Bikarkeppni karla í knattspyrnu
From Wikipedia, the free encyclopedia
Bikarkeppni karla í knattspyrnu (Mjólkurbikar karla) er keppni á Íslandi sem fer fram milli aðildarfélaga KSÍ. Leikið er samkvæmt útsláttarfyrirkomulagi þannig að sigurvegari leiks heldur áfram keppni en taplið er úr leik. Viðureignir eru valdar af handahófi. Í bikarkeppninni er leikið til þrautar. Sé jafnt eftir venjulegan leiktíma skal framlengt og sé enn jafnt skal fara fram vítaspyrnukeppni.
Stofnuð | 1960 |
---|---|
Ríki | Ísland |
Fjöldi liða | 32 |
Keppnistímabil | apríl til júní |
Núverandi meistarar | Víkingur (5) |
Sigursælasta lið | KR (14) |
Úrslitaleikur | KA - Víkingur - , Laugardalsvelli (2023) |
Aðalstyrktaraðili er Mjólkursamsalan. Mótið tók aftur upp nafnið Mjólkurbikarinn frá og með árinu 2018 en bikarkeppnin bar einnig sama nafn á árunum frá 1986-1996.[1] Á upphafsárum keppninnar frá 1960 til 1972 var úrslitaleikurinn leikinn á Melavellinum, sem var malarvöllur. En frá árinu 1973 hefur úrslitaleikurinn verið leikinn á Laugardalsvelli.
Undankeppni hefst að venju í aprílmánuði en í henni leika öll félög að frátöldum þeim sem taka þátt í Úrvalsdeild karla.
Svæðakeppni skal viðhöfð í undankeppninni og hún uppsett þannig að 20 lið komist áfram í aðalkeppnina, 32-liða úrslitin, ásamt 12 liðum Úrvalsdeildarinnar.[2]
Úrslitaleikur Mjólkurbikars karla 2022, á milli FH og Víkings fór fram á Laugardalsvelli þann 1. október 2022.
Víkingar eru Mjólkurbikarmeistarar árið 2023.