინამოს“ კლუბის პრეზიდიუმის წევრმა გურამ გაბისკირიამ, სოხუმის „დინამოს“ კლუბის საბჭოს წევრებმა — ავთანდილ ბოკერიამ, ამრეკ მინჯიამ, ტარას ბელქანიამ, აფხაზეთის ფეხბურთის ფედერაციის თავმჯდომარის მოადგილემ — სერგო ფიფიამ და სხვებმა. ფარულ კენჭისყრაში მონაწილეობდა 86 კაცი. საბოლოოდ, ხმათა უმრავლესობით (71) მიღებული იქნა გადაწყვეტილება, სოხუმის „დინამოს“ საკავშირო ჩემპიონატის პირველი ლიგის გათამაშებაში მონაწილეობის შესახებ. ამავე დღეს, დაბა ეშერის სპორტულ ბაზაზე გაიმართა სოხუმის „დინამოს“ ფეხბურთელების კრება. კრების დასრულების შემდეგ გადაწყდა, რომ სოხუმის „დინამოს“ ტოვებდნენ: გუნდის მეორე მწვრთნელი — ირაკლი ქოიავა, ადმინისტრატორი — აკაკი პაპავა, კლუბის ვიცე-პრეზიდენტი — ნოდარ კაკულია და გუნდის რვა ფეხბურთელი — ბენიძე,[13] ჟორჟოლიანი,[7] დოჩია, მალანია,[5] ფარულავა, ჩიხრაძე,[45] ინალიშვილი და გოგრიჭიანი.[4]
2000 წელს ქართული ფეხბურთის მესვეურთა ერთი ნაწილის ინიციატივითა და ძალისხმევით მოხერხდა სოხუმის „დინამოს“ ქართულ საფეხბურთო სივრცეში დაბრუნება. იმავე წლიდან კლუბი საქართველოს ეროვნული ჩემპიონატის რეგიონული ლიგის პირველობაზე ასპარეზობს. 2005–06 წლის საფეხბურთო სეზონში, საქართველოს ფეხბურთის ფედერაციის მხარდაჭერით, გარკვეული პოლიტიკური მოსაზრებებიდან გამომდინარე, გადაწყდა გამონაკლისის სახით სოხუმის „დინამოს“ უმაღლეს ლიგაში დაშვება. გუნდში, ეროვნული ჩემპიონატის კვალობაზე, რამდენიმე ცნობილი ფეხბურთელი გამოჩნდა, მათ შორის — გია ჩხაიძე, მამუკა წერეთელი, შოთა ჩომახიძე, ვალტერ გუჩუა, მამუკა რუსია, თემურ გადელია და სხვ. თუმცა, მძიმე ფინანსური მდგომარეობის გამო კლუბი ჩემპიონატს პირველივე სეზონში გამოეთხოვა.
შემადგენლობა 2005
მწვრთნელები | გოჩა ჟორჟოლიანი (მთ. მწვრთნელი). |
გუნდის[62] მოთამაშეები | ავთანდილ ლაბაძე, ლაშა ეგაძე, გია ჩხაიძე, თენგიზ უგრეხელიძე, ლაშა სილაგაძე, გიგა ჟვანია, შოთა ჩომახიძე, კონსტანტინე სეფიაშვილი, ვალტერ გუჩუა, ბესიკ შენგელია, მამუკა რუსია, გოჩა მამფორია, გიორგი ხაჩიძე, ვაჟა ჭყოიძე, ვლადიმერ ერქვანია, მანუჩარ შამუგია, დავით კახელიშვილი, ლევან მაჩალაძე, ირაკლი თოლორდავა, ბექა ფარჯიანი. |
2013 წელს მამუკა ბიძინაშვილის[63] თაოსნობით საფეხბურთო კლუბი „დინამო“ სოხუმი კვლავ დაუბრუნდა ქართულ ფეხბურთს და მას შემდეგ საქართველოს რეგიონული ლიგის უცვლელი მონაწილეა. 2013 წლიდან დღემდე სოხუმის „დინამოს“ მაისურით კლუბის ღირსება 200-ზე მეტმა ფეხბურთელმა დაიცვა. ამავე პერიოდში კლუბმა ოთხი მთავარი მწვრთნელი გამოიცვალა.
2018 წლიდან გუნდი დავით თაქთაქიშვილმა ჩაიბარა.[64][65][66][67][68][69][70] მისი ხელმძღვანელობით სოხუმის „დინამომ“ 58 მატჩი ჩაატარა. აქედან 27 შეხვედრაში გაიმარჯვება მოიპოვა, 20 შეხვედრა დათმო, ხოლო 11 მატჩი ფრედ დაასრულა.
შემადგენლობა 2019
მწვრთნელები | დავით თაქთაქიშვილი (მთ. მწვრთნელი), მამუკა კიკნაძე, ლაშა-გიორგი ქანთარია, კახაბერ კეკელიძე. |
მეკარეები | გიორგი ალადაშვილი, ლევან ლობჯანიძე, მამუკა მეტრეველი, დავით ღლონტი. |
მცველები | სანდრო ავალიანი, მერაბ გიგაშვილი, ნიკოლოზ გულორდავა, ნიკოლოზ მუშკუდიანი, ნიკოლოზ სამუშია, აკაკი ფუტკარაძე, გიორგი ქეცბაია, თორნიკე ღონღაძე, ნიკოლოზ შავიშვილი, ალექსანდრე შანიძე, ვახტანგ შენგელია. |
ნახევარმცველები | თეიმურაზ აზმაიფარაშვილი, გიორგი ამაღლობელი, თორნიკე ბურდული, შიო გვარაძე, ილია გორდაძე, ტატო გუმბათოვი, ნიკა მაისურაძე, დავით მოსულიშვილი, აკაკი ყურაშვილი, გიორგი ჩიქოვანი. |
თავდამსხმელები | გიორგი აბულაძე, თორნიკე გობრონიძე, ირაკლი გოგბერაშვილი, მიხეილ კენჭაძე, რევაზ მაჭავარიანი, ლაშა რაზმაძე, ლუკა ხარაიშვილი, ლაშა ხომასურიძე. |
2020 წელს სოხუმის „დინამოს“ მესვეურთა ინიციატივითა და ძალისხმევით, კლუბის ბაზაზე, აფხაზური ფეხბურთის ისტორიაში პირველად შეიქმნა ქალთა საფეხბურთო კლუბი „დინამო“ სოხუმი, რომელიც ამავე წელს შემდეგი შემადგენლობით ჩაერთო საქართველოს ქალთა მე-5 ეროვნულ საფეხბურთო ჩემპიონატში — მეკარეები: მარიამ როსტიაშვილი, ნინო კურტანიძე. მცველები: სოფო ოსიაშვილი, ლანა ქარდავა, თამარ ახობაძე, ელენე ელოშვილი, მარიამ მეტრეველი. ნახევარმცველები: მედეა მუმლაძე, ელენე გაზდელიანი, მარიამ კაკალაშვილი, ნინო ჩანგელია, ანა კულდონაშვილი, თეა მეტრეველი. თავდამსხმელები: თაკო კვალიაშვილი, ლიზი გომელაური, ნინო ჭუჭულაშვილი, ანა კოშაძე, ნეგარ საიდი.
რაც შეეხება ვაჟთა გუნდს, მის რიგებში 2021 წლის გაზაფხულის მეორე ნახევარში რამდენიმე ცვლილება განხორციელდა. ქვემოთ წარმოდგენილია გუნდის მიმდინარე შემადგენლობა 5 მაისისთვის არსებული მონაცემებით.
შემადგენლობა 2021
- განახლდა: 15 თებერვალი, 2023[71]
შენიშვნა: დროშა აღნიშნავს ეროვნულ ნაკრებს რომელიც განსაზღვრულია ფიფა-ს წესებით. მოთამაშეები შესაძლოა რამდენიმე ფიფა-ს არაწევრ ქვეყანას/ტერიტორიას მიეკუთვნებოდნენ.
მეტი ინფორმაცია №, პოზიცია ...
დახურვა
მენეჯმენტი
მეტი ინფორმაცია პოზიცია, პერსონალი ...
პოზიცია | პერსონალი |
დირექტორთა საბჭოს თავმჯდომარე | დავით თაქთაქიშვილი |
პრეზიდენტი | მამუკა ასათიანი |
აღმასრულებელი დირექტორი | მანანა ჭანტურიშვილი |
დახურვა
მწვრთნელები
მეტი ინფორმაცია პოზიცია, პერსონალი ...
პოზიცია | პერსონალი |
მთავარი მწვრთნელი | გიორგი კვანტალიანი |
მწვრთნელი | საბა ჭიჭინაძე |
ადმინისტრატორი | მამუკა კიკნაძე |
ექიმი | ქუჯი გამსახურდია |
დახურვა
მეტი ინფორმაცია პერიოდი, მწვრთნელი ...
დახურვა
მეტი ინფორმაცია სეზონი, ფეხბურთელი ...
სეზონი |
ფეხბურთელი |
მატჩი |
გოლი |
2000–2001 | რამაზ ჯაბნიძე | 17 | 9 |
2001–2002 | რამაზ ჯაბნიძე | 20 | 12 |
2002–2003 | ვლადიმერ ერქვანია | 24 | 6 |
2003–2004 | გიორგი ხაჩიძე | 22 | 10 |
2004–2005 | ვლადიმერ ერქვანია | 28 | 10 |
2005–2006 | გიორგი გურგუჩიანი | 24 | 10 |
2006–2007 | თემურ გადელია | 14 | 5 |
2013–2014 | გუჯა რეხვიაშვილი | 14 | 6 |
2015–2016 | ივანე ფილია | 25 | 11 |
2016 | ზურა ქეშელაშვილი | 16 | 4 |
2017 | ივანე ძოძოაშვილი | 23 | 7 |
2018 | ლუკა სოსიაშვილი | 27 | 20 |
2019 | თორნიკე ბურდული | 15 | 13 |
2019 | მიხეილ კენჭაძე | 10 | 12 |
2020 | ლუკა სოსიაშვილი | 8 | 10 |
2021 | ვახტანგ კოპლატაძე | 10 | 6 |
2022 | თორნიკე ბურდული | 24 | 19 |
დახურვა
საქართველოს სსრ ჩემპიონატი
- ჩემპიონი: 1947, 1948 [2]
- ვიცე-ჩემპიონი: 1936 [2]
- ბრინჯაოს პრიზიორი: 1955 [2]
საქართველოს სსრ თასი
- თასის მფლობელი: 1944, 1948
- ფინალისტი: 1947
- აკოფოვი, გარუნ., ფეხბურთი – 75 : ცნობარი-კალენდარი, : საქ. კპ ცკ-ის გამ-ბა, 1975. — გვ. 58–59. 82 გვ.
- აკოფოვი, გ.; კაკაბაძე, მ., ფეხბურთი – 78 : ცნობარი-კალენდარი, : საქ. კპ ცკ-ის გამ-ბა, 1978. — გვ. 25–26. 87 გვ.
- აკოფოვი, გ.; კაკაბაძე, მ., ფეხბურთი – 81 : ცნობარი, : საქ. კპ ცკ-ის გამ-ბა, 1981. — გვ. 33. 119 გვ.
- აკოფოვი, გ.; კაკაბაძე, მ., ფეხბურთი – 82 : ცნობარი, : საქ. კპ ცკ-ის გამ-ბა, 1982. — გვ. 32. 159 გვ.
- აკოფოვი, გ.; ენუქიძე, ჯ., ფეხბურთი – 87 : ცნობარი, : საქ. კპ ცკ-ის გამ-ბა, 1987. — გვ. 106–107. 167 გვ.
- ჯავახაძე, ზურაბ., აფხაზეთი, ქართული ფეხბურთის ფენომენი : წერილი მეოთხე // გაზ. „ლელო“, 17–20 ივნისი, 2005, № 46 (11 912), გვ. 3.
- სსრ კავშირის პირველობა 1973. II ლიგა, IV ზონა // გაზ. „ლელო“, 2 სექტემბერი, 1973, № 173 (4 943), გვ. 1.
- საქართველოს თასი ფეხბურთში მოიგეს სოხუმელებმა // გაზ. „კომუნისტი “, 12 ოქტომბერი, 1948, № 203 (8247), გვ. 4.
საქართველოს სსრ თასის 1944 წლის გათამაშებაზე სოხუმელი ფეხბურთელები სოხუმის ნაკრების სახელით გამოდიოდნენ.
საკავშირო თასის რიგით 47-ე გათამაშება 1987 წლის 6 ივნისს დაიწყო და 1988 წლის 28 მაისს დასრულდა.
ლაშა გოდუაძე (20 იანვარი, 2016). კარიერა ფრაზებში: ოთარ გაბელია· ციტატა: „...სოხუმის „დინამოში“ გატარებული წლები დაუვიწყარია. არ გადავაჭარბებ თუ ვიტყვი, რომ ფეხბურთელობის გემო პირველად სწორედ სოხუმში შევიცანი. იქ იური გრამატიკოპულო და გიგა ნორაკიძე მავარჯიშებდნენ — ორივე მაღალი დონის სპეციალისტი იყო, თავის საქმის ნამდვილი პროფესიონალი.“ · დაარქივებულია ორიგინალიდან. დაარქივების თარიღი: 19 დეკემბერი, 2019. წყარო: საქართველოს სპორტისა და ახალგაზრდობის საქმეთა სამინისტრო. წაკითხვის თარიღი: 19 დეკემბერი, 2019. Бенидзе, Гурген Александрович · Родился: 08.07.1956, г. Сухуми, Абхазская АССР, Грузинская ССР · Гражданство: Грузия, СССР · Амплуа: вратарь. წაკითხვის თარიღი: 22 დეკემბერი, 2019. Гогохия, Мераб Ласикович · Родился: 1956 · Гражданство: Грузия, СССР · Амплуа: защитник. წაკითხვის თარიღი: 22 დეკემბერი, 2019. Кантария, Алказ · Родился: 01.02.1954 · Гражданство: Грузия, СССР · Амплуа: нападающий, полузащитник. წაკითხვის თარიღი: 22 დეკემბერი, 2019. Квеквескири, Анатолий · Родился: 20.10.1959 · Гражданство: Грузия, Россия, СССР · Амплуа: защитник. წაკითხვის თარიღი: 22 დეკემბერი, 2019. Шония, Гия · Родился: 1964 · Гражданство: СССР · Амплуа: полузащитник. წაკითხვის თარიღი: 22 დეკემბერი, 2019. Чалигава, Георгий Худович · Родился: 28.02.1965 · Гражданство: Грузия, СССР · Рост: 182 · Амплуа: нападающий. წაკითხვის თარიღი: 22 დეკემბერი, 2019. Дзаламидзе, Отар · Родился: 09.11.1959, г. Очамчира, Очамчирский р-н, Абхазская АССР, Грузинская ССР · Гражданство: Грузия, СССР · Рост: 176 · Амплуа: нападающий. წაკითხვის თარიღი: 22 დეკემბერი, 2019. Сичинава, Клементий · Родился: 1967 · Гражданство: СССР · Амплуа: защитник. წაკითხვის თარიღი: 22 დეკემბერი, 2019. Читанава, Джумбер · Родился: 1957 · Гражданство: Грузия, СССР · Амплуа: нападающий. წაკითხვის თარიღი: 22 დეკემბერი, 2019. Губаз, Джемал Резович · Родился: 02.09.1968, г. Гудаута, Абхазская АССР, Грузинская ССР · Гражданство: Россия, СССР · Рост: 176 · Амплуа: полузащитник. წაკითხვის თარიღი: 22 დეკემბერი, 2019. Гетия, Каха · Родился: 1969 · Гражданство: Грузия, СССР · Амплуа: вратарь. წაკითხვის თარიღი: 22 დეკემბერი, 2019. Ахвледиани, Даур Миродович · Родился: 10.10.1964, г. Гагра, Абхазская АССР, Грузинская ССР · Умер: 22.09.1993 (в 29 лет), г. Сухуми · Гражданство: Грузия, СССР · Рост: 176 · Амплуа: защитник, полузащитник. წაკითხვის თარიღი: 22 დეკემბერი, 2019. Еник, Тамази Вахтангович · Родился: 15.01.1967 · Гражданство: Россия, СССР · Рост: 178 · Амплуа: защитник, полузащитник. წაკითხვის თარიღი: 22 დეკემბერი, 2019. Чихрадзе, Георгий Александрович · Родился: 01.10.1967, г. Гагра, Абхазская АССР, Грузинская ССР · Гражданство: Грузия, СССР · Рост: 178 · Амплуа: защитник, полузащитник. წაკითხვის თარიღი: 22 დეკემბერი, 2019. Габискирия, Юрий Важикович · Родился: 01.09.1968, г. Сухуми, Абхазская АССР, Грузинская ССР · Гражданство: Грузия, СССР · Рост: 176 · Амплуа: полузащитник. წაკითხვის თარიღი: 22 დეკემბერი, 2019. Кварацхелия, Джума Васильевич · Родился: 06.12.1969, г. Гудаута, Абхазская АССР, Грузинская ССР · Гражданство: Россия, СССР · Рост: 170 · Амплуа: полузащитник. წაკითხვის თარიღი: 22 დეკემბერი, 2019. Кварацхелия, T. · Родился: 1962 · Гражданство: СССР · Амплуа: полузащитник. წაკითხვის თარიღი: 22 დეკემბერი, 2019. Чхвиркия, Бесик Резович · Родился: 08.01.1964 · Гражданство: Грузия, СССР · Амплуа: полузащитник. წაკითხვის თარიღი: 22 დეკემბერი, 2019. Дочия Георгий. Родился: 18.08.1963, г. Очамчира, Очамчирский р-н, Абхазская АССР, Грузинская ССР · Рост: 185 · Амплуа: защитник. წყარო: FootballFacts.ru. წაკითხვის თარიღი: 29 დეკემბერი, 2019. "Динамо" (Сухуми) - "Уралмаш" (Свердловск). 3:1 (0:0) 6 июня 1987. 1/64 финала. Сухуми. РС. 25 градусов. 4000 зрителей. Судья: Л.Бавыкин (Харьков). "Динамо": Г.Бенидзе, М.Гогохия, Г.Чихрадзе, С.Тарба, О.Дзаламидзе, Г.Иналишвили (Д.Кварацхелия, 76), Д.Губаз, Д.Ахвледелиани (Ю.Логуа, 84), Р.Хагба, Г.Чалигава, А.Кантария (С.Арутюнян, 88). "Уралмаш": Н.Леонов (Н.Гнилов, 75), А.Ерисов, Н.Кузнецов, А.Юшков.М.Галимов (А.Воронин, 70), Н.Стаин, Д.Устюжанинов, В.Онучин (В.Бурлако, 65), В.Березкин, В.Ковалев, Н.Сергеев. Голы: 1:0 С.Тарба (47), 2:0 Р.Хагба (70), 2:1 В.Бурлако (82), 3:1 А.Кантария (85).]. წაკითხვის თარიღი: 30 დეკემბერი, 2019. Олег Долматов о сухумском "Динамо": боль по той команде всегда со мной — ციტატა: „...Владимир Тачевич Миканба, бывший тогда президентом футбольного клуба "Динамо" Сухум, мне тогда сказал прямым текстом: до совсем недавних пор тренировавший команду грузинский тренер написал заявление об уходе, потому что ему все труднее и труднее работать с абхазскими футболистами.“ წყარო: Sputnik-abkhazia.ru. ციტატა: „...До войны оставался еще год, тогда и предположить никто не мог, что она начнется, но напряженность чувствовалась. Ушел грузинский тренер. Ушли грузинские игроки. Все время шли какие-то разговоры. Миканба довольно часто намекал – мол, трудные нынче времена, мол, может, что-то будет. Но на нас это поначалу совершенно не отражалось. Нам-то что? У нас свое дело: игры, тренировки, сборы, база, выезды. Мы входили в Первую лигу и летали по всей стране!“ წყარო: sport.rambler.ru. წაკითხვის თარიღი: 28 დეკემბერი, 2019. Robert O’Connor (17 ივლისი, 2018). Where football meets politics · ციტატა: „...Davit Taktakishvili is the head coach of the ‘other’ Dinamo Sukhumi, heirs to the side created by internally displaced persons (IDPs) who split from Dinamo in the Soviet league and began again in the early 90’s in Tbilisi.“ · დაარქივებულია ორიგინალიდან. დაარქივების თარიღი: 29 დეკემბერი, 2019. წყარო: New Internationalist. წაკითხვის თარიღი: 29 დეკემბერი, 2019. ილია ნანობაშვილი (3 ოქტომბერი, 2019). ნაძალადევის სტადიონზე სოხუმური დერბი გაიმართა· სოხუმის „დინამომ“ 3–1 აჯობა „ცხუმს“. ციტატა: „...შეხვედრას აფხაზეთის მთავრობის სპორტის კულტურის და ახალგაზრდულ საქმეთა დეპარტამენტის უფროსი ვიტალი ბენდელიანი, აფხაზეთის ფეხბურთის ფედერაციის პრეზიდენტი სოსო მალანია და ვეტერანი ფეხბურთელები დაესწრნენ. სოხუმის დინამოს ამჟამად დავით თაქთაქიშვილი წვრთნის, ხოლო ცხუმს – ნუგზარ ბოჯგუა.“ · დაარქივებულია ორიგინალიდან. დაარქივების თარიღი: 29 დეკემბერი, 2019. წყარო: LeaderSport.ge დაარქივებული 2018-08-09 საიტზე Wayback Machine. . წაკითხვის თარიღი: 29 დეკემბერი, 2019. Роберт О’Коннор (16 დეკემბერი, 2018). Грузинские изгнанники поддерживают память при помощи футбола· ციტატა: „...Существует и другое «Динамо (Сухуми)» — молодежная команда, организованная в Тбилиси и играющая в нижних эшелонах грузинского чемпионата. Как и «Гагра», этот клуб был создан по инициативе снизу, усилиями спортсменов и болельщиков, изгнанных из Абхазии. «Родители считали, что их детям необходимо сохранить принадлежность к Абхазии, — сказал Eurasianet.org тренер команды Давид Тактакишвили. — Хотя они грузины, они хотят помнить о своем бывшем доме. Они были очень взволнованы».“ · დაარქივებულია ორიგინალიდან. დაარქივების თარიღი: 29 დეკემბერი, 2019. წყარო: Eurasianet.org. წაკითხვის თარიღი: 29 დეკემბერი, 2019. New Internationalist посвятил статью «Динамо» Сухуми — «Там, где футбол встречается с политикой»· ციტატა: „...Журналист британского издания New Internationalist Роберт О’Коннор посвятил футбольному клубу «Динамо» Сухуми под названием «Там, где футбол встречается с политикой». Сухумская команда играет в «Г» группе Чемпионата региональной лиги Грузии. Команда является правопреемником того «Динамо» Сухуми, который выступал на чемпионате Советского Союза. Сейчас команда базируется в Тбилиси. Интервью изданию дал главный тренер «Динамо» Сухуми Давид Тактакишвили.“ 21.07.2018. დაარქივებულია ორიგინალიდან. დაარქივების თარიღი: 29 დეკემბერი, 2019. წყარო: 1tv.ge. წაკითხვის თარიღი: 29 დეკემბერი, 2019.