ქვედრულა

ქვედრულა — მდინარე საქართველოში. სათავე აქვს მაღრან-დვალეთის კავკასიონის სამხრეთ კალთაზე, ზღვის დონიდან 3075 მ სიმაღლეზე. სოფელ ქვედრულასთან მარჯვნიდან ერთვის მდინარე ჯეჯორას. სიგრძე 19,6 კმ, აუზის ფართობი 48,7 კმ². საზრდოობს თოვლის, წვიმისა და მიწისქვეშა წყლით. წყალდიდობა გაზაფხულზე და ზაფხულის პირველ ნახევარშია, წყალმცირობა — ზამთარში, ზაფხულსა და შემოდგომაზე — წვიმებით გამოწვეული წყალმოვარდნები. საშუალო წლიური ხარჯი 1,45 მ³/წმ.

სხვა მნიშვნელობებისთვის იხილეთ ქვედრულა (მრავალმნიშვნელოვანი).

ქვედრულა
ქვედრულა სოფ. ქვედრულაში
ქვეყანა	საქართველო
ტერიტორიული ერთეულები	შიდა ქართლის მხარე, რაჭა-ლეჩხუმისა და ქვემო სვანეთის მხარე
სათავე	მაღრან-დვალეთის კავკასიონი 42°34′39″ ჩ. გ. 43°42′40″ ა. გ.
სათავის სიმაღლე	3075 მ
შესართავი	ჯეჯორა 42°32′44″ ჩ. გ. 43°31′11″ ა. გ.
სიგრძე	19,6 კმ
აუზის ფართობი	48,7 კმ²
წყლის ხარჯი (საშ.)	1,45 მ³/წმ
— სათავე, — შესართავი

ლიტერატურა

• აფხაზავა ი., ქართული საბჭოთა ენციკლოპედია, ტ. 10, თბ., 1986. — გვ. 510.