Սեմյոն Յուդկովիչ Մոգիլևիչ, (ռուս.՝ Могилевич, Семён Юдкович, հունիսի 30, 1946, Կիև, Ուկրաինական ԽՍՀ)[1], ռուս (ունի նաև ուկրաինական արմատներ) հանցագործ։ ԱՄՆ-ի և Եվրոպական միության կողմից ճանաչված հանցավոր համայնքների, ռուս-ուկրաինական մաֆիա-խմբավորումների ղեկավար, Ուկրաինայի նախկին վարչապետ Յուլիա Տիմոշենկոյի հայտարարության համաձայն, վերահսկել է «ՌոսՈւկրԷներգո» ընկերությունը[2]։ 2009-2015 թվականներին եղել է ՀԴԲ-ի կողմից 10 ամենահետախուզվող փախստականների ցանկի մեջ[3]։
Սեմյոն Մոգիլևիչ ուկրաիներեն՝ Семен Могилевич | |
---|---|
![]() | |
Ծնվել է | հունիսի 30, 1946 (78 տարեկան) |
Ծննդավայր | Կիև, Ուկրաինական ԽՍՀ |
Քաղաքացիություն | ![]() ![]() ![]() ![]() |
Կրթություն | Լվովի համալսարան |
Մասնագիտություն | հանցագործ և գործարար |
![]() |
Ծնվել է կիևյան Պոդոլ շրջանում, ավարտել է Լվովի համալսարանի տնտեսագիտության բաժինը[4]։
1990-ական թվականների սկզբին դատվել է երկու անգամ՝ առաջին անգամը՝ 1974 թվականին՝ արժութային հանցագործությունների համար, երկրորդը՝ 1977 թվականին՝ խարդախության համար[4][5]։ Ազատ արձակվելով՝ առգրավել է Իսրայել մեկնածների ունեցվածքը՝ խոստանալով վերավաճառել վերջիններիս սեփականությունն ու ստացված գումարները փոխանցել ներգաղթյալներին։ Իսկ իրականում դրանք յուրացրել է[4][5]։
1990 թվականին մեկնել է Իսրայել, որտեղ բանկային ներդրումներ է կատարել և հիմնել մի քանի ընկերություններ։ Մեկ տարի անց ամուսնացել է Հունգարիայի քաղաքացի Կատալին Պապի հետ և բնակություն հաստատել Բուդապեշտի մոտ, մի շարք հունգարական գիշերային ակումբների ցանցի սեփականատեր է[4][5]։ 1994 թվականին վերահսկողություն է սահմանել Ինքոմբանկի նկատմամբ՝ գործարք կնքելով նրա նախագահ Վլադիմիր Վինոգրադովի հետ[6]։
1995 թվականի մայիսին Մոսկվայի Մոգիլևիչին պատկանող Պրահայի «Աղավնիների մոտ» ռեստորանում (Չեխիա) սոլնցևյան խմբավորման ղեկավար Սերգեյ Միխայլովի հետ հանդիպման ժամանակ՝ Չեխիայի ոստիկանության հատուկ գործողության ընթացքում Մոգիլևիչը խուսափել է կալանքից[5]։ Տեղական իշխանությունների տվյալներով՝ այդ հանդիպման ընթացքում սոլնցևյան ՕՊԳ-ի անդամները ծրագրում էին վերացնել Մոգիլևիչին, որը նրանց պարտք էր 5 միլիոն դոլար։ Ռեստորանում Մոգիլևիչն այդպես էլ չի հայտնվել[7]։ Այս ամենից հետո Մոգիլևիչին արգելել են 10 տարի ժամկետով մուտք գործել Չեխիա, նա պերսոնա նոն գրատա Է հայտարարվել Հունգարիայում և Մեծ Բրիտանիայում։ Իսկ Շոտլանդիայի թագավորական բանկում հայտնաբերվել է 2.000.000 ֆունտ սթերլինգ, որը պատկանել են Մոգիլևիչի «Arigon» ընկերությանը, որը գտնվում է Նորմանդյան կղզիներում[8]։
ՀԴԲ-ի տվյալներով՝ Մոգիլևիչը վերահսկում է «հսկայական միջազգային հանցավոր ցանցը»[9]։
2013 թվականի ապրիլին ընդգրկվել է աշխարհի ամենաազդեցիկ մարդկանց հինգ հարյուրյակի ցանկում, որը կազմել է ամերիկյան «Foreign Policy» հանդեսը[10]։
2015 թվականի դեկտեմբերին հանվել է ՀԴԲ-ի տասը ամենահետախուզվող փախստականների ցանկից՝ «ձերբակալման անհնարինության» պատճառով, քանի որ ԱՄՆ-ի և ՌԴ-ի միջև հանցագործներին հանձնելու համաձայնություն չկա։
1995 թվականին Մոգիլևիչը տեղափոխվել է Հյուսիսային Ամերիկա, որտեղ դարձել է Կանադայում գրանցված «YBM Magenex International» ընկերության համասեփականատերը, սակայն իր գործունեությունը ծավալել է ԱՄՆ-ում։Մի քանի տարվա ընթացքում կանադական ֆոնդային բորսայում այդ ընկերության բաժնետոմսերի փոխարժեքը կտրուկ աճել է, 1997 թվականին ընկերությունն անցկացրել է լրացուցիչ թողարկում՝ շուկայում վաճառելով 3,2 միլիոն բաժնետոմս, մեկ հատը՝ 16,5 կանադական դոլարով։ Ավելի ուշ պարզվել է, որ այդ ընկերության գործունեությունը ֆիկտիվ էր[11]։
1998 թվականին YBM Magnex ընկերության բաժնետոմսերը, որոնք այդ պահին գնահատվում էին 1 միլիարդ կանադական դոլար TSX-ով, կտրուկ նվազել են այն բանից հետո, երբ 1998 թվականի մայիսի 13-ին Նյուտաունում Magnex-ի կենտրոնակայան էին ժամանել Հետաքննությունների դաշնային բյուրոի գործակալները՝ հետաքննելու հանցավոր խմբավորումների հետ ընկերության կապերը[8], ներդրողները կորցրել են ավելի քան 150 միլիոն դոլար[1]։
YBM Magenex ընկերության բաժնետոմսերի հետ կապված, Մոգիլևիչի և նրա հանցակիցների համար հետախուզում են հայտարարել։ 2003 թվականի ապրիլին Փենսիլվանիայում նրանց դեմ 45 կետից բաղկացած պաշտոնական մեղադրանք էր առաջադրվել։ Մասնավորապես նրանց մեղադրել են դրամաշորթության, խարդախության և փողերի լվացման մեջ։ Մոգիլևիչին մեղավոր ճանաչելու դեպքում նրան մինչև 400 տարվա ազատազրկում է սպառնում[11]։
Ըստ տարածված տեղեկությունների, որը կհանգեցնի Մոգիլևիչի ձերբակալությանը, Հետաքննությունների դաշնային բյուրո-ն 100 հազար դոլար է առաջարկում[12]։
1999 թվականի կեսերին ամերիկյան «Յու-Ես-Եյ Թուդեյ» պարբերականում լույս է տեսել «Bank of New York-ի գործին» նվիրված հրապարակումը։ Հոդվածում նշվում էր, որ փողերը դուրս են բերվել բանկից 4 հաշիվներով, ընդ որում բոլոր հաշիվները բացվել են Benex ֆիրմայով[13][14]։ «Յու-Ես-Եյ Թուդեյ»-ը, վկայակոչելով հատուկ ծառայությունների տվյալները, հայտարարել է, որ Benex ընկերության հիմնադիրը Սեմյոն Մոգիլևիչն է[14]։
2008 թվականի հունվարի 24-ին Մոգիլևիչը Մոսկվայում ձերբակալվել է տնտեսական հանցագործությունների դեմ պայքարի վարչության կողմից՝ «Արբատ Պրեստիժ» ընկերության համար նախատեսված հարկերից խուսափելու մեղադրանքով։ Մոգիլևիչի հետ ձերբակալվել է նաև ընկերության գործադիր տնօրեն Վլադիմիր Նեկրասովը։ 2009 թվականի հուլիսի 24-ին կալանքից ազատ է արձակվել երկրից չբացակայելու մասին ստորագրությամբ[15], 2011 թվականի ապրիլի 18-ին Նեկրասովի և Մոգիլևիչի (Շնայդերի) քրեական գործը կարճացրել են հանցակազմի բացակայության պատճառով[16]։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.