![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fd/Basel_-_Bank_f%25C3%25BCr_internationalen_Zahlungsausgleich3.jpg/640px-Basel_-_Bank_f%25C3%25BCr_internationalen_Zahlungsausgleich3.jpg&w=640&q=50)
Վճարահաշվարկային համակարգ
From Wikipedia, the free encyclopedia
Վճարահաշվարկային համակարգ կամ վճարային համակարգ (անգլ.՝ Payment system), վճարային գործիքների, քլիրինգի իրականացման, միջոցների փոխանցման և վերջնահաշվարկի կատարման ընդհանուր կանոնների, ընթացակարգերի և վերջիններս ապահովող տեխնիկածրագրային միջոցների ամբողջություն (ընդհանրություն), որի միջոցով ապահովվում է վճարման կատարումը շահառուին[1][2]։
![Thumb image](http://upload.wikimedia.org/wikipedia/commons/thumb/f/fd/Basel_-_Bank_f%C3%BCr_internationalen_Zahlungsausgleich3.jpg/640px-Basel_-_Bank_f%C3%BCr_internationalen_Zahlungsausgleich3.jpg)
Վճարահաշվարկային համակարգերը հանդիսանում են տնտեսության և ֆինանսական համակարգի կարևորագույն բաղադրյալներից մեկը։ Դրանք օգտագործվում են կառավարության կողմից հարկային վճարումներ ստանալու, նպաստներ, թոշակներ, սոցիալական այլ վճարումներ կատարելու, ֆինանսական շուկայի վերջնահաշվարկներն ապահովելու, կենտրոնական բանկի դրամավարկային քաղականությունն իրականացնելու, ինչպես նաև տնտեսավարող սուբյեկտների կողմից միմյանց նկատմամբ դրամական պարտավորությունները մարելու համար[3]։