![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a8/London.bankofengland.arp.jpg/640px-London.bankofengland.arp.jpg&w=640&q=50)
Կենտրոնական բանկ
From Wikipedia, the free encyclopedia
Կենտրոնական բանկ (անգլ.՝ central bank), կազմակերպություն, որը պատասխանատու է դրամավարկային քաղաքականության և վճարային համակարգի շահագործման, որոշ դեպքերում՝ ազգային տնտեսության կամ երկրների խմբի ֆինանսական հատվածի կարգավորման և վերահսկման համար։ Կենտրոնական բանկը դրամավարկային իշխանության ձև է։
![Thumb image](http://upload.wikimedia.org/wikipedia/commons/thumb/a/a8/London.bankofengland.arp.jpg/640px-London.bankofengland.arp.jpg)
![Thumb image](http://upload.wikimedia.org/wikipedia/commons/thumb/f/f4/Federal_Reserve.jpg/640px-Federal_Reserve.jpg)
![Thumb image](http://upload.wikimedia.org/wikipedia/commons/thumb/2/22/Bank_of_Japan_headquarters_in_Tokyo%2C_Japan.jpg/640px-Bank_of_Japan_headquarters_in_Tokyo%2C_Japan.jpg)
![Thumb image](http://upload.wikimedia.org/wikipedia/commons/thumb/3/36/Eurotower_in_Frankfurt.jpg/640px-Eurotower_in_Frankfurt.jpg)
Կենտրոնական բանկի ինստիտուցիոնալ սահմանում գոյություն չունի, բոլոր սահմանումները ֆունկցիոնալ են, այսինքն՝ դրանք նկարագրում են կենտրոնական բանկը՝ իր գործառույթների միջոցով։
Արժույթի միջազգային հիմնադրամ. Կենտրոնական բանկ՝ ներքին ֆինանսական ինստիտուտ, որը վերահսկում է ֆինանսական համակարգի հիմնական ասպեկտները (պաշտոնական սահմանում, որն օգտագործվում է պաշտոնական վիճակագրության կազմում)[1]։
Եվրոպական կենտրոնական բանկ. Հանրային հաստատություն, որը ղեկավարում է երկրի կամ երկրների խմբի արժույթը, ինչպես նաև կարգավորում է փողի զանգվածը[2]։
Միջազգային հաշվարկների բանկ. Պետական քաղաքականության ինստիտուտ, որի հիմնական նպատակներն են՝ պահպանել դրամական կայունությունը և խթանել ֆինանսական կայունությանը[3]։
Բրիտանիկա հանրագիտարան. Ազգային փողի զանգվածի չափի, վարկի առկայության և արժույթի արժեքի կարգավորման համար պատասխանատու հաստատություն[4]։
Նոր Պալգրեյվ՝ տնտեսագիտական բառարան. Ինստիտուտ, որը ղեկավարում է փողի զանգվածը և վարկը դրամավարկային քաղաքականության նպատակների համար, գործելով որպես կառավարության բանկիր և առևտրային բանկերի բանկիր, ներառյալ վերջին միջոցների վարկավորումը, երկրի միջազգային պահուստների կառավրիչ[5]։
Բանկային գործի և ֆինանսների բառարան (Լոնդոն)․ երկրի կառավարության կողմից վերահսկվող հիմնական բանկը, ով ղեկավարում է երկրի ֆինանսական գործերը, սահմանում հիմնական տոկոսադրույքներ, գումար թողարկում, վերահսկում առևտրային բանկերը և ձգտում կառավարել փոխարժեքը[6]։
Կենտրոնական բանկերը տարբեր երկրներում տարբեր կերպ են կոչվում՝ ժողովրդական, ազգային, պետական, պահուստային։