ანდის ყოისუ

ანდის ყოისუ (რუს. Андийское Койсу) — მდინარე საქართველოსა და რუსეთში. ადმინისტრაციულად მოქცეულია საქართველოს ახმეტის მუნიციპალიტეტისა და რუსეთის დაღესტნის ტერიტორიებზე. სათავე აქვს კავკასიონის მთავარი ქედის ჩრდილოეთ ფერდობზე, ზღვის დონიდან 1603 მ სიმაღლზე. წარმოიქმნება თუშეთის ალაზნისა და პირიქითი ალაზნის შეერთებით. სიგრძე (თუშეთის ალაზნის სათავიდან) 203 კმ, აუზის ფართობი 4820 კმ². მიედინება ვიწრო, ღრმა ხეობაში, აჩენს ჭორომებსა და ჩანჩქერებს. იერთებს მრავალ მთის მდინარეს. საზრდოობს თოვლის, წვიმისა და მიწისქვეშა წყლებით, ზემო დინებაში — მყინვარებითაც. წყალდიდობა გაზაფხულზე და ზაფხულში იცის, წყალმცირობა — ზამთარში. რუსეთის ტერიტორიაზე (დაღესტანი) უერთდება მდინარე ავარიის ყოისუს და ქმნის მდინარე სულაკს. წყლის საშუალო ხარჯი 69,6 მ³/წმ.

ანდის ყოისუ
ავარიის ყოისუსა და ანდის ყოისუს შეერთების ადგილი
ქვეყანა	საქართველო  რუსეთი
ტერიტორიული ერთეულები	ახმეტის მუნიციპალიტეტი (კახეთის მხარე) დაღესტანი
სათავე	აღმოსავლეთი კავკასიონი 42°21′17″ ჩ. გ. 45°39′31″ ა. გ.
სათავის სიმაღლე	1603 მ
შესართავი	სულაკი 42°47′27″ ჩ. გ. 46°47′46″ ა. გ.
შესართავის სიმაღლე	355,4 მ
სიგრძე	203 კმ
აუზის ფართობი	4820 კმ²
წყლის ხარჯი (საშ.)	69,6 მ³/წმ
— სათავე, — შესართავი
ანდის ყოისუ ვიკისაწყობში

ლიტერატურა

• აფხაზავა ი., ენციკლოპედია „საქართველო“, ტ. 1, თბ., 1997. — გვ. 147.