1668

Árið 1668 (MDCLXVIII í rómverskum tölum) var 68. ár 17. aldar og hlaupár sem hófst á sunnudegi samkvæmt gregoríska tímatalinu en miðvikudegi samkvæmt júlíska tímatalinu sem er tíu dögum á eftir.

Árþúsund:	2. árþúsundið
Aldir:	16. öldin 17. öldin 18. öldin
Áratugir:	1641–1650 1651–1660 1661–1670 1671–1680 1681–1690
Ár:	1665 1666 1667 1668 1669 1670 1671

Atburðir

Höll Jóhannesar 1. Eþíópíukeisara í Gondar.

• Janúar - Holland, England og Svíþjóð gerðu með sér bandalag gegn Frakklandi.
• 13. febrúar - Spánn viðurkenndi sjálfstæði Portúgals í friðarsamkomulagi milli konunganna Afonso 6. og Karls 2. fyrir milligöngu Karls 2. Englandskonungs.
• 2. maí - Fyrsti friðarsamningurinn í Aix-en-Chapelle batt enda á Valddreifingarstríðið. Frakkar héldu Lille og svæðum á Flandri en létu Franche-Comté eftir.
• Júlí - Velski sjóræninginn Henry Morgan rændi bæina Portobello og Panama í Vestur-Indíum.
• 17. september - Sænska þingið stofnaði fyrsta ríkisbanka Evrópu, Riksens ständers bank, á rústum hins gjaldþrota Stokkhólmsbanka.
• Desember - Selárdalsmál: Helga Halldórsdóttir í Selárdal, eiginkona séra Páls Björnssonar veiktist af undarlegum sjúkdómi, sem endaði með því að fimm menn og ein kona voru brennd á báli fyrir galdra næstu árin.

Ódagsettir atburðir

• Jóhannes 1. Eþíópíukeisari boðaði til kirkjuþings í Gondar þar sem ákveðið var að reka alla kaþólikka úr landi.
• Gamanleikurinn Aurasálin (l'Avare) eftir Moliére var frumsýndur.
• Karl 2. Englandskonungur leigði Breska Austur-Indíafélaginu Bombey á Indlandi.

Fædd

• 8. maí - Alain-René Lesage, franskur rithöfundur og leikskáld (d. 1747).
• 11. desember - Apostolo Zeno, ítalskur söngbókahöfundur (d. 1750).
• 31. desember - Herman Boerhaave, hollenskur læknir (d. 1738).

Ódagsett

• Þormóður Eiríksson, kraftaskáld úr Gvendareyjum.

Dáin

• 26. júlí - Hans Svane, danskur biskup og stjórnmálamaður (f. 1606).

Opinberar aftökur

• Galdramál: Tekinn af lífi á Vesturlandi, með brennu, Jón Leifsson, sem gefið var að sök að hafa valdið veikindum Helgu Halldórsdóttur, húsfreyju í Selárdal og prestsfrú.^[1]

Tilvísanir

1. Skrá á vef rannsóknarverkefnisins Dysjar hinna dauðu, á slóðinni https://dhd.hi.is/gogn/Info.pdf, sótt 15.2.20202.