urnos ti mulmula From Wikipedia, the free encyclopedia
Ti Malvales ket ti maysa nga urnos dagiti agsabsabong a mula. Kas igawidan babaen ti sistema ti APG II, ti urnos ket mangiraman kadagiti agarup a 6000 a sebbangan iti kaunegan dagiti 9 a pamilia. Ti urnos ket naikabil iti eurosids II, a paset iti eudicotidae.
Malvales | |
---|---|
![]() | |
Alcea setosa | |
Taksonomia ![]() | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Rosids |
Klado: | Malvids |
Urnos: | Malvales Juss. ex Bercht. & J.Presl[1] |
Dagiti pamilia | |
|
Kaaduan dagiti mula ket bassit a mula ken dagiti kayo; kaaduan kadagiti pamiliana ket addaan iti kosmopolitano a pannakaiwarwaras kadagiti tropiko ken subtropiko, nga addaan iti lomitado a panagpadakkel kadagiti temperado a rehion. Ti maysa a nakakaskasdaaw a pannakaiwaras ket mapasamak idiay Madagascar, a mapasamak dagiti tallo nga endemiko a pamilia ti Malvales (Sphaerosepalaceae, Sarcolaenaceae and Diegodendraceae).
Adu dagiti sebbangan ti Malvaceae sensu lato ket nasayaat para kadagiti kayoda, iti Ochroma (balsa) nga ammo iti kinalag-anna, ken iti Tilia (dalayap, linden, wenno basswood) kas popular a kayo iti panagkitikit. Ti bunga ti kayo ti kakaw (Theobroma cacao) ket inus-usar a laok para iti tsokolate. Ti nues ti kola (henero ti Cola) ket ammo dagitoy para iti adu a laon ti kapeina ken, kadagiti naplabas, ket kadawyan nga inus-usar iti panangisagana kadagiti nadumaduma a mainun a cola. Dagiti sabali pay nga ammo a kameng ti Malvales iti sistema ti APG II ket ti daphnes, gumamela, dagiti hollyhock, okra, kaykayo a baobab, kapas, ken ti kapok.
Agdumaduma ti morolohia ti Malvales, nga agraman kadagiti bassit a kadawyan a pakailasinan. Kadagitoy a kaaduan a kadawyan a masarsarakan ket dagiti palmato, dagiti konado a sepalo, ken ti maysa a naiduma nga estruktura ken komposion iti kemikal dagiti bukel. Ti cortex ket masansan a naammurat, a naaramid iti naalumaymay a tuon ti ploema.
Ti nasapa a pannakaidasig a kas ti bagi ni Dahlgren ket mangikabil ti Malvales iti super-urnos ti Malviflorae (tinawtawagan pay iti Malvanae). Napauten a problematiko dagiti pagbeddengan ken pakaigawidan dagiti "bugas" a pamilia ti Malvales, Malvaceae, Bombacaceae, Tiliaceae, ken Sterculiaceae. Ti asideg a pannakaikabagian kadagitoy apamilia , ken naipangpangruna iti Malvaceae ken Bombacaceae, ken kadawyanen a nabigbigan, ngem iti laeng nabiit, kaaduan dagiti sistema ti pannakaidasig ket nangitalinaay kaniada a kas dagiti asabali a pamilia. Agraman kadagiti nadumaduma a molekular a pilohenio a mangipakpakita iti Sterculiaceae, Bombacaceae, ken Tiliaceae a kas tradisional a naipalawag a parapiletiko wenno polipiletiko, adda metten rumrummuar a konsenso para iti daytoy a pagduyosan a mangpadakkel iti Malvaceae tapno mairaman dagitoy a pamilia. Daytoy naipadakkel a panangigawid ti Malvaceae ket nabigbiganen kadagiti kaudian a bersion ti sistema ti Thorne, babaen ti Angiosperm Phylogeny Group, ken ti kaudian a komprehensibo a pannakatrato dagiti pamilia ti baskular a mula ken dagiti henero, ti sistema ti Kubitzki.[3]
Ti dominante a pamilia iti sistema ti APG II ket ti naipadakkel a Malvaceae (Malvaceae sensu lato) nga agraman kadagiti sumurok a 4000 a sebbangan, a sarunen ti Thymelaeaceae nga agraman kadagiti 750 a sebbangan. Daytoy a naipadakkel a panangigawid ti Malvaceae ket naala a mangiraman dagiti pamilia ti Bombacaceae, Sterculiaceae ken Tiliaceae. Babaen ti daan a sistema ti Cronquist ti urnos ket naglaon kadagitoy nga uppat a pamilia ti "bugas a Malvales" ken mainayon ti Elaeocarpaceae ken naikabil idi kadagiti Dilleniidae. Adda dagiti sumagmamano nga agdama a nairaman a pamilia ket naikabil babaen ti Cronquist iti Violales.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.