From Wikipedia, the free encyclopedia
პაბლო მარტინ პაეს გავირა (დ. 5 აგვისტო, 2004), ცნობილი როგორც გავი — ესპანელი პროფესიონალი ფეხბურთელი, რომელიც თამაშობს ლა ლიგის კლუბ ბარსელონასა და ესპანეთის ეროვნულ ნაკრებში ცენტრალურ ნახევარმცველად. [1][2]
 | ამ სტატიას გრამატიკის, სტილისა და მართლწერის გასწორება სჭირდება. |
.jpg) გავის ვარჯიში ბარსელონასთან ერთად | |||
| პირადი მონაცემები | |||
|---|---|---|---|
| სრული სახელი | პაბლო მარტინ პაეს გავირა | ||
| დაბადების თარიღი | 5 აგვისტო, 2004 | ||
| დაბადების ადგილი | ლოს-პალასიოს-ი-ვილიაფრანკა | ||
| სიმაღლე | 173 სმ | ||
| სათამაშო პოზიცია | ნახევარმცველი | ||
| საკლუბო ინფორმაცია | |||
| მიმდინარე კლუბი | ბარსელონა | ||
| ნომერი | 6 | ||
| ახალგაზრდული კარიერა | |||
| 2010-2013 | ლა ლიარა | ||
| 2013-2015 | ბეტისი | ||
| 2015-2021 | ბარსელონა | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 2021 | ბარსელონა B | 3 | (0) |
| 2021- | ბარსელონა | 82 | (5) |
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 4 ნოემბერი, 2023 | |||
გავი დაიბადა ლოს-პალასიოს-ი-ვილიაფრანკაში, ანდალუსიაში. მან კარიერა დაიწყო La Liara Balompié-ში, მშობლიურ ქალაქში მდებარე კლუბში, სადაც გაატარა ორი წელი, 2010-დან 2012 წლამდე. [3][4] იქიდან გადავიდა რეალ ბეტისის ახალგაზრდულ აკადემიაში, სადაც ორი სეზონი განმავლობაში თამაშობდა. ბეტისის ახალგაზრდულ გუნდში მან 95 გოლი გაიტანა. [5]
2015 წელს, 11 წლის ასაკში, შეუერთდა საფეხბურთო კლუბ "ბარსელონას". [6][7] 2020 წლის სექტემბერში მან ხელი მოაწერა თავის პირველ პროფესიონალურ კონტრაქტს კატალონიურ კლუბთან და პირდაპირ დაწინაურდა 16-წლამდელთა გუნდიდან 19-წლამდელთა გუნდში. [8][9] მისი დებიუტი ბარსელონა B-ში 2021 წლის 21 თებერვალს, L'Hospitalet-ის წინააღმდეგ გამართულ საგარეო თამაშში შედგა, რომელშიც გუნდმა 6-0 გაიმარჯვა, ხოლო გავი მოედანზე 77-ე წუთზე ნიკო გონსალესის ნაცვლად შევიდა. [10] ბარსა B-ში პირველი საშინაო თამაში მან 14 მარტს, ესპანიოლ B-სთან ჩაატარა, რომელშიც გავის გუნდმა 1-0 გაიმარჯვა.[11]
2020-21 წლების სეზონში "ბარსელონა B"-ში თავის გამოჩენის შემდეგ, გავი უფროს გუნდში დაწინაურდა და მათთან ერთად გაიარა მომზადება წინასასეზონო ამხანაგური მატჩებისთვის.[12][13]
2021 წლის 29 აგვისტოს მან პირველი ოფიციალური მატჩი ბარსელონას პირველ გუნდში ლა ლიგაში,ხეტაფესთან 2-1 მოგებულ მატჩში შედგა, რომელშიც მან 73-ე წუთზე სერხი რობერტო შეცვალა. იმავე წლის 18 დეკემბერს მან ელჩესთან 3-2 მოგებულ საშინაო შეხვედრაში მისი პირველი გოლი და საგოლე გადაცემა მიითვალა. [14]
გავი ესპანეთს 15-წლამდელთა და 16-წლამდელთა დონეზე წარმოადგენდა.
2021 წლის 30 სექტემბერს გავიმ მოულოდნელი ზარი მიიღო ესპანეთის ეროვნულ ნაკრებში მწვრთნელის - ლუის ენრიკესგან, რომელმაც იგი ეროვნულ ნაკრებში გამოიძახა. მისი დებიუტი შედგა უეფას ერთა ლიგის ნახევარფინალში იტალიის წინააღმდეგ 6 ოქტომბერს და გახდა ყველაზე ახალგაზრდა ფეხბურთელი, რომელმაც წარმოადგინა ესპანეთი უმაღლეს დონეზე. ფინალში საფრანგეთთან 10 ოქტომბერს ესპანეთი საბოლოოდ 2-1 დამარცხდა. პირველი სანაკრებო გოლი მან 2022 წლის 5 ივნისს, ერთა ლიგის გამართულ მატჩი, სტუმრად ჩეხეთის წინააღმდეგ გაიტანა.
2021 წელს, ESPN-ის ჟურნალიტმა, გრეჰემ ჰანტერმა შეაქო გავი, როგორც უაღრესად პერსპექტიული ახალგაზრდა ფეხბურთელი და შეადარა იგი ბარსელონას ყოფილ ნახევარმცველებს, ჩავისა და ანდრეს ინიესტას, მისი იმ თვისებების გამო, როგორებიცაა: დრიბლინგი, ინტელექტი, ხედვა, პასი, ბურთის მჭიდრო კონტროლი, ტემპის შეცვლა და სწრაფი შემობრუნების უნარი ვიწრო ადგილებიდან თავის დასაწყებად და კონტრშეტევების წამოსაწყებად.[15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
