მესტიაჭალა

მესტიაჭალა — მდინარე საქართველოში, მესტიის მუნიციპალიტეტში. სათავე აქვს სვანეთის კავკასიონის მთავარი ქედის სამხრეთ კალთაზე, ლეხზირისა და ჭალაათის მყინვარებიდან. ერთვის მდინარე მულხრას მარჯვნიდან დაბა მესტიასთან. სიგრძე 11 კმ, აუზის ფართობი 152 კმ². საზრდოობს წვიმის, თოვლის, მყინვარული და მიწისქვეშა წყლით. წყალდიდობა იცის აპრილიდან ოქტომბრამდე, წყალმცირობა — ოქტომბრიდან აპრილამდე, ზამთარში — ყინულნაპირისი და თოში. საშუალო წლიური ხარჯი 7,29 მ³/წმ.

მესტიაჭალა
მესტიაჭალა თამარ მეფის აეროპორტთან, მესტია
ქვეყანა	საქართველო
ტერიტორიული ერთეულები	მესტიის მუნიციპალიტეტი (სამეგრელო-ზემო სვანეთის მხარე)
ქალაქები	მესტია
სათავე	სვანეთის კავკასიონის მთავარი ქედის სამხრეთი კალთა 43°08′54″ ჩ. გ. 42°45′45″ ა. გ.
სათავის სიმაღლე	2460 მ
შესართავი	მულხრა 43°02′30″ ჩ. გ. 42°43′37″ ა. გ.
სიგრძე	11 კმ
აუზის ფართობი	152 კმ²
წყლის ხარჯი (საშ.)	7,29 მ³/წმ
— სათავე, — შესართავი
მესტიაჭალა ვიკისაწყობში

ლიტერატურა

• აფხაზავა ი., ქართული საბჭოთა ენციკლოპედია, ტ. 6, თბ., 1983. — გვ. 599.