Վիետնամերեն
From Wikipedia, the free encyclopedia
Վիետնամերենը (tiếng Việt, կամ ավելի հազվադեպ օգտագործվող անվանումով Việt ngữ[4]), Վիետնամի ազգային և պետական լեզուն է։ Վիետնամերենը Վիետնամի բնակչության 86%-ի և մոտավորապես երեք միլիոն այլ պետություններում ապրող վիետնամացիների մայրենի լեզուն է։ Վիետնամերենը օգտագործվում է նաև որպես երկրորդ լեզու Վիետնամի բազմաթիվ ազգային փոքրամասնությունների կողմից։ Վիետնամերենը մտնում է Ավստրալազիական լեզվաընտանիքի մեջ, որոնց համեմատությամբ այն նշանակալի տարբերությամբ ամենաբազմաթիվ լեզվակիրներ ունեցող լեզուն է (մի քանի անգամ ավելի շատ քան մյուս բոլոր Ավստրալասիական լեզուները միասին վերցրած)[5] Կորեերենի և ճապոներենի նման վիետնամերենի բառապաշարը մեծաթիվ փոխառություններ ունի չինարենից, հատկապես այն բառապաշարի առումով, որը ներկայացնում է վերացական հասկացություններ (ճիշտ ինչպես եվրոպական լեզուները բառեր են փոխառնում լատիներենից և հունարենից), և մինչև վերջերս վիետնամերենը գրվում էր չինական գրային համակարգով, թեև որոշակիորեն թեթևացված ձևաչափով և ուներ տեղական արտասանություն։ Վիետնամի պատմության մեջ ֆրանսիական տիրապետության ժամանակաշրջանի արդյունքում վիետնամերենը կրել է նաև ֆրանսերենի որոշակի ազդեցությունը, և այսօր օգտագործվող Վիետնամական գրային համակարգը ըստ էության լատիներեն այբուբենի տեղայնացված տարբերակն է՝ որոշակի հնչյունային և տառային հավելումներով։
Վիետնամերեն tiếng Việt | |
---|---|
Վիետնամերենով գրված տեքստ (ձախում) | |
Տեսակ | լեզու և կենդանի լեզու |
Ենթադաս | վիետնամական լեզուներ |
Երկրներ | Վիետնամ |
Պաշտոնական կարգավիճակ | Վիետնամ Չեխիա (փոքրամասնության լեզու)[1] |
Խոսողների քանակ | 76 000 000 մարդ (2019)[2] |
Լեզվակիրների թիվը | 75 մլն |
Ռեյտինգ | 13-17 |
ՅՈՒՆԵՍԿՕ-ի լեզվի կարգավիճակ | անվտանգ |
Դասակարգում | Ավստրո-ասիական ընտանիք
|
Գրերի համակարգ | լատինական այբուբեն (վիետնամական այբուբեն) |
IETF | vi |
ԳՕՍՏ 7.75–97 | վիե 140 |
ISO 639-1 | vi |
ISO 639-2 | vie |
ISO 639-3 | vie |
Ի ծնե վիետնամերեն լեզվակիրների (ոչ փոքրամասնություն) բնակության վայրերը Վիետնամում և Չինաստանում։ | |
Վիետնամախոսների տոկոսը ըստ նահանգների[3]՝
<20% 20%–40% 40%–60% 60%–80% 80%–95% >95% | |
Vietnamese language Վիքիպահեստում |