Einungur

Einungur^[1] (eða hálfgrúpa með hlutleysu)^[1] er algebrumynstur í hreinni algebru sem hefur eina tengna tvístæða aðgerð og hlutleysu. Einungur telst víxlinn ef aðgerðin er víxlin.

Náttúrulegu tölurnar mynda til dæmis víxlinn einung undir samlagningu (þar sem núll er hlutleysan) og margföldun (þar sem einn er hlutleysan), þar sem a + (b + c) er það sama og (a + b) + c og a + 0 = 0 + a = a fyrir allar náttúrulegar tölur a, b, c.

Skilgreining

Einungur er mengi S og tvístæð aðgerð (táknuð með •) sem fullnægja eftirfarandi frumsendum:

Lokun

Fyrir öll a, b í S, þá er a • b í S.

Tengni

Fyrir öll a, b og c í S þá er (a • b) • c það sama og a • (b • c).

Hlutleysa

Til er e í S þannig að e • a = a • e = a fyrir öll a í S.

Tengt efni

• Grúpa

Tilvísanir

1. Orðaskrá Íslenska stærðfræðafélagsins, monoid