Heimsmeistaramót landsliða í knattspyrnu karla 1934

Heimsmeistaramót landsliða í knattspyrnu karla 1934 eða HM 1934 var haldið á Ítalíu dagana 27. maí til 10. júní. Þetta var önnur heimsmeistarakeppnin og sú fyrsta þar sem halda þurfti forkeppni. 32 þátttökulönd skráðu sig til keppni en sextán tóku þátt í lokakeppninni á Ítalíu. Ríkjandi meistarar Úrúgvæ neituðu að taka þátt í keppninni. Heimamenn urðu heimsmeistarar, fyrstir Evrópuþjóða eftir 2:1 sigur á Tékkóslóvakíu í úrslitaleiknum.

Þar sem fyrsta heimsmeistarakeppnin hafði verið haldin í Suður-Ameríku þótti stjórnendum Alþjóðaknattspyrnusambandsins rétt að næsta mót færi fram í Evrópu. Tvær þjóðir sóttust eftir upphefðinni: Ítalir og Svíar. Ákvörðunin var tekin á fundi Alþjóðaknattspyrnusambandsins í Stokkhólmi í október 1934 án atkvæðagreiðslu, þar sem Svíar drógu umsókn sína til baka. Fasistastjórn Mussolini lagði mikla áherslu á að halda mótið og hét háum fjárhæðum til undirbúnings keppninnar.

Sigurvegarar HM 1930, Úrúgvæ, voru enn sárir út í Evrópuþjóðir - þar á meðal Ítali - sem flestar sniðgengu keppnina fjórum árum fyrr vegna mikils ferðakostnaðar. Heimsmeistararnir ákváðu því að gjalda líku líkt og sátu heima og urðu þar með einu heimsmeistararnir í sögunni sem ekki freistuðu þess að verja titil sinn.

Alls skráðu 32 lið sig til leiks í forkeppni, en nokkur þeirra drógu sig þó í hlé áður en keppni hófst. Keppt var í tólf riðlum með tveimur til þremur liðum í hverjum. Einn riðillinn var skipaður liðum frá Miðausturlöndum: Tyrklandi, Egyptalandi og liði frá breska valdsvæðinu í Palestínu. Voru þetta fyrstu þáttökuliðin frá Afríku og Asíu. Af úrslitum í forkeppninni vakti helst athygli að lið Júgóslava komst ekki áfram, þrátt fyrir að hafa farið í undanúrslitin fjórum árum fyrr.

Þrátt fyrir að vera gestgjafar, fengu Ítalir ekki öruggt sæti á mótinu. Lið þeirra mætti Grikkjum í forkeppninni. Er þetta eina skiptið sem heimalið hefur þurft að berjast fyrir þátttökurétti á HM.

Lokaleikur forkeppninnar fór fram í Rómarborg fáeinum dögum áður en mótið hófst að viðstöddum 12 þúsund áhorfendum. Þar unnu Bandaríkjamenn 4:2 sigur á Mexíkó.

Remove ads

Þessi sextán lönd tóku þátt í mótinu. Tólf komu frá Evrópu, þar af níu sem tóku þátt í sínu fyrsta heimsmeistaramóti. Tvö frá Suður-Ameríku, eitt frá Norður-Ameríku og Egyptaland frá Afríku, en 56 ár áttu eftir að líða uns Egyptar komust aftur í úrslitakeppni HM.

Leikirnir sautján á mótinu fóru fram á átta leikvöngum í jafnmörgum borgum. Mikið var lagt í umgjörð HM, enda leit Benito Mussolini á mótið sem prýðilegt áróðurstæki. Aðsóknin olli skipuleggjendum þó nokkrum vonbrigðum, þannig var ekki uppselt á neinn leik heimamanna nema úrslitin.

Nánari upplýsingar Bologna, Flórens ...

Bologna	Flórens	Genúa
Stadio Littoriale	Stadio Giovanni Berta	Stadio Luigi Ferraris
Áhorfendur: 50.100	Áhorfendur: 47.290	Áhorfendur: 36.703

Mílanó	Tórínó	Napólí
Stadio San Siro	Stadio Benito Mussolini	Stadio Giorgio Ascarelli
Áhorfendur: 55.000	Áhorfendur: 28.140	Áhorfendur: 40.000

Stadio Nazionale PNF	Stadio Littorio
Róm	Tríeste
Áhorfendur: 47.300	Áhorfendur: 8.000

Loka

Remove ads

Fyrsta umferð

Keppt var með einföldu útsláttarkeppnisfyrirkomulagi. Liðunum var styrkleikaraðað á þann hátt að átta sterkustu þjóðirnar gátu ekki dregist saman í fyrstu umferð. Allir átta leikirnir í fyrstu umferð fóru fram á sama degi og á sama tíma þann 27. maí. Því var ekki um eiginlegan opnunarleik að ræða eins og á flestum heimsmeistaramótum.

Þrjú af liðunum úr efri styrkleikaflokki töpuðu leikjum sínum: Argentína, Brasilía og Holland. Vegna innbyrðis deilna var þó enginn leikmaður úr argentínska liðinu sem hlaut silfurverðlaunin fjórum árum fyrr með á Ítalíu. Öll liðin utan Evrópu féllu úr leik í fyrstu umferð. Egyptar komu þó mjög á óvart og stóðu í sterku ungversku liði. Leikur Ítala og Bandaríkjamanna var algjör einstefna og lauk 7:1, þar sem bandaríski markvörðurinn átti þó stórleik.

23. maí 1934
	Austurríki	3-2 (e.framl.)	Frakkland	Stadio Benito Mussolini, Tórínó Áhorfendur: 16.000 Dómari: Johannes van Moorsel, Hollandi
	Sindelar 44, Schall 93, Bican 109		Nicolas 18, Verriest 116

23. maí 1934
	Sviss	3-2	Holland	San Siro, Mílanó Áhorfendur: 33.000 Dómari: Ivan Eklind, Svíþjóð
	Kielholz 7, 43, Abegglen 66		Smit 29, Vente 69

23. maí 1934
	Tékkóslóvakía	2-1	Rúmenía	Stadio Littorio, Trieste Áhorfendur: 9.000 Dómari: John Langenus, Belgíu
	Puč 50, Nejedlý 67		Dobay 11

23. maí 1934
	Svíþjóð	3-2	Argentína	Stadio Littoriale, Bologna Áhorfendur: 14.000 Dómari: Eugen Braun, Austurríki
	Jonasson 9, 67, Kroon 79		Belis 4, Galateo 48

23. maí 1934
	Spánn	3-1	Brasilía	Stadio Luigi Ferraris, Genúa Áhorfendur: 21.000 Dómari: Alfred Birlem, Þýskalandi
	Iraragorri 18, 25, Lángara 29		Leônidas 55

23. maí 1934
	Ungverjaland	4-2	Egyptaland	Stadio Giorgio Ascarelli, Napólí Áhorfendur: 9.000 Dómari: Rinaldo Barlassina, Ítalíu
	Teleki 11, Toldi 31, 61, Vincze 53		Fawzi 35, 39

23. maí 1934
	Ítalía	7-1	Bandaríkin	Stadio Nazionale PNF, Rómaborg Áhorfendur: 25.000 Dómari: René Mercet, Sviss
	Schiavion 18, 29, 66, Orsi 20, 69, Ferrari 63, Meazza 90		Donelli 57

23. maí 1934
	Þýskaland	5-2	Belgía	Stadio Giovanni Berta, Flórens Áhorfendur: 8.000 Dómari: Francesco Mattea, Ítalíu
	Kobierski 25, Siffling 49, Conen 66, 70, 87		Voorhoof 29, 43

Fjórðungsúrslit

Allir leikir fjórðungsúrslitanna fóru fram samtímis þann 31. maí. Ítalir og Spánverjar gerðu jafntefli og þurftu að mætast að nýju. Báðar viðureignir liðanna þóttu afar grófar og urðu mikil meiðsli á leikmönnum, þannig þurftu Spánverjar að gera sjö breytingar á liði sínu milli leikjanna tveggja. Spænsku leikmennirnir voru afar ósáttir við dómgæsluna, en tvö mörk voru dæmd af liði þeirra í síðari viðureigninni.

31. maí 1934
	Austurríki	2-1	Ungverjaland	Stadio Littoriale, Bologna Áhorfendur: 23.000 Dómari: Francesco Mattea, Ítalíu
	Horvath 8, Zischek 51		Sárosi 60

31. maí 1934
	Þýskaland	2-1	Svíþjóð	San Siro, Mílanó Áhorfendur: 3.000 Dómari: Rinaldo Barlassina, Ítalíu
	Hohmann 60, 63		Dunker 82

31. maí 1934
	Ítalía	1-1 (e.framl.)	Spánn	Stadio Giovanni Berta, Flórens Áhorfendur: 35.000 Dómari: Louis Baert, Belgíu
	Ferrari 44		Regueiro 30

31. maí 1934
	Tékkóslóvakía	3-2	Sviss	Benito Mussolini leikvangurinn, Tórínó Áhorfendur: 12.000 Dómari: Alois Beranek, Austurríki
	Svoboda 24, Sobotka 49, Nejedlý 82		Kielholz 18, Jäggi 78

Aukaleikur

1. júní 1934
	Ítalía	1-0	Spánn	Stadio Giovanni Berta, Flórens Áhorfendur: 43.000 Dómari: René Mercet, Sviss
	Meazza 11

Undanúrslit

Undanúrslitin voru leikin 3. júní. Tékkóslóvakía vann sannfærandi sigur á Þjóðverjum. Oldřich Nejedlý skoraði öll þrjú mörk sinna manna, en hann varð markakóngur keppninnar með alls fimm mörk. Í hinni viðureigninni tókust á þau tvö lið sem sigurstranglegust voru talin. Landslið Austurríkis gekk undir heitinu Wunderteam (ísl. Undraliðið), með Matthias Sindelar fremstan í flokki. Með harðsnúnum varnarleik tókst Ítölum að brjóta niður austurrísku sóknina, auk þess sem leikið var í úrhellisrigningu.

3. júní 1934
	Ítalía	1:0	Austurríki	San Siro, Mílanó Áhorfendur: 35.000 Dómari: Ivan Eklind, Svíþjóð
	Guaita 19

3. júní 1934
	Þýskaland	1-3	Tékkóslóvakía	Stadio Nazionale PNF, Róm Áhorfendur: 15.000 Dómari: Rinaldo Barlassina, Ítalíu
	Noack 62		Nejedlý 21, 69, 80

Bronsleikur

Leikið var um þriðja sætið á HM 1934, en enginn slíkur leikur fór fram fjórum árum fyrr. Þjóðverjar hömpuðu bronsverðlaununum eftir sigur á grönnum sínum.

7. júní 1934
	Þýskaland	3:2	Austurríki	Stadio Giorgio Ascarelli, Napólí Áhorfendur: 7.000 Dómari: Albino Carraro, Ítalíu
	Lehner 1, 42, Conen 27		Horvath 28, Sesta 54

Úrslitaleikur

Grípa þurfti til framlengingar í úrslitaleiknum í Rómarborg. Angelo Schiavio skoraði sigurmarkið og sitt fjórða mark í keppninni. Meðal leikmanna ítalska liðsins var Luis Monti, sem leikið hafði til úrslita fjórum árum fyrr en þá fyrir Argentínu.

10. júní 1934
	Ítalía	2-1 (e.framl.)	Tékkóslóvakía	Stadio Nazionale PNF, Róm Áhorfendur: 55.000 Dómari: Ivan Eklind, Svíþjóð
	Orsi 81, Schiavio 95		Puč 71