sebbangan ti mula From Wikipedia, the free encyclopedia
Ti Micromyrtus sessilis ket ti mula iti pamilia ti mirtus iti Myrtaceae nga endemiko iti akindaya nga Australia. Daytoy ket maysa a nasamek, dumalapdap a bassit a mula nga addaan iti bassit a nailia a bulbulong ken sabsabong a sagpaminsan a bugbugtong kadagiti axil ti akinngato a bulong wenno dagiti nasamek a rimpuok kadagiti sanga. Daytoy ket kapada ti M. ciliata ngem ad-adu a maiwarwaras iti amianan.
| Micromyrtus sessilis | |
|---|---|
 | |
| Ti Micromyrtus sessilis nga agtubtubo iti Reserba ti Agtutubo iti Turod ti Bolivia iti abagatan ti Tenterfield | |
Taksonomia  | |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Rosids |
| Urnos: | Myrtales |
| Pamilia: | Myrtaceae |
| Henero: | Micromyrtus |
| Sebbangan: | M. sessilis |
| Dua a nagan | |
| Micromyrtus sessilis J.W.Green[1] | |
Ti Micromyrtus sessilis ket maysa a nasamek, dumalapdap a bassit a mula nga agtubo iti katayag iti 0.5–1.5 m (2–5 ft) ken addaan kadagiti nadutdotan nga ubing nga ungkay. Nailinia aginggana iti timmirad dagiti bulong nga ak-akidkid iti baba, 1.5–3 mm (0.06–0.1 in) iti kaatiddog ken basbassit ngem 1 mm (0.04 in) iti kaakaba nga addaan iti maysa a pesiolo iti agarup a 1 mm (0.04 in) iti kaatiddog. Dagiti sabong ket sagpaminsanda a bugbugtong kadagiti akinngato nga axil ti bulong , sagpaminsan a mangbukel kadagiti bassit nag ulo ken sagpamonsanda a maurnos kadagiti nasamek a rimpuok. Adda dagiti dua a bracteol iti baba ti tunggal maysa a sabong ken matnag no agukrad ti sabong. Ti tasa ti sabong ket sukog balisongsong ken addaan kadagiti nagtimbukel a paragpag iti sikiganna. Dagiti sepalo ket basbassit ngem 1 mm (0.04 in) iti kaatiddog ken dagiti petalo ket puraw aginggana iti napusasaw a derosas, agtimbukel aginggana iti eliptiko iti sukog ken 1–1.5 mm (0.04–0.06 in) iti kaatiddog. Adda dagiti lima nga estambre iti 1–1.5 mm (0.04–0.06 in) iti kaatiddog. Daytoy ket agsabong iti pagbaetan ti Septiembre ken Oktubre.[2][3]
Ti Micromyrtus sessilis ket immuna a pormal a naipalawag idi 1983 babaen ni John Green manipud iti maysa nga espesimen a naurnong iti asideg ti Miles ken naipablaak ti deskripsion iti Nuytsia.[3][4] Ti espesipiko nga epiteta iti (sessilis) ket ti balikas a Latin a ti kayatna sawen ket "agtugtugaw"[5] a mangibagbaga kadagiti sabong nga addaan iti ababa unay, wenno awanan iti pedunkulo.[3]
Mabirukan daytoy a sebbangan iti pagbaetan ti Miles iti Queensland ken Griffith iti New South Wales, a kangrunaan iti ngato ti 600 m (2,000 ft), kadagiti sakup ti habitat manipud iti mallee aginggana iti bakir ken masansan kadagiti nabato a lugar.[2][3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
