Ti Micromyrtus grandis, ti Severn River heath-myrtle iti Ingles, ket ti bassit a mula iti pamilia ti mirtus. Eksklusibo a mabirukan daytoy iti Preserba ti Katutubo iti Karayan Severn kenti kabangibangna a lugar a mabirukan iti agarup a 60 km amiana-laud ti Glen Innes (Australia). Daytoy ket agtubo aginggana iti 1–4 a metro iti katayag, a mangaramid daytoy iti kadakkelan a mula iti henero ti Micromyrtus. Mailasin daytoy babaen ti bungana, nga addaan kadagiti 5 a paragpag, ken ti ak-akaba a bulongna no maigiddiat kadagiti kaarrubana a flora.
| Micromyrtus grandis | |
|---|---|
Taksonomia  | |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Rosids |
| Urnos: | Myrtales |
| Pamilia: | Myrtaceae |
| Henero: | Micromyrtus |
| Sebbangan: | M. grandis |
| Dua a nagan | |
| Micromyrtus grandis J.T.Hunter | |
Impalawag ni John T. Hunter ti Micromyrtus grandis idi 1996, kalpasan idi nakaduktal iti kolonia ti Micromyrtus iti maysa a porpiritiko a pantok a saan a maitunos iti ania man nga ammo a sebbangan. Inikkanna ti nagan ti sebbangan iti grandis gapu ta daytoy ti kadakkelan a sebbangan iti henero.[1]
Agtubo ti Micromyrtus grandis kas nalinteg a bassit a mula, makaabot iti 1–4 a metro iti katayag.[2] Ti narangha nga ukis ti kayo ket naluyak ken agikkat a kas laso, a masansan a kumulot.[3] Dagiti bassit usit a bulong ket 0.5 to 4 mm iti kaatiddog babaen ti 0.5 aginggana iti 1.5 mm iti kaakaba. No maisarang iti lawag, nalaka a makita dagiti tulnek ti lana iti bulongna. Dagiti babassit a sabong ket agparangda iti panaglalak-ek ken panagsusulbod (Hulio aginggana iti Septiembre).[2]
Mabirukan ti Micromyrtus grandis iti igid ti maysa ng aatiddog a pantok iti kangato iti 600 aginggana iti 750 m iti Preserba ti Katutubo iti Karayan Severn ken ti kabangibang a pribado a talon.[1] Daytoy ket agtubo kadagiti nawayang a lokasion iti pagtubuan ti babassit a mula ken ti nawaya a kakaykayuan, a mainaig kadagiti sebbangan a kas ti Eucalyptus crebra, Allocasuarina inophloia, ''Acacia'' sp. aff. ''pubifolia'', Xanthorrhoea johnsonii, ken ti Leptospermum novae-angliae, Micromyrtus sessilis ken Leucopogon neo-anglicus.[2]
Daytoy ket nailista a kas naisagmak babaen dagiti gobierno ti New South Wales ken Pederal.[2]
Ti Micromyrtus grandis ket naimuyonganen iti Australian National Botanic Gardens iti Canberra manipud idi 1998,daytoy ket natibker ket nalaka a maimula, ken mabalin a mapropagado babaen ti bukel wenno ungel.[3]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
