Արեգ Պետրոսյան

Արեգ Բենիկի Պետրոսյան (մարտի 5, 1981(1981-03-05), Երևան, Հայկական ԽՍՀ, ԽՍՀՄ), հայ քանդակագործ։

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Արեգ Պետրոսյան
Ծնվել է	մարտի 5, 1981(1981-03-05) (43 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հակոբ Կոջոյանի անվան գեղարվեստի դպրոց (1995), Փանոս Թերլեմեզյանի անվան գեղարվեստական ուսումնարան (1998) և Երևանի պետական գեղարվեստա-թատերական ինստիտուտ (2004)
Մասնագիտություն	քանդակագործ և ուսուցիչ
Աշխատավայր	Փանոս Թերլեմեզյանի անվան գեղարվեստի պետական քոլեջ
Ծնողներ	հայր՝ Բենիկ Պետրոսյան, մայր՝ Ալիսա Ադամյան
Անդամություն	Հայաստանի նկարիչների միություն
Areg Petrosyan Վիքիպահեստում

Կենսագրություն

Քանդակագործ Բենիկ Պետրոսյանի և հասարակական-պետական գործիչ, ջութակահար, մանկավարժ Ալիսա Ադամյանի որդին է, նկարչուհի-դիզայներ Արև Պետրոսյանի և ջազային երաժիշտ, դաշնակահար Վահագն Հայրապետյանի եղբայրը։

1994-1995 թվականներին սովորել է Երևանի Հակոբ Կոջոյանի անվան գեղարվեստի դպրոցում, 1996-1998 թվականներին` Փանոս Թերլեմեզյանի անվան գեղարվեստի ուսումնարանի գեղանկարի բաժնում, 1998-2004 թվականներին` Երևանի գեղարվեստի պետական ակադեմիայի քանդակի բաժնում (Թերեզա Միրզոյանի, Գարեգին Դավթյանի արվեստանոց), 2006 թվականին ավարտել է Ֆլորենցիայի վերականգնման ինստիտուտի «Պալացցո Սպինելլի» որմնանկարի բաժինը^[1][2]։ 1998 թվականից «Բենիկ Պետրոսյան» հիմնադրամի հոգաբարձունների խորհրդի անդամ է, 2011 թվականից՝ Հայաստանի նկարիչների միության անդամ։ 2013 թվականից դասավանդում է Փանոս Թերլեմեզյանի անվան գեղարվեստի ուսումնարանի քանդակի բաժնում^[3]։

Ստեղծագործություններ

• «Հեռացող հրեշտակը» 2005
• «Դավթի մահը» 2005
• «Քամին» 2008
• «Թռչող ձուկը» 2010

Քանդակների շարք

• Սուբլիմացիա, 2011
• Զգացմունքայնություն, 2010
• Վիճակ, 2006-2009
• Սեր, 2004-2005
• Էքսպրեսիվ թռիչք, 2001-2003
• Ոգեշնչանք, 1992-2000

Որմնանկարների վերականգնման աշխատանքներ

• 2013 թվական- Մինաս Ավետիսյանի «Արմենիա» որմնանկարի կոնսերվացման և վերականգնման աշխատանքներ, մշակույթի տուն գյուղ Վահրամաբերդ, Շիրակի մարզ, Հայաստան
• 2013 թվական- Ռ. Աթոյանի «Ջաղչի ճամփին» որմնանկարի վերականգնման և տեղափոխման աշխատանքներ, Գյումրի, Հայաստան
• 2012 թվական- Մինաս Ավետիսյանի «Հայկական հովվերգություն» որմնանկարների տեղափոխման և վերականգնման աշխատանքներ (Գյումրու քաղաքապետարան)
• 2011 թվական- Մինաս Ավետիսյանի “Գորգ են գործում” որմնանկարների տեղափոխման և վերականգնման աշխատանքներ /Կիլիկիա գարեջրի գործարան/, Գյումրի
• 2011 թվական- Մինաս Ավետիսյանի «Թել են մանում» և «Երկանք» որմնանկարների տեղափոխման և վերականգնման աշխատանքներ (Զվարթնոց Օդանավակայան), Գյումրի, Երևան
• 2010 թվական- Մինաս Ավետիսյանի «Աղբյուրի մոտ» և «Խաչքարի մոտ» որմնանկարների տեղափոխման և վերականգնման աշխատանքներ (կառավարական շենք N 1), Գյումրի, Երևան
• 2009 թվական- 12-րդ դարի Սուրբ Կաթողիկե եկեղեցու որմնանկարների վերականգնում, Քոբայր, Հայաստան
• 2008 թվական- Մինաս Ավետիսյանի «Թորոս Ռոսլին» որմնանկարների վերականգնման աշխատանքներ, Գյումրի, Հայաստան

Ցուցահանդեսներ

Անհատական ցուցահանդեսներ

• 2008 թվական- Ցուցահանդես, նվիրված Բենիկ Պետրոսյանի հիշատակին, Հայաստանի ազգային պատկերասրահ
• 2005 թվական- Միավորված ազգերի կազմակերպություն, Երևան
• 2005 թվական- «Թորոս Ռոսլին» Մշակութային Կենտրոն, Երևան
• 2001 թվական- Միավորված ազգերի կազմակերպություն, Երևան
• 1991 թվական- Ցուցահանդես հոր՝ Բենիկ Պետրոսյանի հետ, ԱՄՆ

Խմբակային ցուցահանդեսներ

• 2013 թվական- Քանդակի սիմպոզիում, Երկրապահի հրապարակ, տեղադրվել է 4 մեծածավալ աշխատանք՝ նվիրված զոհված ազատամարտիկների անմահ հիշատակին, Իջևան, Հայաստան
  • «Կերպարանափոխում, քար, երկաթ, 70x60x20 սմ
  • «Մեղեդի», քար, երկաթ, 1.60x70x50
  • «Հրեշտակ», մետաղ, քար, 370 x 60 սմ
  • «Զինվոր», մետաղ, քար, 520 x 120 սմ
• 2012 թվական- «Օրրան» բարեգործական ցուցահանդես-վաճառք, Լոս-Անջելես
• 2012 թվական- Ցուցահանդես նվիրված Հայաստանի նկարիչների միության 80-ամյակին, Երևան
• 2009 թվական- Բարեգործական ցուցահանդեսներ, Երևան
• 2008 թվական- «Marriott» հյուրանոց, բարեգործական ցուցահանդես, Երևան
• 2006 թվական- ՀՀ Ազգային ժողով, Երևան
• 2006 թվական- «Marriott» հյուրանոց, բարեգործական ցուցահանդես, Երևան
• 2005 թվական- «Ռենեսանս» ցուցասրահ, Իտալիա, Ֆլորենցիա
• 2005 թվական- Ցուցահանդես-էքսպո, Հայաստանի կառավարության տուն, Երևան
• 2004 թվական- Ցուցահանդես-մրցույթ, ՆՓԱԿ, Երևան
• 2004 թվական- Հայաստանի կառավարության տուն, Երևան
• 2004 թվական- Երիտասարդական ցուցահանդես, Ազգային ժողով, Երևան
• 2004 թվական- Երիտասարդական ցուցահանդես, Հայաստանի նկարիչների միություն, Երևան
• 2004 թվական- «Թերեզա Միրզոյան և ուսանողներ», Երևան
• 2003 թվական- Ոսկերչական ցուցահանդես-էքսպո, Հայաստանի կառավարության տուն, Երևան
• 2003 թվական- «Անդրկովկասյան պետությունների երկխոսություն» սիմպոզիում-ցուցահանդես, Վրաստան, Բաթում
• 2002 թվական- «Դանթե Ալիգիերի» Միջազգային Բիենալե, Իտալիա, Ռավեննա
• 2002 թվական- «Բենիկ Պետրոսյան» միջազգային բիենալե, Երևան
• 2001 թվական- «Դանթեն Հայաստանում» միջազգային բիենալե, Նկարիչների միություն, Երևան
• 2000 թվական- «Hay-Art» մշակութային կենտրոն, Երևան
• 2000 թվական- Ցուցահանդես, նվիրված ՄԱՀԿ-ի միջազգային համաժողովին, Երևան
• 1999 թվական- Երիտասարդական ցուցահանդես, Հովհաննես Թումանյանի թանգարան, Երևան

Մեջբերումներ Արեգ Պետրոսյանի մասին

Երիտասարդ քանդակագործ Արեգ Պետրոսյանի ստեղծագործական կենսագրությանը ծանոթ եմ նրա առաջին իսկ տարիներից, երբ հոր` տաղանդավոր արվեստագետ Բենիկ Պետրոսյանի արվեստանոցում իր առաջին քանդակներն էր ստեղծում։ Գենետիկ կապի որքան անքակտելի, նույնքան պարզ ու իրական վկայությամբ Արեգն անդրադառնում էր փոքր պլաստիկային, նրան բնորոշ արտահայտչաձևերի մեջ մշտապես բացահայտելով բանաստեղծական և խոհական նուրբ և զգայուն շեշտադրումներ։ Ուսումնառության տարիներին Արեգն արդեն երևան եկավ որոշակի ընդգծված անհատականությամբ՝ նյութի և նրա պլաստիկ արտահայտչական ընդհանրացումների մեջ բացահայտելով իր իսկ ապրումների, խոհերի ներքին զարկերակը։ Սա մի կանխորոշ պայման էր երիտասարդ քանդակագործի համար դուրս գալ մեծանուն հոր առինքնող արվեստի հզոր ազդեցությունից և գտնել իր բուն ներաշխարհի բացահայտման ինքնատիպ բանալին։ Եվ եթե հիշենք Մարտիրոս Սարյանի խոսքը՝ «ինձ շարունակողը կլինի նա, ով ինձ պես չնկարի», ապա Արեգ Պետրոսյան քանդակագործը դարձավ Բենիկ Պետրոսյան քանդակագործի արվեստի ճշմարիտ շարունակողը՝ իր արվեստի միջոցով հավաստելով մանրաքանդակի զարգացման նոր հեռանկարներ։ Արեգ Պետրոսյանը հայ արվեստի անդաստան է մտնում իր ուրույն, ինքնատիպ խոսքի, մտորումների լայն դիապազոնով։ Համոզված եմ, որ հանձին նրա, հայ արվեստագետների միության շարքերում կունենանք պրոֆեսիոնալ, բարձր կարողությունների տեր մի արվեստագետ, ով իր ստեղծագործական ներուժով առանձնակի դեր կունենա հայ պրոֆեսիոնալ մանրաքանդակի նորովի հաստատման և զարգացման գործում։ - Սարո Սարուխանյան, արվեստաբան, ՀՀ նկարիչների միության անդամ

Արեգ Պետրոսյանը ձգտում է բացահայտել նյութերի կարողությունը, նախընտրությունը տալով դինամիկ կոմպոզիցիաներին և կտրուկ ուրվագծին` անտեսելով ռացիոնալ տրամաբանությանը, և չնայած սյուժեների բավական իմաստավորվածությանը, առանձնանում է մյուս արվեստագետներից։ Նրա ներքին պայքարը հասուն նկարչի միջև, որը ցանկանում է իր աշխատանքները հասցնել մինչև տրամաբանական վերջաբանի՝ զգայուն, մանկական պարզությունը և կյանքին անկեղծ ուսումնասիրողը, փոխում է Արեգ Պետրոսյանի քանդակները ցուցահանդեսից ցուցահանդես, աշխատանքներից աշխատանք։ Դրանք են «Քամին» 2008, «Հեռացող հրեշտակը» 2005, «Թռչող ձուկը» 2010, «Դավթի մահը» 2005։ Ներքին անհամաձայնությունը և ինչ-որ ներքին բխող ներվի ներքո Արեգ Պետրոսյանի աշխատանքներում նկատվում է դրամատիկ աստառ։ Այդ ամենն է, որ առանձնացնում է Արեգին իր հասակակիցներից, նրանցից ովքեր ընդունել են սալոնային և գլամուռային օրենքները։ - Գարեգին Դավթյան, քանդակագործ, պրոֆեսոր

Պատկերասրահ

• 
  Հոգեվարք, 2004, բրոնզ, երկաթ, քար, 60x40x30 սմ
• 
  Երեկոյան հարդարանք, 2005, բրոնզ, խառը տեխնիկա, 30x41 սմ
• Էքսպրեսիա, 2006, բրոնզ, քար, 18x14 սմ
  Էքսպրեսիա, 2006, բրոնզ, քար, 18x14 սմ
• Որս, 2007, բրոնզ, քար, խառը տեխնիկա, 16x13 սմ
  Որս, 2007, բրոնզ, քար, խառը տեխնիկա, 16x13 սմ
• Հրեշտակ, Իջևան, 2013, քար, երկաթ, 370x80 սմ
  Հրեշտակ, Իջևան, 2013, քար, երկաթ, 370x80 սմ