From Wikipedia, the free encyclopedia
Վայոլեթ Բրաուն (անգլ.՝ Violet Brown, մարտի 10, 1900[1], Թրելոնի եկեղեցական ծուխ, Cornwall County, Ճամայկա - սեպտեմբերի 15, 2017[1], Մոնթեգո Բեյ, Cornwall County, Ճամայկա[2]), ճամայկացի կին, որը 189 օր աշխարհի ամենածեր կինն էր՝ 2017 թվականի ապրիլի 15-ին Էմմա Մորանոյի մահից հետո մինչև իր մահը՝ 2017 թվականի սեպտեմբերի 15-ը[3][4]։ Նա պատմության մեջ գրանցված հինգերորդ ամենածեր կինն էր և ճապոնացի Նաբի Տաձիմայի հետ երկու այն մարդիկ, որոնք ծնվել են 19-րդ դարում։
Վայոլեթ Բրաուն անգլ.՝ Violet Brown | |
---|---|
![]() | |
Ծնվել է | մարտի 10, 1900[1] |
Ծննդավայր | Թրելոնի եկեղեցական ծուխ, Cornwall County, Ճամայկա |
Մահացել է | սեպտեմբերի 15, 2017[1] (117 տարեկան) |
Մահվան վայր | Մոնթեգո Բեյ, Cornwall County, Ճամայկա |
Քաղաքացիություն | ![]() ![]() |
Կրոն | քրիստոնեություն |
Երեխաներ | Harold Fairweather? |
Բրաունը Ջոն Մոսեի և Էլիզաբեթ Ռայլիի չորրորդ երեխան էր[5]։ Մկրտվել է 13 տարեկանում։ Ամուսնացել է Ավգուստ Գայնոր Բրաունի հետ, ում հետ ունեցել է մեկ դուստր[5]։ Ընդհանուր առմամբ ունեցել է 6 երեխա, որոնցից 4-ը կենդանի էին մինչև Վայոլեթի մահը[6]։
2017 թվականի ապրիլին «The Jamaica Observer»-ին տված հարցազրույցում Բրաունը նշել է, որ նա ավելի առողջ է, քան իր 5 երեխաները և որ նա վատառողջ չէ[7]։
Երբ նրան հարցրել են իր երկարակեցության մասին, Բրաունը պնդել է, որ որևէ գաղտնի բանաձև չկա։ «Jamaica Gleaner»-ին ասել է․ «Իսկապես, երբ մարդիկ հարցնում են, թե ինչ եմ ուտում կամ խմում երկար ապրելու համար, ասում եմ, որ ուտում եմ ամեն ինչ բացի խոզից և հավից, ինչպես նաև չեմ խմում ռոմ»[8]։
Նա երբևէ ամենածեր ճամայկացի մարդն էր և հարյուր տարին անց առաջին ճամայկացին։ Նրա ծննդյան ամսաթվի վերաբերյալ տարբեր վարկածներ կան՝ 1900 թվականի մարտի 4[9], մարտի 10[2] և մարտի 15[5][10]։
Բրաունը ծնվել է, երբ Ճամայկան Բրիտանական կայսրության մասն էր կազմում[11]։
Բրաունի առաջին զավակը՝ Հարլանդ Ֆեյրուեդերը[12][13][14], մահացել է 2017 թվականի ապրիլի 19-ին 97 տարեկան 4 օրականում[15]։ Նա ամենածեր մարդն էր, ում ծնողը դեռևս կենդանի էր[16]։
Բրաունը մահացել է 2017 թվականի սեպտեմբերի 15-ին 117 տարեկանում Մոնթեգո Բեյ հիվանդանոցում օրգանիզմի ջրազրկման և առիթմիայի պատճառով[17]։ Նրա մահվանից հետո Նաբի Տաձիման դարձավ աշխարհի ամենածեր մարդը, որը ծնվել է 19-րդ դարում[18]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.