Վահագն Կարապետի Հայրապետյան (օգոստոսի 30, 1968[1], Երևան, Հայկական ԽՍՀ, ԽՍՀՄ), հայ ջազային երաժիշտ, դաշնակահար, Հայաստանի արվեստի վաստակավոր գործիչ, «Կատուներ» ավանգարդ-ջազ-ռոքային խմբի ղեկավար, «Armenian Navy Band» խմբի մասնակից։
- Վիքիպեդիայում կան հոդվածներ Հայրապետյան ազգանունով այլ մարդկանց մասին։
| Վահագն Հայրապետյան | |
|---|---|
| Ծնվել է | օգոստոսի 30, 1968[1] (56 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Ժանրեր | ջազ, ջազ-ֆյուժն և սվինգ երաժշտություն |
| Մասնագիտություն | կոմպոզիտոր, ջազ երաժիշտ և դաշնակահար |
| Գործիքներ | ջութակ և դաշնամուր |
| Աշխատավայր | Armenian Navy Band և Կատուներ (խումբ) |
| Կրթություն | Երևանի միջնակարգ մասնագիտական երաժշտական դպրոց Չայկովսկու անվան և Երևանի Կոմիտասի անվան պետական կոնսերվատորիա |
| Պարգևներ | |
Վահագն Հայրապետյանը ծնվել է 1968 թվականին՝ Երևանում։ Մանուկ հասակից զբաղվել է երաժշտությամբ։ Ավարտել է Երևանի Չայկովսկու անվան երաժշտական հատուկ դպրոցի դաշնամուրի բաժինը, ապա՝ Երևանի Կոմիտասի անվան պետական կոնսերվատորիայի կոմպոզիցիայի բաժինը։ Ջազ երաժշտությամբ սկսել է հետաքրքրվել և սովորել Նյու Յորքում, համաշխարհային ջազ լեգենդներ Բարրի Հարրիսից և Ֆրենկ Հյուիթից։ Հանդես է եկել մի շարք աշխարհահռչակ ջազմենների հետ, որոնցից են Իգոր Բուտմանը, Դանիիլ Կրամերը, Էլվին Ջոնսը, Բարրի Հարրիսը[2]։
Նյու Օրլեանում թողարկել է 3 ձայնասկավառակ՝
- «Love for sale»
- «Tripp to New Orleans»
- «Bop it up»:
1998 թվականից «Armenian Navy Band» խմբի դաշնակահարն է։
2005 թվականին հիմնել է «Կատուներ» խումբը։
2011 թվականին թողարկել է «Singin′& Swingin» ձայներիզը։
Մի շարք ֆիլմերի երաժշտության հեղինակ է՝
- «Խճճված զուգահեռներ»
- «Եթե բոլորը...»
- «Շորն ու շորշորը»
- Հայր՝ Կարապետ Հայրապետյան, ջութակահար
- Մայր՝ Ալիսա Ադամյան, ջութակահար, մանկավարժ
- Քույր՝ Արև Պետրոսյան, նկարիչ-ձևավորող, ՀՀ վաստակավոր նկարիչ
- Եղբայր՝ Արեգ Պետրոսյան, քանդակագործ
- Հայաստանի արվեստի վաստակավոր գործիչ (2008)[3]
- 2013 թ. արժանացել է հայկական «Հայակ» ազգային կինոյի մրցանակաբաշխության «Լավագույն կոմպոզիտոր» մրցանակին՝ «Եթե բոլորը» ֆիլմի համար
- Վիլնյուսի ջազ փառատոնում արժանացել է «Գրան Պրի» մրցանակի
- Հայաստանի մշակույթի նախարարության շնորհակալագիր, 2017
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
