From Wikipedia, the free encyclopedia
ალექსანდრა მორგან კარასკო[2] (ინგლ. Alexandra Morgan Carrasco, დაბადების სახელი: ალექსანდრა პატრისია მორგანი; დ. 2 ივლისი, 1989), ცნობილი, როგორც ალექს მორგანი — ამერიკელი პროფესიონალი ფეხბურთელი, რომელიც თამაშობს ორლანდო პრაიდში, ამერიკის შეერთებული შტატების ქალთა ეროვნულ ლიგაში, უმაღლეს დივიზიონში.[3] ის არის ამერიკის შეერთებული შტატების ქალთა ეროვნული გუნდის თანაკაპიტანი კარლი ლოიდსა და მეგან რაპინოუსთან ერთად 2018 - 2020 წლებში.[4][5]
![]() | |||
პირადი მონაცემები | |||
---|---|---|---|
სრული სახელი | ალექსანდრა მორგან კარასკო | ||
დაბადების თარიღი | 2 ივლისი, 1989 | ||
დაბადების ადგილი | სან დიმასი, კალიფორნია, აშშ[1] | ||
სიმაღლე | 1.72 მეტრი | ||
სათამაშო პოზიცია | თავდამსხმელი | ||
საკლუბო ინფორმაცია | |||
მიმდინარე კლუბი | ორლანდო პრაიდი | ||
ნომერი | 13 | ||
ახალგაზრდული კარიერა | |||
2007 - 2010 | კალიფორნია გოლდენ ბირზი | ||
პროფესიონალური კარიერა* | |||
წლები | გუნდი | მატჩი | (გოლი) |
2008–209 | უესტ ქოუსთი | 2 | (2) |
2010 | კალიფორნია სტორმი | 3 | (5) |
2010 | პალი ბლუზი | 3 | (1) |
2011 | უესტერნ ნიუ იორკ ფლეში | 13 | (4) |
2012 | სიეტლ საინდერს ვუმენი | 3 | (2) |
2013-2015 | პორტლენდ თორნსი | 36 | (15) |
2016 | ორლანდო პრაიდი | 15 | (4) |
2017 | ლიონი | 8 | (5) |
2017-2020 | ორლანდო პრაიდი | 38 | (14) |
2020 | ტოტენჰემ ჰოტსპური | 14 | (2) |
2021- | ორლანდო პრაიდი | 0 | (0) |
ეროვნული ნაკრები‡ | |||
2008 | აშშ U20 | 10 | (5) |
2010– | აშშ | 173 | (108) |
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 27 თებერვალი, 2021 ‡ ეროვნული ნაკრების მატჩი და გოლი ბოლოს განახლდა: 27 თებერვალი, 2021 |
2013 წელს, ქალთა ეროვნული საფეხბურთო ლიგის ინაუგურაციული სეზონზე, მორგანი შეუერთდა პორტლენდ თორნსს და გუნდს ამავე წლის ლიგის მოგებაში დაეხმარა. მორგანმა თორნში 2015 წლის სეზონის განმავლობაში ითამაშა, მოგვიანებით კი ორლანდო პრაიდში გადავიდა. 2017 წელს მორგანმა ხელი მოაწერა კონტრაქტს ფრანგულ გუნდ „ლიონთან“. გუნდთან ერთად მორგანმა მოიგო კონტინენტური ევროპის ტრიპლეტი, რომელშიც შედიოდა უეფას ქალთა ჩემპიონთა ლიგაც.
2018 წლის ივნისში გამოვიდა ფილმი,სახელწოდებით ალექსი და მე სადაც მორგანის სამსახიობო დებიუტი შედგა. ფილმში ფეხბურთელი საკუთარი თავის გამოგონილ ვერსიას განასახიერებს.
2015 წელს ჟურნალმა ტაიმმა მორგანი ყველაზე მაღალანაზღაურებად ქალ ფეხბურთელად დაასახელა. მორგანი, კანადელ ქრისტინე სინკლერისა და ავსტრალიელ სტეფ კატლისთან ერთად, გახდა პირველი ქალი ფეხბურთელი, რომელიც ფიფას ვიდეო თამაშების გარეკანზე გამოჩნდა 2015 წელს. მორგანი ლიონელ მესისთან ერთად ასევე გამოჩნდა FIFA 16-ის ამერიკულ გარეკანზე. იგი დასახელდა Time-ის 2019 წლის ყველაზე გავლენიან 100 ადამიანს შორის.[6]
ალექს მორგანი პამელა და მაიკლ მორგანების ოჯახში დაიბადა სან დიმასში, ლოს-ანჯელესის ოლქში.[7] მორგანი თავის ორ უფროს დასთან, ჯენისთან და ჯერისთან ერთად, დიამონდ ბარში, სან დიმასის გარეუბანში გაიზარდა.[8][9] მორგანს ბავშვობიდანვე იტაცებდა სპორტი, მოგვიანებით კი ფეხბურთით დაინტერესდა. მის პირველ მწვრთნელთა შორის მამამისიც იყო.[10] მან საკლუბო კარიერა 14 წლისამ დაიწყო, როდესაც სიპრეს ელიტეს შეუერთდა.[11][12] კლუბთან ერთად მან მოიგო სანაპირო ფეხბურთის ლიგის ჩემპიონატი 16 წლამდელთა შორის და 19 წლამდელთა დონეზე მე-3 ადგილი დაიკავა.[13]
მორგანმა დაიმონდ ბარის საშუალო სკოლაში სწავლობდა. სასკოლო საზოგადოებაში ის თავისი სისწრაფითა და შესაძლებლობებით იყო ცნობილი.[14]მორგანი თამაშობდა ოლიმპიური განვითარების პროგრამის რეგიონალურ და სახელმწიფო გუნდებში.[13] მოგვიანებით მორგანმა განაცხადა, რომ სწორედ ეს პროგრამა დაეხმარა განვითარებასა და წინსვლაში.[15]
17 წლის ასაკში მორგანი მიიწვიეს ამერიკის შეერთებული შტატების 20 წლამდელთა ეროვნულ ნაკრებში. მამაკაცთა ახალგაზრდული ნაკრების წინააღმდეგ თამაშის დროს მორგანმა წინა ჯვარედინი მყესების დაზიანება მიიღო და გუნდში 2008 წლის აპრილამდე აღარ უთამაშია.[16]
მორგანის ტრავმა ნელა პროგრესირებდა, რის გამოც ის 2008 წლის აპრილამდე შეერთებული შტატების 20 წლამდელთა ნაკრებში აღარ მიუწვევიათ.[17] გუნდში მისი დებიუტი 2008 წელს ქალაქ პუებლაში, მექსიკაში შედგა. სადებიუტო თამაშში მორგანმა პირველი გოლიც გაიტანა კუბის წინააღმდეგ.[18]
მორგანი ასევე მონაწილეობდა 2008 წლის ფიფას ქალთა 20 წლამდელთა მსოფლიო თასზე ჩილეში. ტურნირის მსვლელობისას ფეხბურთელმა სულ ოთხი გოლის გატანა მოახერხა საბრანგეთის, არგენტინისა და ჩრდილოეთ კორეის წინააღმდეგ. მორგანის მეოთხე გოლის წყალობით ამერიკის შეერთებული შტატები ჩემპიონი გახდა. მისი გოლი მოგვიანებით ტურნირის საუკეთესო გოლად[19] და საბოლოოდ ფიფას წლის მეორე საუკეთესო გოლად იქნა მიჩნეული.[20] მორგანს, როგორც მესამე ყველაზე მეტი გოლის ავტორს ბრინჯაოს ფეხსაცმელი გადაეცა. როგორც მეორე საუკეთესო თავდამსხმელს, მორგანს ვერცხლის ბურთი გადაეცა (საუკეთესო თავდამსხმელად მორგანის გუნდელი, სიდნი ლეროუქსი დასახელდა).[21]
მორგანი ასევე მიიწვიეს ზრდასრულთა ეროვნულ გუნდში. მისი დებიუტი მექსიკის წინააღმდეგ შედგა 2010 წელს.[22] ამერიკის ქალთა ეროვნული ნაკრების კვერთით მორგანმა პირველი გოლი ჩინეთის წინააღმდეგ გაიტანა 2010 წლის ოქტომბერში. მან უმნიშვნელოვანესი როლი შეასრულა იტალიის წინააღმდეგ გამარჯვებაში, როდესაც მოედანზე 86-ე წუთზე შევიდა და მეოთხე დამატებით წუთზე ანგარიში გახსნა.[23]
მორგანი დაქორწინდა ფეხბურთელ სერვანდო კარასკოზე, 2014 წლის 31 დეკემბერს.[24] წყვილი ერთმანეთს ბერკლიში, ფეხბურთის თამაშიშას შეხვდა.[25] 2019 წლის ოქტომბერში მათ განაცხადეს, რომ 2020 წლის აპრილისთვის გოგონას ელოდებოდნენ.[26] მათი ქალიშვილი, ჩარლი ელენა კარასკო, დაიბადა 2020 წლის 7 მაისს.[27]
2016 წლის 24 იანვარს მორგანს თავისი მშობლიური ქალაქის, დაიმანდ ბარის გასაღები საზეიმოდ გადაეცა.[28][29]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.