Miqat (Arab: ميقات) iku panggonan wates kanggo miwiti ritual Ibadah Kaji lan Umrah. Yèn ngliwati wates iki para jamaah haji lan umrah kudu wis nganggo sandhangan ihram lan niyat.
Miqat ana rong jinis:
- Miqat Zamani (ﻣﻴﻘﺎﺕ ﺯﻣﺎﻧﻲ)-wates kang ditentokaké dhedhasar wektu:
- Kanggoné ngibadah kaji, miqat wiwit wulan Syawal nganti wektu fajar tanggal 10 Zulhijah yaiku nalika ngibadah kaji diwiwiti.
- Kanggoné ngibadah umrah, miqat zamani diwiwiti wektu-wektu kang bisa ditindakaké ngibadah umrah.
- Miqat Makani (ﻣﻴﻘﺎﺕ ﻣﻛﺎﻧﻲ)-wates kang ditentokaké dhedhasar panggonan:
- Kanggo kang ndunungi Mekah, panggonan kanggo ihram kaji yaiku kutha Mekah (omahé dhéwé). Kanggo umrah apiké metu saka tanah karam Mekah, apiké wiwit saka Jiranah, Tan'im utawa Hudaibiyah.
- Kanggo kang teka saka arah wétan (kalebu saka Indonésia), miqat ing Yalamlam (ﻳﻠﻣﻠﻢ) utawa Jeddah (ﺟﺪﻩ). Bab miqat saka Jeddah iki ana sawetara kang ora sarujuk.[1] Nanging Komisi Fatwa Majelis Ulama Indonesia wis ngukuhaké yèn jamaah kaji saka Indonésia bisa miqat saka Jeddah.[2]
- Kanggo kang teka saka kulon kaya Mesir, miqat ing Juhfah (ﺟﺤﻔﻪ).
- Kanggo kang teka saka kidul kaya Yaman, miqat ing Qarnul Manazil (ﻗﺮﻦﺍﻠﻣﻨﺎﺯﻝ).
- Kanggo kang teka saka Madinah, miqat ing Dzulhulaifah Abyar 'Ali (ﺫﻭﺍﻟﺣﻠﻴﻔﻪ ﺍﺑﻳﺎﺭ ﻋﻠﻲ).
- Kanggo kang teka saka arah Irak, miqat saka Dzatu 'Irq (ﺫﺍﺕ ﻋﺮﻕ).
