Վահրամաբերդ

Վահրամաբերդ (նախկին անվանումը՝ Ներքին Ղանլիջա), գյուղ Հայաստանի Շիրակի մարզի Ախուրյանի տարածաշրջանում, մարզկենտրոն Գյումրիից 10 կմ հյուսիս-արևմուտք, Ախուրյան գետի ձախ ափին։ Վահրամաբերդ է վերանվանվել 1946 թվականին ի պատիվ միջնադարի հայ զորավար Վահրամ Պահլավունու^[3], որի տապանաքարը պահպանվում է Մարմաշենի վանքի գավթում։

Արագ փաստեր Գյուղ, Երկիր ...

Գյուղ
Վահրամաբերդ
Վահրամաբերդ գյուղի մուտքը
Երկիր	Հայաստան
Մարզ	Շիրակի մարզՇիրակի մարզ
Համայնք	Շիրակի մարզ, Ախուրյանի շրջան և Ալեքսանդրապոլի գավառ
Մակերես	8.2 կմ²
ԲԾՄ	1650 մ
Պաշտոնական լեզու	հայերեն
Բնակչություն	1683[1] մարդ (2012)
Ազգային կազմ	հայեր
Ժամային գոտի	UTC+4
Հեռախոսային կոդ	+374 312[2]
Վահրամաբերդ Վիքիպահեստում

Փակել

Գյուղը գտնվում է Ախուրյանի ձախ ափին՝ ծովի մակարդակից 1650 մետր բացարձակ բարձրության վրա։ Կլիման ցուրտ է, քիչ տեղումներով։ Հաճախ են ուժեղ քամիները, մառախուղները և ձնաբքերը։ Ամառները տաք են, համեմատաբար խոնավ։ Տարեկան տեղումների միջին քանակը կազմում է շուրջ 450-500 միլիմետր։ Բնական լանդշաֆտներն են սևահողային լեռնատափաստանները, որոնք հիմնականում ոռոգվում են Շիրակի ջրանցքի ջրերով։ Ունի պեմզայի և տուֆի պաշարներ։

Ըստ Հայաստանի 2011 թ. մարդահամարի արդյունքների՝ Վահրամաբերդի մշտական բնակչությունը կազմել է 1455, առկա բնակչությունը՝ 1393 մարդ^[4]։ Բնակիչները հայեր են, որոնց նախնիները գաղթել են Կարսի Ինջալար գյուղից^[3]։

Վահրամաբերդի բնակչության փոփոխությունը ժամանակի ընթացքում՝ ստորև^[5].

Բնակչությունը զբաղվում է հիմնականում աշնանացան ցորենի, բանջարաբոստանային մշակաբույսերի, կերային մշակաբույսերի մշակությամբ և անասնապահությամբ։

Վահրամաբերդից հարավ-արևմուտք, ձորամիջում, գտնվում են Մարմաշենի վանքը (IX-XIII դարեր) և XIII դար կամուրջը։

• 
  Ախուրյան գետը
• 
  Ախուրյանի կիրճը
• 
  Գյուղի վարելահողերը
• 
  Ախուրյանը Մարմաշենի վանքից դիտելիս
• 
  Գյուղական ճանապարհ ձմռանը
• 
  Հարություն Մկրտչյանի անվան միջնակարգ դպրոցի շենքը
• 
  Մարմաշենի վանքը արևելքից
• 
  Վահրամաբերդ գյուղի խաչքար
• 
  Գյուղական ճանապարհ
• 
  Մեծ Հայրենականի հուշարձանը
• 
  Գյուղի հետերկրաշարժյան տեսքը

• Վահրամաբերդի պատմության և մշակույթի անշարժ հուշարձանների ցանկ (Շիրակի մարզ)