Surinam

Ti Surinam, opisial a ti Republika ti Surinam (Olandes: Republiek Suriname, Panangibalikas nga Olandes: [ˌrepyˈblik ˌsyriˈnaːmə]), ket maysa a pagilian idiay akin-amianan nga Abagatan nga Amerika. Nabeddenganna ti Pranses a Guiana iti daya, ti Guyana iti laud, ti Brasil iti abagatan, ken ti Taaw Atlantiko iti amianan. Ti Surinam ket sigud idi a kolonia iti Britaniko ken iti Olándes, ken ammo idi a kas ti Olandes a Guiana. Nakagun-od ti Surinam iti wayawaya manipud iti Olanda idi 25 Nobiembre 1975.

Republika ti Surinam Republiek Suriname  (Olandes)
Wagayway Eskudo
Napili a pagsasao: Justitia – Pietas – Fides  (iti Latin) "Hustisia – Rebbeng – Pammagtalekan"
Nailian a kanta: God zij met ons Suriname   (iti Olandes) ('Apo Dios Kuyogam ti Surinammi')
Kapitolio ken kadakkelan a siudad	Paramaribo 5°50′N 55°10′W
Opisial a sasao	Olandes
Nagan dagiti umili	Surinames, Taga-Surinam
Gobierno	Unitario a parlamentario a batay-linteg a republika
• Presidente	Chan Santokhi
• Bise-Presidente	Ronnie Brunswijk
Wayawaya
• manipud iti Olanda	25 Nobiembre 1975
Kalawa
• Dagup	163,821 km2 (63,252 sq mi) (Maika-91)
• Danum (%)	1.1
Populasion
• Karkulo idi 2011	491,989 (Maika-167)
• Senso idi 2004	492,829[1]
• Densidad	2.9/km2 (7.5/sq mi) (Maika-231)
GDP (PPP)	Karkulo idi 2011
• Dagup	$5.060 bilion[2]
• Tunggal maysa a tao	$9,475[2]
GDP (nominal)	Karkulo idi 2011
• Dagup	$3.790 bilion[2]
• Tunggal maysa a tao	$7,096[2]
Gini (1999)	52.9[3] nangato
HDI (2013)	0.705[4] nangato · Maika-100
Kuarta	Doliar ti Surinam (SRD)
Sona ti oras	UTC-3 (ART)
• Kalgaw (DST)	UTC-3 (saan a mapalpaliiw)
Pagmanehuan	kanigid
Kodigo ti panagtawag	597
TLD ti internet	.sr

Iti basbassit laeng ngem 165,000 km² (64,000 sq mi) ti Surinam ket isu ti kabassitan a naturay nga estado idiay Abagatan nga Amerika (Pranses a Guiana ket mangbukel ti basbassit a teritorio, ngem daytoy ket Pranses a teritorio). Adda ti nakarkulo a populasion iti agarup a 490,000, a kaaduan ket agtaeng idiay amianan a pantar iti daytoy a pagilian, a pakabirukan ti kapitoliona a Paramaribo.

Naggappuan ti nagan

Ti naga a Surinam mabalin a naggapu manipud dagiti Taino (dagiti agsasao iti Arawak) a grupo a natawtawgan a "Surinen" a dagitoy ket isu ti immuna a nagtaeng iti daytoy a rehion sakbay ti isasangpet dagiti Europeano.^[5]

Kasisigud a ti pagilian ket naisurat a kas ti Surinam babaen dagiti Ingles a nagtaeng nga immuna a nagipatakder ti kolonia idiay Waig ni Marshall,^[6] a mairaman ti Karayan Surinam, ket paset idi daytoy ti grupo dagiti kolonia a makunkuna a Olandes a Guiana. Ti Surinam ket mabirukan pay laeng kadagiti Ingles. Ti maysa a nangruna a pagarigan iti daytoy ket ti bukod a nailian nga eroplano ti Surinam, ti Surinam Airways.