Luiz Inácio Lula da Silva
35. og 39. forseti Brasilíu / From Wikipedia, the free encyclopedia
Luiz Inácio Lula da Silva (f. 27. október 1945), þekktastur sem Lula da Silva eða bara Lula,[2] er núverandi forseti Brasilíu. Hann gegndi embættinu fyrst frá 2003 til 2011 og sneri síðan aftur á forsetastól árið 2023.[3]
Luiz Inácio Lula da Silva | |
---|---|
Forseti Brasilíu | |
Núverandi | |
Tók við embætti 1. janúar 2023 | |
Varaforseti | Geraldo Alckmin |
Forveri | Jair Bolsonaro |
Í embætti 1. janúar 2003 – 1. janúar 2011 | |
Varaforseti | José Alencar |
Forveri | Fernando Henrique Cardoso |
Eftirmaður | Dilma Rousseff |
Persónulegar upplýsingar | |
Fæddur | 27. október 1945 (1945-10-27) (78 ára) Caetés, Pernambuco, Brasilíu |
Þjóðerni | Brasilískur |
Stjórnmálaflokkur | Verkamannaflokkurinn |
Maki | Maria de Lurdes da Silva (g. 1969; d. 1971) Marisa Letícia Rocco Casa (g. 1974; d. 2017) Rosângela Lula da Silva (g. 2022[1]) |
Börn | Márcos Cláudio, Lurian, Fábio Luís, Sandro Luís, Luís Cláudio |
Háskóli | Serviço Nacional de Aprendizagem Industrial |
Undirskrift |
Lula er sósíalisti og stofnmeðlimur brasilíska Verkamannaflokksins (portúgalska: Partido dos Trabalhadores; PT). Stjórnmálastefnur hans eru kenndar við „lulisma“.
Á fyrstu forsetatíð sinni frá 2003 til 2011 naut Lula mikillar alþýðuhylli vegna efnahagsfarsældar og vinsælla velferðarverkefna sem stjórn hans stóð fyrir. Ásakanir um spillingu vörpuðu hins vegar skugga á stjórnartíð hans og rannsóknir á þeim gerðu Lula mun umdeildari eftir að hann lét af forsetaembætti. Lula var dæmdur í fangelsi árið 2018 vegna spillingarmála en dómurinn var ógiltur þremur árum síðar. Í kjölfarið bauð Lula sig aftur fram til forsetaembættis og tókst að vinna forsetakosningarnar sem haldnar voru árið 2022.