ნენსკრა

ნენსკრა, ჭვიბრულა — მდინარე მესტიის მუნიციპალიტეტში, სვანეთის კავკასიონის მთავარი ქედის სამხრეთ კალთაზე, ენგურის მარჯვენა შენაკადი. სიგრძე 42 კმ, აუზის ფართობი 623 კმ². სათავე აქვს ზღვის დონიდან 2915 მ-ზე. საზრდოობს წვიმის, თოვლის, მყინვარული და მიწისქვეშა წყლით. წყალდიდობა გაზაფხულსა და ზაფხულშია, წყალმცირობა — ზამთარში, შემოდგომაზე იცის წყალმოვარდნა, ზამთრობით — ყინულნაპირისი, ფსკერის ყინული, თოში. საშუალო წლიური ხარჯი 40,1 მ³/წმ. იყენებენ ხე-ტყის დასაცურებლად.

ნენსკრა
ნენსკრისა (წინ) და ენგურის შესართავი
სხვა სახელი	ჭვიბრულა
ქვეყანა	საქართველო
ტერიტორიული ერთეულები	მესტიის მუნიციპალიტეტი (სამეგრელო-ზემო სვანეთის მხარე)
სათავე	სვანეთის კავკასიონის მთავარი ქედის სამხრეთი კალთა 43°14′39″ ჩ. გ. 42°25′08″ ა. გ.
სათავის სიმაღლე	2915 მ
შესართავი	ენგური 42°57′34″ ჩ. გ. 42°11′44″ ა. გ.
სიგრძე	42 კმ
აუზის ფართობი	623 კმ²
წყლის ხარჯი (საშ.)	40,1 მ³/წმ
— სათავე, — შესართავი
ნენსკრა ვიკისაწყობში

ჰიდროელექტროსადგური

ნენსკრა ჰესი მდინარე ნენსკრაზე, კავკასიონის სამხრეთ კალთაზე აშენდება. სადგურის სიმძლავრე იქნება 280 მეგავატი.^[1] ჰესის პოტენციური წლიური გამომუშავება 1.2 მლრდ კვტ/სთ იქნება. სადგური ელექტროენერგიის გამომუშავებას 2019 წლიდან დაიწყებს, ხოლო პროექტი საბოლოოდ 2021 წელს დასრულდება.

ლიტერატურა

• აფხაზავა ი., ქართული საბჭოთა ენციკლოპედია, ტ. 7, თბ., 1984. — გვ. 378-379.